အရည်ချင်းရှိပြီး စိတ်ကောင်းမရှိရင် အလကားပဲ

လူတစ်ယောက်ရဲ့ တန်ဖိုး
==============

အရည်အချင်း ဘယ်လောက်ရှိရှိ
စိတ်ကောင်းမရှိရင် အလကားပါပဲ။

ငွေကြေးဘယ်လောက်ချမ်းသာ ချမ်းသာ
ကိုယ်ချင်းမစာတတ်ရင် အလကားပါပဲ။

ဘယ်လောက်ပဲ ကျော်ကြား ကျော်ကြား
ကိုယ်ကျင့်တရားမကောင်းရင် အလကားပါပဲ။

ပညာတွေ ဘယ်လောက်တတ်တတ်
အကောင်းအဆိုးကို မခွဲခြားနိူင်ရင် အလကားပါပဲ။

ရုပ်ရည်ဘယ်လောက်ချောချော
စိတ်ထားမကောင်းရင် အလကားပါပဲ။

ငွေကြေးဘယ်လောက် အကုန်ခံပြီး လှူ လှူ
စေတနာမမှန်ရင် အလကားပါပဲ။

အပေါင်းအသင်း ဘယ်လောက်များများ
စစ်မှန်တဲ့ သူငယ်ချင်းရှိသင့်သလို ကိုယ်ကိုယ်တိုင်လည်း သူငယ်ချင်းကောင်း မဖြစ်ရင် အလကားပါပဲ။

စာတွေ ဘယ်လောက်ဖတ်ဖတ်
မလိုက်နာနိူင်ရင် အလကားပါပဲ။

အတွေးအခေါ် ဘယ်လောက်မြင့်မြင့်
အောင်မြင်မှူ တစ်ခုမှ ရအောင်မလုပ်နိူင်ရင် အလကားပါပဲ။

မိဘကျေးဇူး ဘယ်လောက်ဆပ်ဆပ်
မိဘကို မျက်ရည်ကြီးငယ်ကျအောင် လုပ်နေရင် အလကားပါပဲ။

လူတစ်ယောက်ရဲ့ စစ်မှန်တဲ့ တန်ဖိုးဆိုတာ
ထက်မြက်တဲ့ "ခေါင်း"က အဓိကမဟုတ်ပါ
နားလည်ပေးတတ်သော" နား"တစ်စုံ၊
သနားကြင်နာတတ်သော "နှလုံးသား"တစ်စုံ ၊
အမှန်တရားကိုလက်ခံသိမြင်ပြီး အကောင်းမြင်တတ်သော
"မျက်စိ"တစ်စုံ ၊ ကူညီပေးကမ်းတတ်သော "လက်"တစ်စုံ တို့ဖြစ်ပါတယ်။

ထက်မြက်သော အရည်အချင်း ပိုင်ဆိုင်သူသည် အတ္တ နည်းပြီး
စာနာတတ်ရင် တန်ဖိုးကြီးသော လူပါပဲ။

လူသားတိုင်း အရည်အချင်းထက်မြက်ကြသလို
စိတ်ထားမြင့်မားကြပြီး ဘဝတွေလည်း မြင့်မားကြပါစေ။

လေးစားစွာဖြင့် ♥ ♥ ♥

Read More →

online သုံးကြရာဝယ်

အွန်လိုင်းပေါ်မှာ fb သုံးကြရာဝယ်


သုံးတက်ရင်…… ဆေး… မသုံးတက် ရင် ဘေးဖြစ်လိမ့်မယ်။

တွေ့နေရပါတယ်… မတင်သင့်မှန်း မသိ တင်သင့်မှန်းမသိဘဲ … တင်နေ ကြတယ်။

ကိုယ့်ရဲ့ Post တစ်ခုသည် တစ်ပါးသူကိုယ် ထိခိုက်လား။ မထိလိုက်ဘူးလား။ ဒီပို့စ်တစ်ခုက ကိုယ့်ကို ပြန်ထင်ဟတ်စေမလား။

ဘယ်သူ့အတွက် အကျိုးဖြစ်စေသလဲ ဘယ်သူတွေအတွက် ဆုံးရှုံးနစ်နာမှု တွေ ရှိစေသလဲ။ မစဉ်းစားကြတော့ ဘူး။

Post တစ်ခုအပေါ် စဉ်းစားဆင် ခြင်ဥာဏ် နည်းပါးစွာ အမှား/အမှန် ဝေဖန် သုံးသပ်နိုင်မှု နည်းပါးသူတွေ အတွက် အမှားကိုလည်း အမှန် ထင်စေတာကြောင့် လွဲမှားတဲ့ အတုယူဖွယ်တွေဖြစ်နိုင်သလို စိတ်ခံစားချက်တွေ ဖြစ်နိုင်တာ ကြောင့် post တင်သူများအနေနဲ့ စဉ်းစားစေခြင်တယ်။

profile မမှန်တာတွေရဲ့ posts တွေ အတည်မပြုနိုင်တဲ့ page တွေရဲ့ post တွေကို စဉ်းစားဆင်ခြင် ဥာဏ်နဲ့ ယှဉ်ကြည့် ကြပါ။

fb သုံးကြရာဝယ် … ဆေးဖြစ်ပါစေ။
အနာ… မဖြစ်ပါစေနဲ့။

အများကြီး တွေးတော ဆင်ခြင်ပြီး သုံးသပ် တင်ကြရန်နှင့် အမှား/ အမှန် ခွဲခြား ယုံကြည်ကြရန် ဖြစ်ပါ တယ်……

Read More →

မဟုတ်မှန်းသိရဲ့နဲ့ အလိမ်ခံခဲ့တယ်

တစ်ချို့လူတွေက လိမ်နေတယ်၊ လိမ်နေမှန်းသိရက်နဲ့ မသိချင်ယောင်ဆောင်လိုက်ရတယ်။
တစ်ချို့လူတွေက အကျင့်ယုတ်ကြတယ်၊ အကျင့်ယုတ်မှန်း သိရက်နဲ့ မျက်နှာပျက်မရလို့ သည်းခံနေလိုက်ရတယ်။
တစ်ချို့လူတွေက လေများတယ်၊ လေများမှန်းသိရက်နဲ့ မကောင်းတတ်လို့ မျက်စိတစ်ဖတ်ပိတ်နေလိုက်ရတယ်။
တစ်ချို့လူတွေက သိပ်အပြောကောင်းတယ်၊ မဟုတ်မှန်းသိရက်နဲ့ နားထောင်ကောင်းကောင်းနဲ့ ကျိတ်ယုံလိုက်ရတယ်။
တစ်ချို့လူတွေက ဟန်ဆောင်ကောင်းတယ်၊ ဟန်ဆောင်နေမှန်းသိရက်နဲ့ ကိုယ်ပါမသိချင်ယောင်ဆောင် ဟန်ဆောင်လိုက်ရတယ်။

လူ့လောကကြီးဟာ အရမ်းရှုပ်ထွေးပါတယ်။
သိနေပေမယ့်လည်း မသိလိုက်တာက ပိုကောင်းသလို မြင်နေပေမယ့်လည်း မမြင်ချင်ယောင်ဆောင်လိုက်ရတာက ပိုပြီးငြိမ်းချမ်းပါတယ်။
အဖြေမထွက်တဲ့အရာတစ်ခုကို တစ်ဒေါက်ခေါက်ပြီး ထိုင်တွက်ချက်နေလည်း ဘာမှမထူးလာတာတွေ ရှိတတ်ပါတယ်။
ကိုယ်ပြုပြင်လို့မရမယ့်အတူတူ တစ်ခါတစ်လေ မျက်နှာလေးလွှဲနေတာက ပိုပြီးကောင်းပါတယ်။

