စိတ်ကြီးတဲ့သူဟာ သတိကြီးဖို့ လိုတယ်။ စိတ်ကကြီးပြီး သတိကသေးရင် စိတ်လိုက်မာန်ပါ လိုက်မိတတ်တယ်။ သတိဟာ စိတ်အားလုံးရဲ့ အချုပ်ပဲ။
သတိပိုင်ရင် စိတ်ကိုနိုင်မယ်။ သတိပါးရင် စိတ်ကမှားမယ်။ ဒါကြောင့် စိတ်ကြီးဖို့ထက် သတိကြီးဖို့ လေ့ကျင့်ရမယ်။
စိတ်မြန်ဖို့ထက် သတိမှန်ဖို့ ကြိုးစားရမယ်။ စိတ်မညစ်အောင် သတိအနှစ်ဆောင်ရမယ်။ ။
မေတ္တာဖြင့်
ဒီနေ့ သင်ဘာလုပ်နေသလဲ ??
✿✿✿✿✿✿✿✿✿✿✿✿
လှေက ကမ်းမှာကပ်ထားရင် အန္တရာယ်
အကင်းဆုံးပဲ၊ဒါပေမယ့် အဲဒါက လှေတည်ဆောက်ခဲ့တဲ့
ရည်ရွယ်ချက် မဟုတ်ဘူး။
လူက အိမ်မှာနေရင် အသက်သာဆုံးပဲ၊
ဒါပေမယ့် အဲဒါက လူဖြစ်လာရတဲ့ရည်ရွယ်ချက်
မဟုတ်ဘူး။
တစ်နေ့ကို မိုင်တစ်ထောင်သွားနိုင်တဲ့
အာဇာနည်မြင်းပျိုလေးတစ်ကောင်ရှိတယ်၊
သူ့ရဲ့အရည်အချင်းကိုဖော်ထုတ်ပြသဖို့
အခွင့်အရေးကိုစောင့်နေတယ်။
ကုန်သည်လာတယ်၊ပြောတယ်၊
` မင်းငါနဲ့လိုက်နိုင်မလား´
မြင်းကခေါင်းခါပြီးပြောတယ်၊
`ငါက တစ်နေ့မိုင်တစ်ထောင်သွားနိုင်တဲ့ အာဇာနည်မြင်းကွ...
ဘယ်လိုဖြစ်လို့ ကုန်သည်နောက်လိုက်ပြီး
ကုန်ထမ်းရမှာလဲ ? ´
စစ်သားလာတယ်၊ ပြောတယ်၊ ` မင်းငါနဲ့လိုက်နိုင်မလား´
မြင်းကခေါင်းခါပြီးပြောတယ်၊
`ငါက တစ်နေ့မိုင်တစ်ထောင်သွားနိုင်တဲ့ အာဇာနည်မြင်းကွ...
ဘယ်လိုဖြစ်လို သာမာန်စစ်သားတစ်ယောက်
နောက်လိုက်ပြီး တိုက်ပွဲဝင်ရမှာလဲကွ? ´
မုဆိုးလာတယ်၊ ပြောတယ်၊ ` မင်းငါနဲ့လိုက်နိုင်မလား´
မြင်းကခေါင်းခါပြီးပြောတယ်၊
`ငါက တစ်နေ့မိုင်တစ်ထောင်သွားနိုင်တဲ့
အာဇာနည်မြင်းကွ... ဘယ်လိုဖြစ်လို မုဆိုးနဲ့အတူတူ
ပင်ပန်းဆင်းရဲမှုဒဏ် ခံရမှာလဲကွ? ´
...
..
.
ဒီလိုနဲ့ တစ်နေ့ပြီးတစ်နေ့ကုန်ဆုံးသွားသည်၊
ဒီမြင်းတစ်ကောင် သူနဲ့တန်သည့်အလုပ်ရှာမတွေ့သေးချေ။
တစ်နေ့ ဘုရင်မင်းမြတ်အမိန့်ဖြင့် စစ်သူကြီး
တစ်ယောက် အာဇာနည်မြင်းကိုလိုအပ်ကြောင်း
နေရာအနှံ့ကြော်ငြာစာများကပ်ကာ လိုက်ရှာလေသည်၊
အာဇာနည်မြင်းက စစ်သူကြီးဆီသွားတွေ့ပြီး ပြောတယ်၊
` ကျနော်က ခင်ဗျားတို့ရှာနေတဲ့ အာဇာနည်မြင်းပါ´
စစ်သူကြီးကမေးတယ်၊` ဒါဆို မင်းငါတို့တိုင်းပြည်ရဲ့
တောတောင်ရေမြေနဲ့ လမ်းတွေကို နှံ့စပ်လား ´
မြင်းက ခေါင်းခါတယ်၊
စစ်သူကြီးက ထပ်မေးတယ်၊` ဒါဆို မင်းစစ်ပွဲဝင်ဖူးသလား..
စစ်ပွဲအတွေ့အကြုံရှိသလား ´
မြင်းက ခေါင်းထပ်ခါတယ်၊
စစ်သူကြီးကထပ်မေးတယ်၊` ဒါဆို မင်းတောထဲတောင်ထဲမှာ
သားကောင်တွေနဲ့တွေ့တဲ့အခါ သခင့်အတွက်
ရင်ဆိုင်တိုက်ခိုက်ပြီး ရုန်းထွက်ရဲသလား ´
မြင်းက ခေါင်းထပ်ခါတယ်၊
စစ်သူကြီးကပြောတယ် ` ဒါဆို မင်းဘာ
အသုံးကျသေးသလဲ´
မြင်းကပြောတယ် ` ကျနော်နေ့ဘက်ဆို
မိုင်တစ်ထောင်သွားနိင်ပြီး ညဘက်ဆို မိုင်
၈ရာသွားနိုင်တယ်၊ လေအဆန်မှာ အစုန်ထက်တောင်မှ
အပြေးမြန်သေးတယ်´
စစ်သူကြီးက မြင်းပေါ်ခွတက်စီးလိုက်တယ်၊
မြင်းကအားစိုက်ပြီး တစ်ဟုန်ထိုးပြေးလိုက်တယ်၊
ဒါပေမယ့် ၁၀လှမ်းလောက်ပဲပြေးရသေးတယ်၊
အမောဟိုက်ပြီး ကျောမှာချွေးတွေပျံလာတယ်၊
`မင်းအိုသွားပြီ... မပြေးနိုင်တော့ဘူး´ ဟုဆိုကာ
စစ်သူကြီးပြန်လှည့်ထွက်သွားသည်၊
...
..
.
ဒီနေ့သင်လုပ်တဲ့ကိစ္စတစ်ခုဆီတိုင်းဟာ
သာမာန်ကြိုးစားနေတယ်ထင်ရပေမယ့်
နောင်တစ်ချိန်အတွက် အင်အားလေးတစ်ခုဆိုတာ
သိထားပါ၊ ဒီနေ့သင်ဖြတ်ကျော်ရတဲ့ စိတ်ဆင်းရဲတဲ့
အတွေ့အကြုံတိုင်း၊ ငြင်းပယ်မှုတိုင်းဟာ
အနာဂတ်အတွက်အုတ်မြစ်ချပ်လေးတွေပါ၊
အိုသွားတဲ့အချိန် မပြေးနိုင်တော့မှ မပြေးခဲ့ရလားလို့
နောင်တမရပါနဲ့။
ပညာက အရည်အချင်းကို ကိုယ်စားမပြုဘူး၊ စာပေက
ယဉ်ကျေးမှုကို ကိုယ်စားမပြုဘူး၊ မနေ့ကကျော်ဇောခဲ့တဲ့
အရာဟာ ဒီနေ့မှာ အတိတ်နဲ့ မှတ်ဥာဏ်အချို့ဖြစ်သွားပြီ၊
ဒါ့ကြောင့် အရေးကြီးတာ မနေ့ကသင်ဘယ်သူလဲ
မဟုတ်ပါဘူး၊ ဒီနေ့သင်ဘယ်သူလဲဆိုတာပါ၊
ပိုပြီးအရေးကြီးတာ ဒီနေ့သင်ဘာလုပ်သလဲ..