-မာရင်ရင်
မနုဿ ရဲ့ စာမျက်နှာလေးများ

Read More →

ဗဟုသုတ ရစေမဲ့ စာတိုလေးများ

တခါသုံးယုံကြည်မှု

ယုံကြည်မှုဆိုတာ စာရွက်တစ်ရွက်လိုပဲ၊ ကြေသွားပြီဆိုတာနဲ့ ဘယ်လိုပဲဖြန့်ဖြန့် နဂိုအတိုင်းပြန်မဖြစ်တော့ဘူး။

နောင်တ

နောက် အနှစ် ၂၀ ကြာသွားတဲ့အခါ မင်းကိုပိုပြီးစိတ်ပျက်စေမှာက မင်းလုပ်ခဲ့တဲ့ ကိစ္စတွေမဟုတ်ဘူး၊ မင်းမလုပ်လိုက်ရတဲ့ကိစ္စတွေပဲ။

နေရာ

အအေးတစ်ပုလင်းကို လမ်းဘေးဆိုင်မှာ ၁၀ နဲ့ရောင်းတယ်၊ ဟိုတယ်မှာ ၃၀ နဲ့ရောင်းတယ်။

လူတစ်ယောက်ရဲ့တန်ဘိုးဟာလည်း သူရောက်နေတဲ့နေရာပေါ်မှာပဲမူတည်တယ်။

သမာဓိ

စကားတစ်ခွန်း မပြောသေးခင်မှာ မင်းဟာအဲဒီစကားရဲ့အရှင်သခင်ပဲ၊ ပြောလိုက်ပြီဆိုရင်တော့ မင်းဟာသူ့ရဲ့ကျွန်ဖြစ်သွားပြီ။

ရွေးချယ်မှု

နောက်ဆုံးတော့လည်း မင်းဘာကိုယုံရင်ဘာဖြစ်တာပဲ။

ဘာလို့လဲဆိုတော့ ဒီကမ္ဘာပေါ်မှာ ကြောက်စရာအကောင်းဆုံး ဝေါဟာရ နှစ်ခုရှိတယ်၊

တစ်ခုက ခေါင်းမာတာ၊ နောက်တစ်ခုက ကြိုးစားတာ။

ကြိုးစားတဲ့ကောင်က သူ့ကိုသူပြောင်းလဲပစ်တယ်၊

ခေါင်းမာတဲ့ကောင်က သူ့ကံကိုသူပြောင်းလဲပစ်တယ်။

မနာလိုခြင်းနှင့် အားကျခြင်း

သူများတွေထက် မဆိုစလောက် သာတဲ့အခါ မင်းကို မနာလိုဖြစ်ကြလိမ့်မယ်။

သူတို့တွေထက် အဆပေါင်းများစွာ သာသွားတဲ့အခါ မင်းကို အားကျကြလိမ့်မယ်။

နောက်ဆုံးအပြုံး

ဘယ်သူ့ကိုမှ မယှဉ်နိုင်ဘူး လို့ ထင်တဲ့အခါ အားမငယ်ပါနဲ့၊

မင်းဟာ သာမန်လူ တစ်ယောက် ဆိုတာလည်း သတိရပါ။

သူများတကာ ရယ်မောနေတာ တွေ့ရင်လည်း တကမ္ဘာလုံးမှာ မင်းတစ်ယောက်တည်း ဝမ်းနည်း ပူဆွေး နေတယ် မထင်ပါနဲ့၊

တကယ်တော့ သူများတွေက မင်းထက် ပိုပြီး ဟန်လုပ်တတ်လို့ပဲ။

အကူအညီ မဲ့နေတဲ့အခါ မင်း ငိုချင် ငိုလိုက်ပါ၊

သို့သော် ငိုပြီးရင်တော့ ပြန်ပြီး နိုးကြား တက်ကြွ လာရမယ်၊

အရာရာကို လက်လွှတ် ဆုံးရှုံးပစေဦးတော့၊

မင်းရဲ့ အပြုံးလေး ကိုတော့ ရှုံး မသွားပါစေနဲ့။

ပူပင်သောက

လူတစ်ယောက် ရဲ့ ပူပင်သောက တွေ ကနေ သူ့ရဲ့စိတ်နေသဘောထား အတိုင်းအဆ နဲ့ အနာဂတ် အောင်မြင်မှု ရဲ့ အတိမ်အနက် ကို မှန်းဆလို့ရတယ်။

တနည်းအားဖြင့်၊ ပြဿနာအသေးလေးတွေဟာ အချိန်ကုန်ခံပြီး ပူပန်နေစရာမလိုဘူး၊

တကယ့်ကြီးမားတဲ့ ကိစ္စတွေကျပြန်တော့ ပူနေရုံနဲ့လည်း အကျိုးမရှိဘူး။

အချိန်တိုတိုနဲ့ ပြဿနာဖြေရှင်းနိုင်စွမ်းရှိရင် အရာရာတိုင်းဟာ မိုးတွေထန်ပြီးတဲ့နောက် ပွင့်လင်းသွားတဲ့ ရာသီဥတုလို သာယာနေမှာပါပဲ။

အောင်မြင်မှုနှင့် တိုးတက်မှု

မင်း မအောင်မြင်လို့ ရတယ်၊

သို့သော် မတိုးတက်လို့ မရဘူး။

မင်းရဲ့အောင်မြင်မှုကို ကဖျက်ကယက် လုပ်မယ့်သူတွေ ရှိကောင်းရှိလိမ့်မယ်၊

ဒါပေမဲ့ မင်း တိုးတက်တာ ကိုတော့ ဘယ်သူမှ ကာဆီးကာဆီး လုပ်မှာ မဟုတ်ဘူး။

ဖိအားနှင့် တွန်းအား

အပြင်ကသက်ရောက်တဲ့အားကြောင့် ကွဲသွားတဲ့ကြက်ဥဟာ အစာတစ်လုပ်ဖြစ်သွားပေမယ့် အတွင်းကနေရုန်းထွက်လာတဲ့အားကြောင့် ကွဲသွားတဲ့ကြက်ဥကျတော့ အသက်တစ်ချောင်း ဖြစ်လာစေတယ်။

လူ့ဘဝဆိုတာလည်းအဲလိုပါပဲ၊ အပြင်ကလာတဲ့အားတွေက ဖိအားတွေဖြစ်ပြီး အတွင်းကနေ ဖြစ်တည်လာတဲ့အားတွေက ကြီးပြင်းရှင်သန်မှုပါ။

ပြင်ပကအားတွေနဲ့ အခွဲခံဖို့ပဲ ထိုင်စောင့်နေလို့ရှိရင် သင်ဟာ သူများရဲ့အစာတနပ် ဖြစ်သွားမှာမလွဲပါဘူး။

ကိုယ့်အားကိုယ်ကိုးပြီး အတွင်းကနေ ဖောက်ထွက်နိုင်ရင်တော့ ကိုယ့်ရဲ့ရှင်သန်ကြီးပြင်းခြင်းဟာ အသက်တစ်ချောင်း အသစ်တဖန် ပြန်လည်မွေးဖွားလာတာနဲ့ တူတယ်ဆိုတာ တွေ့ရပါလိမ့်မယ်။

Read More →

ဘဝဆိုတာ ဘာလဲ…………?

ဘဝဆိုတာ ဘာလဲ။ ဘဝဆိုတာ အိပ်မက်ပါပဲ။ အိပ်မက်ဟာ ဘဝပါပဲ။
ဘဝဆိုတာ အိပ်မက်ဆိုတာကို သက်သေပြမယ်။

အတိတ်ဘဝက ဖြစ်ပျက်တွေ့ကြုံတာတွေ မရှိတော့ဘူး။ တကယ်မဟုတ်တော့ဘူး။
အနာဂတ်ဘဝမှာ ဖြစ်ပျက်မှာကလဲ တကယ်မဟုတ်သေးပါဘူး။ အနာဂတ်ဘဝ အတိတ် ဘဝမှာ နေထိုင်လို့မရသလို၊ ပစ္စုပ္ပန်ဘဝလဲ ဖြစ်ပျက်နေလို့ တကယ်နေထိုင်လို့ မရဘူး။
အတိတ်ဘဝနဲ့ အနာဂတ်ဘဝလိုပဲ ပစ္စုပ္ပန်ဘ၀ဟာလဲ အိပ်မက်ပါပဲ။
ဘယ်ဘဝမဆို အစစ်အမှန် ခိုင်မြဲတည်တံ့နေတာ မဟုတ်ဘူး။

ပစ္စုပ္ပန်ဘ၀မှာ နေထိုင်မှုဆိုတာလဲ ချက်ချင်းအတိတ်ဘဝဖြစ်သွားနေတယ်။ ယခု အတိတ်ဘဝ
ဖြစ်နေတဲ့ ပစ္စုပ္ပန်ဘ၀မှာနေရတဲ့ ဘ၀ဟာလဲ အိပ်မက်ပါပဲ။ တကယ်မရှိဘူး။ အတ္တ ပုဂ္ဂလ ဇီဝ
မရှိလို့ ဘယ်ဘ၀မဆို အိပ်မက်ပါပဲ။ စိတ်ခဏတိုင်း ပြောင်းလဲနေမှုပါပဲ။

ဘ၀ဟာ အတ္တ ဇီဝ ပုဂ္ဂလ ယောက်ျား၊ မိန်းမ၊ မရှိလို့ “သုညတ”လို့ ခေါ်တယ်။ အဲဒီ အနိစ္စ
တရား၊ ဒုက္ခတရား၊အနတ္တတရား သုညတတရားဟာ ဘ၀ပါပဲ။ ဘ၀ဟာ သုညတလို့ သတိ
ပဋ္ဌာန်အလုပ်နဲ့ တကယ်သိရင် အမြင့်ဆုံး ပညာဥာဏ်၊ ၀ိမုတ္တိသုခ လွတ်မြောက်တဲ့ချမ်းသာ
သစ္စာသိမှု ချမ်းသာမြတ်ကြီးကို ရပါတယ်။ သုညတ သိမှ နိဗ္ဗာန်ရတယ်။

ဘ၀ဟာ အိပ်မက်ဖြစ်လို့ ချစ်စရာ မုန်းစရာလဲမရှိ၊ အထင်အမြင် မှားစရာမရှိဘူး။
အိပ်မက်ထဲမှာ တစ္ဆေချောက်ခံရရင် ချက်ချင်းနိုးရင်နိုးတယ်။ နိုးပြီးရင် ဒါ အိပ်မက်ပဲ။
သူရဲတစ္တေ တကယ်ခြောက်လှန့်တာ မဟုတ်ပါလားလို့ သိရင် စိတ်ပေါ့ပါးသွက်လက်
တယ်။ ရီတောင် ရီမောရသေးတယ်။

ဘ၀ဟာ အိပ်မက်ဆိုတာကို နောက်တခု သက်သေပြမယ်။

ဘ၀ဟာ စိတ်ပါပဲ။ စိတ်ရဲ့အမူအယာတွေပဲ။ အိပ်မက်ဆိုတာလဲ စိတ်ရဲ့အမူအယာပဲ။
ဒါ့ကြောင့် ဘ၀ဟာ အိပ်မက်ပါပဲ။ စိတ်ကဖြစ်ပေါ်မှု၊ စိတ်ရဲ့အမြင်သက်သက်ပါပဲ။ အိပ်မက်စိတ်မှာ ကြောက်စရာအာရုံတွေ ကြုံရသလို၊ နိုးနေတဲ့စိတ်မှာလဲ ကြောက်စရာ
အာရုံတွေ ကြုံရတယ်။ အိပ်မက်စိတ်နဲ့ အမြင်ဟာ ဘ၀ပါပဲ။ မျက်မြင်လောကထဲ ဘာမှ
မထူးခြားဘူး။ စိတ်ရဲ့ထင်မြင်မှုပါပဲ။ အိပ်မက်ကို ပထမတော့ အစစ်အမှန် တကယ့်ဖြစ်ရပ်
လို့ ထင်ခဲ့ကြရတယ်။ အိပ်မက်ဆိုးဟာ အိပ်ရာကနိုးရင် ပျောက်သွားတယ်။
ဒါကြောင့် သတိပညာ ၀ိပဿနာစိတ် မဂ်စိတ်ရရင် ကိလေသာ စိတ်အမြင်တွေပျောက်သွားတယ်။ အိပ်မက်ဆိုးတွေ မရှိတော့ဘူး။

မျက်စိဟာ ရူပါရုံအဆင်း ကြည့်ရာမှာ မရောင့်ရဲနိုင်ဘူး။ နားကလဲ ကောင်းတဲ့အသံကို ကြားရာ မှာ ကျေနပ်ရောင့်ရဲခြင်း မရှိဘူး။ မျက်စိက အဆင်းလှလှကို ထပ်မံ ကြည့်ချင်နေတယ်။ နားက အသံသာယာတာကို ထပ်မံ ကြားချင်နေတယ်။ သောက်လေ သောက်လေ ငတ်မပြေတဲ့ ဆား
ငန်ရေပါပဲ။ ဒါကြောင့် မြတ်စွာဘုရားက မျက်စိ,နား, နှာ,လျှာ,ကိုယ်, စိတ် ဒွါရခြောက်ပါးမှာ
တဏှာ, မာန,ဒိဋ္ဌိ မီးလောင်နေတယ်လို့ ဟောတော်မူတယ်။ ဒွါရခြောက်ပါးမှာလဲ မီး ၁၁-ပါး
လောင်နေတာကို တွေ့မြင်နိုင်တယ်။

Read More →

သမိုင်း (၃)မျိုး

လူတိုင်းလူတိုင်းဟာ ကိုယ့်သမိုင်းကို ရေးနေကြတယ်။ အဲဒီလိုရေးတဲ့အခါ ဘယ်လိုသမိုင်းမျိုးရေးမလဲ၊ စဉ်းစားရမယ်။ သမိုင်းသုံးမျိုး ရှိတယ်။ ဒေ၀ဒတ်သမိုင်း၊ အဂုင်္လိမာလသမိုင်း၊ ကဿပသမိုင်း။

ဒေ၀ဒတ်သမိုင်းဟာ အစလဲ မကောင်း၊ အဆုံးလဲ မကောင်းပါ။ အင်္ဂုလမာလသမိုင်းကျတော့ အစတော့ မကောင်းဘူး။ သို့သော် အဆုံးကောင်းတယ်။ အရှင်ကဿပသမိုင်းကျတော့ အစလဲ ကောင်းတယ်၊ အဆုံးလဲ ကောင်းတယ်။ ကိုယ့်ကိုယ်ကို မေးပါ၊ ဘာသမိုင်း ရေးနေတာလဲလို့။

ကိုယ့်ကိုယ်ကို မေးတယ်ဆိုတာ ကိုယ်ကိုယ်ကို စစ်ဆေးနေတာပဲ။ ဒါကို စိတ်မှန်ကြည့်တယ်လို့ ခေါ်တယ်။ မှန်ဆိုတာ ဖြစ်စဉ် အမှန်ကို ဖော်ပြတယ်လေ။ ကိုယ်ပြုံးတဲ့အခါ မှန်က ပြုံးပြပေမဲ့ ကိုယ်ငိုတဲ့အခါ သူက ပြုံးမပြဘူး မဟုတ်လား။