မနက်ဖြန် သင်ဘာဖြစ်မလဲဆိုတာပါ။
━━━━━━━━━━━━━━━━━━━━
credit-
🗿🗿(#သိမှတ်ဖွယ်ရာ_ဗဟုသုတရွာ)
www.facebook.com/knowledgevillage11
#original
ကိုယ့်ရဲ့ ကိုယ်ကျင့်တရားကို ကိုယ်တိုင်ယုံကြည်တဲ့အခါ ကိုယ်လုပ်သမျှ အလုပ်ပေါ် ယုံကြည်မှုရှိလာတယ် …
ကိုယ့်ကိုကိုယ် ယုံကြည်မှ သူများက ကိုယ့်အပေါ် ယုံကြည်မှာပါ…
ယုံကြည်မှုဆိုတာ ကိုယ်ကျင့်တရားကောင်းဖို့
လိုပါတယ်……
လေဖြတ်နိုင်ခြေ ရှေ့ပြေး နိမိတ်များ (၆) ချက်
လေဖြတ်ရောဂါဟာ ကမ္ဘာပေါ်မှာ လူသေဆုံးမှု ဒုတိယအများဆုံး ရောဂါဖြစ်တယ်။ လေဖြတ်မယ့်ရှေ့ပြေး နိမိတ်တွေ သိထားရင် ကြိုတင်ကာကွယ်ခြင်းဖြင့် လေဖြတ်ရန်မှ ကင်းဝေးနိုင်မှာပါ။
လေဖြတ်ခြင်းမှာ ပုံစံနှစ်မျိုးရှိတယ်။ ပထမတစ်မျိုးက သွေးကြောထဲ သွေးခဲများ စုပိတ်ကာ ဦးနှောက်သို့ သွေးစီးဆင်းမှု နည်းသွားခြင်း သို့မဟုတ် လုံးဝရပ်သွားခြင်းကြောင့် ဦးနှောက်လုပ်ငန်း အချို့ရပ်ဆိုင်း ကာ လေဖြတ်ရတတ်တယ်။ နောက်ပုံစံတစ်မျိုးက ဦးနှောက်သွေးကြောပေါက်ကာ ဦးနှောက် အခြားအစိတ်အပိုင်းများကို သွေးမရောက်တော့ဘဲ ခန္ဓာလုပ်ငန်းတွေ ရပ်ဆိုင်းသွားလို့ ဖြစ်တယ်။
ယင်းနောက်ဆုံး အဆင့်မရောက်မီ ရုတ်တရက်ပြတတ်တဲ့ ရှေ့ပြေးလက္ခဏာများ သိထားရင် လေမဖြတ်အောင် ကာကွယ်နိုင်မှာပဲဖြစ်တယ်။
(၁) မြင်ကွင်း နှစ်ထပ်ဖြစ်ခြင်း
မျက်စိတစ်ဖက်ကကောင်းပြီး အခြားတစ်ဖက်က မြင်ကွင်းတွေ နှစ်ထပ်ဖြစ်နေ၊ ဝေဝါးနေပြီဆိုရင် လေဖြတ် မယ့်ရှေ့ ပြေးနိမိတ်ဆိုတာ သတိပြုသင့်ပါတယ်။ အလုပ်ပင်ပန်းရုံ၊ စာဖတ်ရုံလောက်နဲ့ မျက်စိ ကမြင်ကွင်း နှစ်ထပ်ဖြစ်တာမျိုး တော်တော်ရှားပါတယ်။ နေရင်းထိုင်ရင်း မြင်ကွင်းနှစ်ထပ်ဖြစ်လာပြီဆိုရင် လေဖြတ်နိုင်ခြေ လက္ခဏာပါပဲ။
ဦးနှောက်သွေးကြောထဲမှာ သွေးခဲစုပိတ်ကာ သွေးစီးဆင်းမှုနည်းနေပြီဆိုရင် မျက်စိသွေးကြောတွေကို အောက်ဆီဂျင် လည်း အရောက်နည်းလို့ အမြင်နှစ်ထပ်ဖြစ်ကာ ဝေဝါးခြင်းပဲဖြစ်တယ်။
(၂) လက်တွေ ပုံမှန်ထက်ကြာကြာ ထုံနေခြင်း