``အရှင်ဒေ၀ဒတ်သမိုင်း´´

ဒေ၀ဒတ်သမိုင်းကို ကြည့်လိုက်ပါ။ အဇာတသတ်ကို မြှောက်ထိုးပင့်ကော်လုပ်ပြီး မင်းဆရာဖြစ်အောင် လုပ်တယ်။ မင်းဆရာ ဖြစ်လာပြီဆိုတော့ မြတ်စွာဘုရားကို အမျိုးမျိုး နှောက်ယှက်တယ်။ သာမန်လူတွေ မလုပ်ရဲတဲ့ ပြစ်မှုကြီးတွေကို လက်ရဲဇက်ရဲ လုပ်တယ်။ သူဟာ နောက်ဆုံးတော့ သေချင်းဆိုးနဲ့ သေရတာပဲ။ သေပြီးတော့လဲ ငရဲကျတယ်။

လူ့လောကကြီးမှာလဲ အဲဒီလိုပုဂ္ဂိုလ်တွေ အများကြီး ရှိတယ်။ ကလေးတုန်းကလဲ ဆိုး၊ အိမ်ထောင်ကျတော့လဲ ဆိုး၊ အသက်ကြီးတော့လဲ ဆိုးတာပဲ။ ကိုယ့် အတွက်လဲ ဘာမှ မလုပ်နိုင်၊ မိသားစုအတွက်လည်း ဘာမှ မလုပ်။ သံပုရာသီးများလို ကြီးလေချဉ်လေ။ အဲဒါ ဒေ၀ဒတ်သမိုင်း ရေးနေသူတွေပါပဲ။

ကောင်းတာဆိုလို့ ဘာတစ်ခုမှ လုပ်မသွားဘူးတဲ့။ အဲဒါ လူ့ငနွားပဲတဲ့။ တကယ်တော့ “လူဖြစ်လာခြင်းသည် ကောင်းတာတွေ လုပ်ဖို့ပါပဲ”တဲ့။ အခုတော့ ကောင်းတာဆိုလို့ ဘာတစ်ခုမှ မလုပ်ဘူးတဲ့။ ဒီလိုလူစားမျိုးကို လူတိရစ္ဆာန်လို့ ခေါ်ပါတယ်။ ဒီလို လူစားမျိုးဟာ ဒေ၀ဒတ်သမိုင်း ရေးနေသူများပါပဲ။

``အရှင်အဂုင်္လိမာလသမိုင်း´´

အင်္ဂုလိမာလကျတော့ အစပိုင်းကတော့ မကောင်းဘူး၊ ဒါပေမဲ့ အဆုံးပိုင်းကျတော့ ကောင်းတယ်။ အရှင်မြတ်သည် မြတ်စွာဘုရားနဲ့တွေ့တဲ့အခါ သတိသံဝေဂရပြီး တရားကျင့်တော်မူလို့ ရဟန္တာဖြစ်သွားတယ်။ အရှင်မြတ်ရဲ့ ဘ၀နေ၀ချိန်မှာ ဓမ္မနဲ့ လှလှပပ နိဂုံးချုပ်သွားတယ်။

လောကကြီးမှာလဲ အဲဒီလိုပုဂ္ဂိုလ်တွေ ရှိပါတယ်။ ငယ်ငယ်တုံးကတော့ ဆိုးတယ်။ အသက်အရွယ် ရလာတော့ သံဝေဂတွေ ရလာပြီး ဘုရားနဲ့တရားနဲ့ ဒီလိုဖြစ်လာတယ်။ ဂေါပကလူကြီးတစ်ယောက်၊ သူ့အကြောင်းကို ပြောပြတယ်။ “ငယ်ငယ်တုန်းက မိုးလင်းကနေ မိုးချုပ်အထိ သောက်တယ်၊ အသတ်အဖြတ်ကလဲ ၀ါသနာပါတယ်ဘုရား၊ ဒီတော့ အကုသိုလ်မှန်ရင် မလုပ်ဘူးတာ မရှိသလောက်ပါပဲ”တဲ့။

နောက်ကျတော့ စဉ်းစားတယ်။ “ငါ အသက်ကြီးလာပြီ၊ မဟုတ်သေးဘူး၊ ပြင်ဦးမှဘဲ”ဆိုပြီး အသောက်အစားတွေ မလုပ်တော့ဘူး။ စီးပွားရေးကိုပဲ ဇောက်ချပြီး လုပ်တယ်။ အလုပ်တွေ အောင်မြင်လာတယ်။

အဲဒီနောက် တရားတွေနာတယ်။ ကျောင်းတွေ ဆောက်၊ ကျောင်းဒါယကာဖြစ်၊ ရိပ်သာတွေမှာ တရားစခန်းတွေ ၀င်တယ်။ အခုတော့ သူကိုယ်တိုင်က ရိပ်သာ အကျိုးဆောင်ကြီး ဖြစ်နေပါပြီ။ ဒါကြောင့် မှားတာက မဆိုးသေးဘူး၊ မှားမှန်းမသိတာက ဆိုးတာတဲ့။ အဲဒါ အဂုင်္လိမာလ သမိုင်း ရေးနေတာပဲ။ “လူတော်လူကောင်း”ပါပဲ။

``အရှင်ကဿပသမိုင်း´´

အရှင်ကဿပကတော့ လူ့ဘ၀တုံးကလည်း လူတော်။ ရဟန်းဘ၀ ရောက်တော့လဲ ဧတဒဂ်ဘွဲ့ရ မထေရ်မြတ်တစ်ပါး။ ငယ်ငယ်တုန်းကလဲ တော်တယ်။ အသက်အရွယ်ကြီးတော့လဲ ပြောစရာမလိုလောက်အောင် တော်တယ်။ အစလဲ ကောင်း၊ အဆုံးလဲကောင်းတယ်။

မြတ်စွာဘုရားက အရှင်ကဿပနဲ့ တွေ့တော့ သင်္ကန်းချင်းလဲတော်မူတယ်။ ဘာ့ကြောင့်လဲဆိုတော့ နောင်အနာဂတ်မှာ သာသနာမှာ အားကိုးရမည့် တပည့်ကြီး ဖြစ်လို့ သင်္ကန်းချင်းလဲတော်မူတာတဲ့။ မြတ်စွာဘုရားကလဲ အဲသလောက်ထိ အားကိုးတော် မူတယ်။ ဘုရားပရိနိဗ္ဗာန်စံပြီးနောက် သာသနာတော်ကြီးကို စောင့်ရှောက်တော်မူခဲ့တယ်။ ဒါကြောင့် ``အရှင်မဟာကဿပသမိုင်း´´ ကတော့ အလှပဆုံးသမိုင်းပါပဲ။

လူ့လောကကြီးမှာလဲ အဲဒီလိုပုဂ္ဂိုလ်တွေ အများကြီး ရှိပါတယ်။ ငယ်ငယ်ကလဲ တော်တယ်။ မိဘစကား ဆရာ့စကား နားထောင်တယ်။ အိမ်ထောင်ကျတော့လဲ မိသားစုတာဝန်ကျေတယ်။ ဆွေရေးမျိုးရေး ရပ်ရေးရွာရေး အကုန်လုပ်တယ်။ သူ့ ပတ်ဝန်းကျင်မှာ သူနိုင်သလောက် လုပ်ပြီး တည်တည်ငြိမ်ငြိမ်နဲ့ ဘ၀နိဂုံးချုပ်သွားတယ်။ ဘ၀တစ်လျှောက်လုံးဟာ ရွှေရောင်တောက်ပ နေတာ။ ဒါကတော့ အရှင်ကဿပ သမိုင်းပါ။

အရှင်ကဿပသမိုင်းရေးနိုင်ဖို့ကတော့ မလွယ်လှပါဘူး။ ဒါပေမဲ့ အဂုင်္လိမာလသမိုင်းရေးနိုင်အောင်တော့ ကြိုးစားသင့်တယ်။ ပုထုဇဉ်မှန်သမျှ အပြစ် မကင်းပါဘူး။ အဲဒီအပြစ်ကိုတော့ အပြစ်မှန်း သိဖို့ လိုတယ်။ အပြစ်မှန်းသိရင် တဖြေးဖြေးနဲ့ ပြင်ရမယ်။

ဘယ်သူမှ မွေးကထဲက ရဟန္တာဖြစ်လာတာ မဟုတ်ပါဘူး။ ``ပျက်အစဉ် ပြင်ခဏ´´ဆိုတဲ့အတိုင်း အတိတ်က အမှားတွေကို ပြည်ဖုံးကားချပြီး ကိုယ့်ဘ၀ကိုယ် အကောင်းဆုံးဖြစ်အောင် တည်ဆောက်ရမယ်လေ။ ဒါဆိုရင် ဘ၀နေ၀င်ချိန်မှာ ရွှေရောင်နေ့ရက်များ ဖြစ်လာပြီး လှလှပပ နိဂုံးချုပ်ရပါလိမ့်မယ်။
သီတဂူ အရှင်ဒေဝိန္ဒာဘိဝံသ

Read More →

ရေကန်ထဲက "ဆား "

တစ်ခါတုန်းက ဥာဏ်ပညာထက်မြက်ပြီး အတွေ့အကြုံ ကြွယ်ဝတဲ့ ပညာရှိကြီးတစ်ဦး ရှိပါတယ်… သူဟာ တစ်နေ့မှာတော့ အိမ်မီးလောင်ပြီး ပိုင်ဆိုင်သမျှ အရာရာကို ဆုံးရှုံးသွားလို့ စိတ်ပျက်အားလျော့စွာနဲ့ ၀မ်းနည်းပူဆွေးပြီး ငိုကြွေးနေတဲ့ လူငယ်တစ်ယောက်ဆီ ရောက်လာပါတယ်.. ပညာရှိကြီးက ထိုလူငယ်ကို ရေတစ်ဖန်ခွက် သွားယူခိုင်းပြီး ဆားတစ်ဆုပ်ကိုလဲ ယူလာခိုင်းပါတယ်..

ရေဖန်ခွက်ထဲကို ဆားတစ်ဆုပ် ထည့်လိုက်ပြီး ရောမွှေလိုက်ကာ ထိုလူငယ်ကို သောက်စေပါတယ်.. ပြီးတော့ ဘယ်လိုအရသာမျိုး ရှိသလဲလို့ မေးတဲ့အခါ ထိုလူငယ်က “ခါးတူးနေအောင် ငံပါတယ်”. လို့ ပြန်ဖြေပါတယ်..

ဒီတော့ ပညာရှိကြီးက အသာပြုံးလိုက်ရင်း ထိုသူကို ဆားတစ်ဆုပ်ကို ယူလာခဲ့ပါလို့ ခိုင်းလိုက်ပြီး သူနဲ့အတူ လမ်းလျှောက်ဖို့ မြို့ပြင်ဘက်ကို ခေါ်လာခဲ့ပါတယ်. မြို့အပြင်ဘက်ကို လမ်းလျှောက်လာကြရင်း အလွန် ကျယ်ပြောပြီး ကြည်လင်လှတဲ့ ရေကန်ကြီးတစ်ကန်နား ရောက်လာကြပါတယ်.. ဒီအခါမှာ ပညာရှိကြီးက ထိုလူငယ်လက်ထဲမှာ ပါလာတဲ့ ဆားတစ်ဆုပ်ကို ရေကန်ထဲ ပစ်ထည့်ခိုင်းလိုက်ပါတယ်..

ပြီးတော့ လူငယ်ကို “ကဲ အခု ကန်ထဲကို ရေကို သောက်ကြည့်ပါဦး” လို့ ခိုင်းလိုက်တဲ့အခါ ထိုလူငယ်ကလည်း ကန်ထဲကရေကို လက်ခုပ်နဲ့ ခပ်ယူပြီး သောက်လိုက်ပါတယ်.. ပညာရှိကြီးက လူငယ် ရေသောက်ပြီးတဲ့အခါ “အခုရော ကန်ထဲက ရေက ဘယ်လိုအရသာ ရှိသလဲ” လို့ မေးလိုက်ပါတယ်..

ဒီတော့ လူငယ်က “ လတ်ဆတ်ပြီး ချိုမြတဲ့ သောက်ရေရဲ့ နဂိုအရသာ အတိုင်းပါဘဲ” လို့ ပြန်ဖြေပါတယ်.. “စောစောတုန်းက ရေခွက်ထဲကို ဆားထည့်ပြီး သောက်လိုက်သလို ငံသေးရဲ့လား” လို့ ပြန်မေးပြန်တဲ့အခါ “ မငံတော့ပါဘူး.” လို့ လူငယ်က ပြန်ဖြေလိုက်ပါတယ်..

ဒီတော့မှ ပညာရှိကြီးဟာ လူငယ်လေးရဲ့ လက်ကို ဆုပ်ကိုင်ပြီး ပုခုံးကို အသာအယာပုတ်လိုက်ကာ “ငါတို့ဘ၀တွေရဲ့ ထိခိုက်နာကျင်မှု၊ ဆုံးရှုံးခါးသီးမှုတွေဟာ ဘာနဲ့တူသလဲဆိုရင် ဆားနဲ့တူပါတယ်.. ဘ၀မှာ ကြုံလာတဲ့ နာကျင်ဆုံးရှုံးမှုတွေကို ခံစားရတဲ့ အတိုင်းအတာဟာ မင်းက ဘယ်လိုခွက်မျိုးနဲ့ ခံယူမလဲ ဆိုတာနဲ့ဘဲ သက်ဆိုင်တယ်.. .

မင်းက ခွက်သေးသေးနဲ့ ခံယူမယ်ဆိုရင် ထိခိုက်ဆုံးရှုံးမှုကို သိပ်ကို ကြီးမားတယ် လို့ မင်းထင်လိမ့်မယ်.. ရေကန်လို ကျယ်ပြောလှတဲ့ ခွက်ကြီးကြီးနဲ့ ခံယူမယ်ဆိုရင် အဲဒီဆုံးရှုံးမှု၊ စိတ်ထိ ခိုက်နာကျင်မှုတွေဟာ ဘာမှ ပြောပလောက်တဲ့ ဆုံးရှုံးမှု၊ ထိခိုက်နာကျင်မှု မဟုတ်တော့ဘူးပေါ့…”

“ဒီတော့ ဘ၀မှာ ထိခိုက်ဆုံးရှုံးမှုတွေ၊ နာကျင်ခါးသီးတာတွေ ကြုံလာတိုင်း ခွက်ကြီးကြီးနဲ့ ခံယူနိုင်အောင် ကြိုးစားပါ.. ကိုယ့်ကိုယ်ကို ဖန်ခွက်တစ်လုံး မဖြစ်စေပါနဲ့.. ရေကန်တစ်ကန်အဖြစ် ပြောင်းလဲ ကျင့်ကြံလိုက်ပါ.. ဒီလိုဆိုရင် နာကျင်ခံစားနေရတာတွေဟာ ရေကန်ထဲရောက်သွားတဲ့ ဆားတစ်ဆုပ်လို လျှော့ပါး သက်သာသွားပါလိမ့်မယ်” လို့ ပြောလိုက်ပါတယ်..