အိပ်နေတုန်းဖိမိထားလို့ လက်တွေခြေတွေထုံနေပြီး လှုပ်မရတာမျိုး၊ ထိတွေ့အာရုံမသိတာမျိုး ကြုံရတတ်တယ်။ ခဏ နေရင် ပြန်ကောင်းသွားတတ်တယ်။ ပုံမှန်ပြန်မဖြစ်ဘဲ တော်တော်ကြာအောင် ထုံနြေ ပီဆိုရင် လေဖြတ်မယ့်ရှေ့ပြေး လက္ခဏာပဲဆိုတာ သတိထားသင့်တယ်။
ဦးနှောက်အနောက်ဘက်ခြမ်းကနေစီးဝင်တဲ့ သွေးကြောတွေမှာ သွေးကြောတွေစုပိတ်ခြင်းမျိုး၊ သွေးယိုခြင်း မျိုးဖြစ်ပွားရင် လက်နဲ့ခြေဖျားကိုထိန်းချုပ်တဲ့ ဦးနှောက်အပိုင်းတွေကို သွေးအရောက်နည်းကာ ထိတွေ့မှုအာရုံခံနိုင်စွမ်း ကျ ဆင်းကာ လူလည်း ထုံနေတတ်တယ်။
(၃) ပြောမယ့်စကား ပါးစပ်ဖျားရောက်မှ မေ့သွားခြင်း
ပြောမယ့်စကား ပါးစပ်ဖျားရောက်မှ မေ့သွားတာမျိုး မကြာမကြာကြုံရပြီဆိုရင် ဦးနှောက်အတွင်း သွေးအရောက်နည်း နေပြီဆိုတာ သတိပြုသင့်တယ်။ သွေးကြောပိတ်ကာ သွေးစီးဆင်းမှု လျော့နည်း လာခြင်းကြောင့် မှတ်ဥာဏ်ကို အ ထောက်အကူပေးတဲ့ ဦးနှောက်အပိုင်းများကို သွေးအရောက်နည်းကာ ပြောမယ်ကြံစည်လိုက်၊ မေ့သွားလိုက်ဆိုတာ မျိုးပိုဖြစ်ပွားပါတယ်။ ယင်းပြဿနာ ကြုံပြီဆိုရင် ကျွမ်းကျင်ဆရာဝန်နဲ့ပြသကာ လေမဖြတ်အောင် နေထိုင်မှုပုံစံပြုပြင် ရပါမယ်။
(၄) ယိုင်တိယိုင်တိုင် ခဏခဏဖြစ်ခြင်း
လမ်းလျှောက်ရင်း မူးခနဲဆိုသလိုဖြစ်သွားကာ လူကယိုင်တိယိုင်တိုင် ဖြစ်သွားသလိုမျိုး ကြုံရပြီဆိုရင် လေဖြတ် အန္တ ရာယ်သတိပြုသင့်ပါတယ်။ ခန္ဓာကိုယ်ဟန်ချက်ကိုထိန်းတဲ့ ဦးနှောက်အပိုင်းများကို သွေးအရောက်နည်းတာကြောင့် ဦးနှောက်အလုပ်လုပ်နိုင်စွမ်းနည်းကာ ယိုင်တိယိုင်တိုင်ဖြစ်လာခြင်းပဲဖြစ်တယ်။ သွေးအရောက်နည်းရခြင်းဟာ ဦး နှောက်သွေးကြောတွေမှာ သွေးခဲတွေစုပိတ်လာခြ င်းကြောင့် ဖြစ်နိုင်လို့ နောက်ဆုံးအဆင့်ထိ ပိတ်သွားကာ ဦးနှောက် သွေးရရှိမှု ရပ်သွားတာမျိုးမဖြစ်ခင် ကျွမ်းကျင်ဆရာဝန်နဲ့ပြသကာ ကုသမှုခံယူရမယ်။
(၅) စကားပြောနေရင်း လျှာလိပ်ပြီး ဗလုံးဗထွေး ထွက်လာခြင်း