“Stop being a glass. Become a lake.”

Read More →

ဆိုးနေတဲ့ ကံကို ပြုပြင်နည်း

သေချင်လောက်အောင်ထိ ဆိုးနေတဲ့ကံကို ကုသိုလ်၅-မျိုးနဲ့ ပြုပြင် ယူလို့ရပါတယ်။တိုက်တွန်းစကားအနေနဲ့ ပြောရရင်တော့ သေချင်လောက်အောင် ဆိုးနေတဲ့ကံကို ကုသိုလ် ၅မျိုးနဲ့ နေ့စဉ်ပြုပြင် ပစ်လိုက်စမ်းပါ။ ဆိုးနေတဲ့ကံ ” နင်နေ ငါသွား ” ဖြစ်သွား ပါလိမ့်မယ်။

အဲဒီကုသိုလ် ၅မျိုးကတော့...

၁။ ဒါန
၂။ သီလ
၃။ ဂုဏ်တော်
၎။ မေတ္တာ
၅။ ၀ိပဿနာ

တို့ ဖြစ်ပါတယ်။

အဲဒီကုသိုလ် ၅မျိုးကို နေ့စဉ် ဖြစ်စေရမယ်လို့ အဓိဋ္ဌာန်ပြီး နေ့စဉ် ပြုလုပ် သွားဖို့ပါပဲ။

ငါးမျိုးကုသိုလ် ဘယ်လိုပြုရမယ်။

၁။ ဒါန
-----------
ပထမဆုံးကုသိုလ်က ဒါန ပါ။ ဒါနဆိုတဲ့နေရာမှာ ရှင်၁သောင်းပြုပေးနိုင်မှ။ ကျောင်းကြီးတွေ ဆောက်လုပ်လှူဒါန်းနိုင်မှ ဒါန မဟုတ်ပါဘူး။ အိမ်မှာရှိတဲ့ ဘုရားကို ရေချမ်း ကပ်လိုက်မယ် ဆိုလည်း ဒါန ဖြစ်သွားတာပါပဲ။ နောက် ကိုယ်ထမင်းချက်မယ့် ဆန်ထဲက လက်တစ်ဆုတ်စာလောက်နှိုက်ပြီး အိမ်ရှေ့က စာကလေးတွေ ခိုကလေးတွေကို ပစ်ကျွေးလိုက်မယ်ဆိုရင်လည်း ဒါနဖြစ်သွားတာပါပဲ။ ဆန်လက်တစ်ဆုတ် လောက်နဲ့တော့ မိသားစု ထမင်းဝိုင်းကို သိပ်ပြီးလည်း မထိခိုက်စေပါဘူး။ နေ့စဉ် လက်တစ်ဆုတ် စာလောက် စာကလေးတွေကို ကျွေးနေမယ် ဆိုရင်လည်း ကိုယ့်ဝန် ကိုယ့်အားနဲ့ မျှတဲ့ ဒါန ဖြစ်နေတာပါ။

၂။ သီလ
------------------
ဒုတိယက သီလ ပါ။ သီလမှာလည်း လောကီ ထဲမှာနေတဲ့ လူတစ်ယောက် အတွက် ငါးပါးသီလလောက် လုံခြုံအောင် စောင့်ထိန်း လိုက်နိုင်တယ် ဆိုရင်ပဲ တော်တော် လုံလောက်နေပါပြီ။ တစ်ဆင့်တက်ပြီး ဥပုသ်နေ့တွေမှာ ၈ပါးသီလ၊ ၉ပါးသီလကို စောင့်ထိန်း နိုင်ရင်တော့ အကောင်းဆုံးပေါ့။ သီလကို စောင့်ရှောက်တဲ့အတွက် သီလကလည်း ကိုယ့်ကို သူ့သတ္တိ အားလျော်စွာ ပြန်စောင့်ရှောက် ပါလိမ့်မယ်။

၃။ ဂုဏ်တော်
---------------
တတိယက ဂုဏ်တော်ပါ။ ဂုဏ်တော် ၉-ပါးထဲက ကိုယ်နှစ်သက်ရာ တစ်ခုခုကို ပွားလို့ရပါတယ်။

အရဟံဂုဏ်တော်ကိုပဲ …
အရဟံ = ပူဇော်အထူးကို ခံယူထိုက်သော မြတ်စွာဘုရား၊
အရဟံ = ကိလေသာ ကင်းစင်တော်မူသော မြတ်စွာဘုရား၊
အရဟံ = ဆိတ်ကွယ်ရာအရပ်၌ပင် မကောင်းမှုကို ပြုတော်မမူသော မြတ်စွာဘုရား၊
လို့ ပွားများရပါတယ်။

အရဟံ ဆိုတဲ့ ပါဠိလေးရယ်။ အရဟံရဲ့ နောက်က အနက်သုံးမျိုးရယ်က ပွားလို့ ဆင်ခြင်လို့ သိပ်ကောင်းတဲ့ ပါဠိနဲ့အနက်လေးတွေပါ။

ဂုဏ်တော်ပွားတဲ့အတွက် ဂုဏ်တော်က သူ့သတ္တိအားလျော်စွာ ပြန်စောင့်ရှောက်နေ ပါလိမ့်မယ်။

၎။ မေတ္တာ
-------------------
စတုတ္ထက မေတ္တာပါ။ မေတ္တာပွားတဲ့နေရာမှာ ပွားနည်းတွေကတော့ သီသန့်အကျယ်ကို ရှိပါတယ်။ စာရေးသူရဲ့ မေတ္တာ အတွေးများ စာအုပ်မှာလည်း ပွားပုံ ပြည့်ပြည့်စုံစုံ ရေးပြထားပါတယ်။

မေတ္တာပွားတဲ့ နေရာမှာ အဓိက အကြံပေးချင် တာတော့ ပထမ ကိုယ့်အပေါ် ကျေးဇူးရှိတဲ့ ကျေးဇူးများတဲ့ လူပုဂ္ဂိုလ်အားလုံးကို တစ်ယောက်ချင်း ကုန်အောင်ပွားပါ။ ပြီးရင် နတ်ကောင်း နတ်မြတ်တွေ၊ ကိုယ်စောင့်နတ်-အိမ်စောင့်နတ် ကစပြီး၊ လမ်းမြို့နယ်၊ မြို့၊ နိုင်ငံကို စောင့်ရှောက်နေကြသော နတ်ကောင်း နတ်မြတ်တွေ အားလုံး ကိုယ်ဆင်းရဲ စိတ်ဆင်းရဲ ကင်းပါစေ၊ အစစအရာရာ အဆင်ပြေ ပါစေ… စသည်ဖြင့် ပေါ့လေ။

၅။ ၀ိပဿနာ
------------------
နောက်ဆုံးက ၀ိပဿနာပါ။ ၀ိပဿနာ ကတော့ ကိုယ်အားထုတ်ဖူးရာ-ကိုယ်သန်ရာ သန်ရာ ကိုယ့် အာစရိယ ၀ါဒအတိုင်း မှတ်ယူလို့ ရပါတယ်။

(မည်သည့် တရားစခန်း မည်သည့် အာစရိယ၀ါဒမျှ သင်ကြားထားခြင်း မရှိသူများအဖို့ အစပိုင်းတွင် တင်ပလ္လင်ခွေ(ထက်ဝယ်ဖွဲ့ခွေ)ထိုင်၊ ဘယ်လက်ပေါ် ညာလက်ထပ်တင်၊ ခါး-လည်ပင်း-ဦးခေါင်းကို မတ်မတ်ထား၊ အသက်ကို ပုံမှန်ရှူလျှက် ၀င်လေ၀င်လာလျှင် ၀င် လာ သည်ဟု သိပေး၊ ထွက်လေ ထွက်သွားရင် ထွက်သွားသည်ဟု သိပေးခြင်းဖြင့် မိမိစိတ်ကို ထိုထိုနှာသီးဝသို့သာ စူးစိုက်ရောက်ရှိစေရန် ပဏာမ လေ့ကျင့်ကြလျှက် ၇ရက်စခန်း-၁၀ရက်စခန်း စသည်တို့ကို ၀င်ရောက်နိုင်ရန် တိုး၍ ကြိုးစား ကြသင့်ပေသည်။ )

ကုသိုလ်-၅မျိုး တစ်နေ့တာ

ကဲ … စာဖတ်သူ၊ စိတ်ကူးနဲ့ပဲ ကုသိုလ်၅မျိုးကို စမ်းကြည့်ရအောင်ပါ။

၁။ အိပ်ရာထ
----------------------
မနက် အိပ်ရာက ထတာနဲ့ ကိုယ်လက် သန့်စင်ပြီး မိသားစု ကိစ္စတွေကို ဘာမှ မလုပ်နဲ့ဦး။ ဘုရားခန်းကို အရင်သွားပါ။

ဘုရားသောက်တော်ရေကိုအရင်ကပ်ပါ။ (ဒါန)
ကပ်ပြီးရင် ၅ပါးသီလ ခံယူပါ။ (သီလ)
အဲဒါပြီးရင် ဂုဏ်တော်ကို ၅-မိနစ် ( ဂုဏ်တော် )
မေတ္တာကို ၅-မိနစ် ပွားပါ။ ( မေတ္တာ )
ပြီးရင် ၀ိပဿနာ ၅-မိနစ် ပွားများပါ။ ( ၀ိပဿနာ )

အင်မတန် နည်းပါးတဲ့ ၁၅မိနစ်အချိန်လောက်တော့ လူတိုင်း လုပ်နိုင်လောက်မယ် ထင်ပါတယ်။ ( ၅မိနစ်စီ ဆိုသည်မှာ အနည်းဆုံး ပြုရန်အချိန်ကို ဆိုလိုခြင်းဖြစ်ပြီး မိမိတို့၏ ခွန်အားအလိုက် သဒ္ဓါ တရားအလိုက် ၁၀မိနစ်စီ၊ နာရီဝက်စီ၊ တစ်နာရီစီ စသည်ဖြင့် အဓိဋ္ဌာန်ပြု

နေ့တစ်နေ့တာရဲ့ အစကို ကုသိုလ် ၅မျိုးနဲ့ စလိုက်တာ ဘယ်လောက် ကျက်သရေ ရှိသွားလဲ ။ အိပ်ရာထပြီး နာရီဝက် ၁နာရီအတွင်းမှာပဲ ကုသိုလ်၅မျိုး ရနေပါပြီ။ အဲဒီ ကုသိုလ် ၅မျိုးပြုပြီးမှ မိသားစုကိစ္စ၊ ကိုယ့်ကိစ္စ ဝေယျာဝစ္စတွေကို ပြုလုပ်ပါ။

၂။ နေ့လည်
---------------
အဲဒီလိုနဲ့ မနက်စာစားပြီးတဲ့ အခါ ဆန်လက်တစ်ဆုတ် စာယူပြီး ခြံရှေ့မှာ ငှက်ကလေးတွေ အတွက် ပက်ကျွေးလိုက်ပါဦး။

ကျွေးပြီးသွားရင် အဆစ်အနေနဲ့ ” ဒီနေ့ မနက် ပြုဖြစ်ခဲ့တဲ့ ကုသိုလ်၅မျိုး ကိုလည်း အမျှ ပေးဝေပါတယ်။ အမျှ အမျှ အမျှ ယူတော်မူကြပါ။ သာဓု၊ သာဓု၊ သာဓု ” ဆိုပြီး နတ်ကောင်း နတ်မြတ်များနဲ့တကွ ဝေနေယျ အပေါင်းကို အမျှပေးဝေလိုက်ပါဦး။

၃။ ညပိုင်း
-----------------
တတ်နိုင်တယ်။ အချိန်ရတယ်။ သဒ္ဓါတရားလဲ ထက်သန်လာတယ် ဆိုရင် ညပိုင်း ကိုးရီးယားကားလေး မလာခင်၊ ဒါမှမဟုတ် ကိုးရီးယားကားလေး ပြီးသွားတဲ့အခါ ကုသိုလ်ငါးမျိုးကို မနက်ကအတိုင်း တစ်ကြိမ် ထပ်လုပ်လိုက်ပါဦး။

နေ့စဉ်ပြုအပ်သည်
------------------------
ဒီအတိုင်းသာ နေ့စဉ်ပြုသွားစမ်းပါ။ ဆိုးနေတဲ့ကံဟာ တောင်းပန်ပြီး ထွက်သွားဦးမှာပါ။

ဒါပေမယ့် ဒီနေ့လုပ်-နက်ဖြန်ဖြစ် ဆိုတဲ့ပုံစံမျိုးတော့ ဘယ်ဖြစ်နိုင်မှာလဲ။ တစ်လတန်သည် တစ်နှစ်တန်သည်တော့ စွဲလုပ်ရပါမယ်။ ရက်မပျက်အောင် အဓိဋ္ဌာန်ပြု၍ လုပ်ရပါမယ်။ အကုသိုလ်ဆိုတဲ့ အင်းအားက ကြီးလွန်းနေရင်တော့ ချက်ခြင်းကြီး ရနိုင်မှာ မဟုတ်ပါဘူး။ ဒါပေမယ့် ကုသိုလ် အင်အား ကောင်းလာတာနဲ့ အမျှ ကုသိုလ်အင်အားကို ကြည့်ပြီး လန့်ပြေးသွားမှာပါ။

ဒါက ကံဆိုး နေတဲ့သူတွေကို ပြောတာပါ။
-------------------------------------------------
ကံကောင်း နေတဲ့သူတွေ အတွက်လည်း အမြဲတမ်း ကံကောင်းနေအောင် ကုသိုလ်၅မျိုး နဲ့ အမြဲပြုစု စောင့်ရှောက်နေသင့်ပါတယ်။

ဒီကုသိုလ်၅မျိုးနဲ့ ကံကောင်းအောင် လုပ်နေတဲ့အတွက် ဒုတိယဘ၀၊ တတိယဘ၀ စသည်တွေမှာလည်း ဆက်ပြီး ကံကောင်းနေဦးမှာပါ။

ဒုက္ခကြံရင် သစ္စာဆို။
-----------------------------
ဒီကုသိုလ် ၅မျိုးကို ကံကောင်းခြင်း၊ ကံဆိုးခြင်းကြောင့် မဟုတ်ဘဲ နေ့စဉ်ဝတ်တစ်ခု အနေနဲ့ ပြုရပါမယ်။ အဲဒီလို ပြုနေစဉ် အတွင်းမှာပဲ

ဘ၀ အခက်အခဲ တစ်ခု ကြုံလာမယ်၊ ဒါဆို ကိုယ်ပြုတဲ့ကုသိုလ်၅မျိုးကို နေ့စဉ် အမျှပေးဝေနေတဲ့ နတ်ကောင်းန တ်မြတ်တွေကို တိုင်တည်ပြီး သစ္စာ ဆိုလို့လည်း ရပါတယ်။

” ကျွန်ှုပ်သည် ကုသိုလ်၅မျိုးကို နေ့စဉ်ပြုပြီး၊ နတ်ကောင်းန တ်မြတ် များကိုလည်း နေ့စဉ် အမျှပေးဝေခဲ့ပါတယ်။ ဤသစ္စာစကား မှန်ကန်ပါက ယခုတွေ့ကြုံနေရသော အခက်အခဲများ ပြေပျောက် ပါစေသတည်း။ နတ်ကောင်း နတ်မြတ်တို့က ကူညီမစတော်မူပါ ” စသည်ဖြင့်ပေါ့လေ…..

သံသရာကပင် ကျွတ်နိုင်ရဲ့
-----------------------------------
ကုသိုလ် ၅-မျိုးထဲမှာ ၀ိပဿနာလည်း ပါနေတော့ တရားမှတ်ရင် ပါရမီပါခဲ့ရင် တစ်မဂ် တစ်ဖိုလ်မှသည် လေးမဂ်၊ လေးဖိုလ် အထိ တရားထူးတရားမြတ်တွေ ရသွားပြီး သံသရာဝဋ်က ကျွတ်သွားနိုင်ပါသေးတယ်။

ကုသိုလ် ၅မျိုးကို ဘယ်အဆင့်အထိ ပြုရမလဲ … ဆိုရင် ညအိပ်ရာဝင်လို့မှ ဒီနေ့ တစ်နေ့တာအတွက် ကုသိုလ် ၅မျိုး မပြုရသေးရင် အိပ်လို့ လုံးဝမပျော်တဲ့ အဆင့် ချက်ခြင်း ထလုပ်လိုက်မှ အိပ်ပျော်တယ် အိပ်လို့ရတယ် ဆိုတဲ့ အဆင့်ထိ ပြုလုပ်ကြရပါတယ် …

ကဲ …. စာဖတ်သူ … ၊ ကံ နဲ့ ပတ်သက်လို့ သေချင်လောက်အောင် ဆိုးနေပါစေ။ ကုသိုလ် ၅မျိုးနဲ့သာ နေ့စဉ် ပြုပြင် လိုက်စမ်းပါ။ မကြာခင် ကံကောင်းလာပါလိမ့်မယ်။

post by
နှင်းဆီဖူးလေးများ-
Love BUDS

Read More →

မလိုသူတွေကြားက ရုန်းထွက်ပါ

သင့်ကို မလိုအပ်တဲ့သူတွေ ရှေ့မှာ
သင်အကြာကြီး ရပ်မနေပါနဲ့။

သင့်ရဲ့ စေတနာ မေတ္တာတွေကို
တန်ဖိုး ထားရမှန်း မသိသူတွေနှင့်
အချိန်ဖြုန်းမနေလိုက်ပါနဲ့။

သင့်ကို နားမလည်ကြသူတွေကြောင့်
သင်ဟာ လူပိုတစ်ယောက်လို ခံစားနေရပြီလား။

သင့်ပတ်ဝန်းကျင်မှာ
သင့်ကို လိုအပ်နေတဲ့သူတွေ ရှိပါတယ်။

သင့်စေတနာ မေတ္တာတွေကို
တန်ဖိုးထားကြသူတွေ အများကြီးပါ။

မလိုအပ်တဲ့ သူတွေကြားက ရုန်းထွက်လိုက်ပါ။
သင်ဟာဘယ်တော့မှ လူပို မဟုတ်ပါဘူး။

အရှင်ပညောဘာသ (ဗန်းမော်)

Read More →

လိုတိုင်းတ ရကြပါစေ…

လိုတာတွေ မပြည့်ခင်က ဟိုဟာလို ချင်လိုက်တာ ဒီဟာလိုချင်လိုက်တာနဲ့
လိုတာတွေပြည့်လို ရလာတဲ့အခါ နောက်ထပ် လိုချင်တပ်မက်မှုတွေ အသစ်ထပ်ပေါ်လာတယ်။

လောဘတွေဖြစ်လာတယ်… ဘာမှ မရှိတုန်းက လိုချင်တဲ့ အပူ… လိုတာ
တွေရလာလို့ နောက်ထပ် လိုချင်တဲ့
အပူ… ဘယ်အရာပဲဖြစ်ဖြစ် အပူက အပူပါပဲ…

ချမ်းသာလည်း အပူ… ဆင်းရဲလည်း အပူ … ရှိတာနဲ့ ရောင်ရဲဖို့… ရောင်ရဲ
တင်းတိမ်နေထိုင်ဖို့ဆိုတာ အပြော လွယ်သလောက် အတော်လေ့ကျင် ယူရမဲ့ ကိစ္စပါ။

အပူသောကတွေငြိမ်းဖို့ လောဘသပ်
ပြီး ရောင်ရဲဖို့ လေ့ကျင့်ရင်း လိုတိုင်း
တရကြပြီး ရတာနဲ့ ရောင်ရဲနိုင်ကြပါ စေ။

Read More →

စာဖတ်ကြပါ

အလိမ္မာ စာမှာရှိ တဲ့။
အသိပညာလိုချင် စာဖတ်ပါလို့
ဆိုလိုတာပါ။

ကိုယ့်စိတ်ကိုကိုယ်
ဆောက်တည်လို့ရတာအသိပညာပါ။
အတတ်ပညာဟာ တစိတ်တပိုင်းမျှသာ
ဘဝအတွက် အသုံးဝင်ပါတယ်။

တစ်ကယ်လိမ္မာခြင်းကို
အလိုရှိရင်တော့
ဖတ်လို့သိလာမယ့်အသိပညာကို
စိတ်နှလုံးမှာ ကိန်းအောင်က
ကိုယ်တိုင်ဆောက်တည်မှ ရပါတယ်။

ပုံမှာပြထားတဲ့ စာအုပ်ဟာ
လွန်ခဲ့တဲ့ ၂၃နှစ်က
စတုတ္ထအကြိမ်နဲ့ နောက်ဆုံး
ထုတ်ဝေသွားတဲ့ စာအုပ်ပါ။

ဗုဒ္ဓဘာသာမှာ နာမည်ကြီး
ရှင်နာဂသိန်နဲ့ မိလိန္ဒအမေးအဖြေ ဆိုတာ
လွန်ခဲ့တဲ့ နှစ်ပေါင်း ၂၀၀၀ကျော်
(မြတ်ဘုရား ပရိနိဗ္ဗာန်စံတော်မူပြီးနောက် နှစ်၅၀၀အလွန်) သာဂလမြို့မှာ မိလိန္ဒဘုရင်နဲ့ နာဂသေနမထေရ်မြတ်တို့ရဲ့ အမေးအဖြေပါပဲ။
ခက်ခဲနက်နဲသလောက် သိမ်မွေ့တဲ့ ပြဿနာတွေကို
အမေးအဖြေနဲ့ မှတ်တမ်းတင်ခဲ့တဲ့ စာအုပ်ကောင်းတစ်အုပ်ပါ။

လူတိုင်း ဖတ်ရှု လေ့လာသင့်တဲ့ စာအုပ်ပါ။
ဗုဒ္ဓဘာသာဝင်တွေအဖို့ ပိုပြီး ဖတ်ရှုမှတ်သားသင့်တဲ့
စာအုပ်စာပေပါ။

မဟာဂန္ဓာရုံဆရာတော်ဘုရားကြီး(ရှင်ဇနကာဘိဝံသ)
ရေးသားခဲ့တဲ့ ကိုယ်ကျင့်အဘိဓမ္မာကျမ်းလို
စာပေမျိုးတွေကို ဖတ်ရှုကြပါလို့
နှိုးဆော်လိုက်ပါတယ်။

အသိတစ်လုံး အမြတ်ဆုံး
တစ်လုံးသိ အကျိုးရှိ၏ တဲ့။
စာဖတ်ကြပါ မိတ်ဆွေတို့။

Read More →

မသိချင်ပေါင်းများစွာထဲမှာ ကိုယ့်ဘဝကို ကိုယ်မသိတာ အဆိုးဆုံးပါ

Read More →