အကိုက်အခဲပျောက်ဆေးတွေသောက်ပြီးရင် ဘေးထွက်ဆိုးကျိုးက လျှာလိပ်ပြီး စကားဗလုံးဗထွေးဖြစ်တတ်တယ်။ ဘာဆေးမှမသောက်ဘဲ ဗလုံးဗထွေးဖြစ်လာပြီဆိုရင် လေဖြတ်မယ့် အန္တရာယ်ရှိပါတယ်။ သွေးကြောပိတ်ခြင်း သို့မ ဟုတ် သွေးယိုစိမ့်ခြင်းကြောင့် ဦးနှောက်အတွင်း သွေးစီးဆင်းမှုနည်းကာ စကားပြောဆိုမှုထိန်းချုပ်တဲ့ ဦးနှောက်အပိုင်း စွမ်းရည်ကျလာခြင်း ဖြစ်နိုင်ပါတယ်။
ခန္ဓာကိုယ်မှ အာရုံကြောနာ့ဗ် ၁၂ ချောင်းထောက်ပံ့ထားရှိပြီး လေဖြတ်ခါနီးမှာစကားပြောတဲ့ အသံအိုး၊ လျှာအထုတ် အသွင်း၊ ပါးစပ်အဖွင့်အပိတ်ဖြစ်စေတဲ့ ''ဗေးဂတ်''ထောက်ပံ့မှု ပျက်ယွင်းသွားရင် လျှာ လိပ်ပြီး စကားပြောနေရင်း ဗလုံး ဗထွေး ထွက်လာခြင်းပဲဖြစ်တယ်။ သတိထားမိရင် လေမဖြတ်အောင် ဆင်ခြင်နိုင်မှာပဲဖြစ်တယ်။ မိသားစုဆရာဝန်နဲ့ ပြသသင့်ပါတယ်။ အချို့လေဖြန်းသွားရင် အသံအိုးမှ အသံမထွက်ဘဲ ရှိတတ်တယ်။
(၆) ခေါင်းတွေ မကြာမကြာ ကိုက်နေခြင်း
ဦးနှောက်ထဲမှာ မာဂျရင်းတွေများနေရင် ခေါင်းကိုက်တာ ထုံးစံပဲဖြစ်ပါတယ်။ မာဂျရင်းမများဘဲ ကိုက်နေပြီ ဆိုရင်တော့ လေဖြတ်နိုင်ခြေကို သတိထားသင့်ပါတယ်။ မာဂျရင်းများလို့ ခေါင်းကိုက်ခြင်းနဲ့ ဦးနှောက်ထဲ သွေးမလောက်လို့ ခေါင်း ကိုက်လာခြင်းဟာ ပုံစံချင်းဆင်တူတတ်ပါတယ်။ သက်ဆိုင်ရာကျွမ်းကျင် ဆရာဝန်နဲ့ပြသ စစ်ဆေးခံမှသာ အဖြေကို တွေ့ ရတတ်ပါတယ်။
ဦးနှောက်သွေးကြောတွေထဲ သွေးခဲများ၊ အနည်အနှစ်များ စုပုံလာခြင်းကြောင့် သွေးကြောပိတ်ကာ ဦးနှောက်ဟာ သွေးလည်ပတ်မှုနှေးသွားခြင်း၊ ယာယီရပ်ဆိုင်းခြင်းမျိုးဖြစ်ခြင်းကို လေဖြတ်ခြင်းလို့ခေါ်ပါ တယ်။ ဦးနှောက်သွေးကြော ပေါက်ရင်လည်း ဦးနှောက်ဟာ သွေးမရတော့ဘဲ လေဖြတ်နိုင်ပါတယ်။ အဓိကမှာ သွေးကြောကိုပိတ်ဆို့နေတဲ့သွေးခဲနဲ့ အနည်အနှစ်တွေ သွေးထဲနည်းနိုင်သမျှ နည်းအောင် နေထိုင်ဖို့ဖြစ်တယ်။ ကိုလက်စထရောများစေတဲ့ အစားအစာများ ဥပမာ အသင့်အမြန်စားအစားအစာများဖြစ်တဲ့ ဟမ်ဘာဂါ၊ ဆင်းဒ်ဝှစ်၊ ပီဇာ၊ အာလူးချောင်းကြော်တို့ဟာ ဝက်ဆီ၊ ဆီ အုန်း၊ နှစ်ခါပြန်ကြော် ဆီတို့နဲ့ စီမံထားရှိလို့ သွေးအတွင်း ကိုလက်စထရောများ စေပါတယ်။ ဒါကြောင့် ရှောင်ရှား သင့်တယ်။
အိုင်တီခေတ်မှာ အထိုင်အလုပ်များလာတာနဲ့အမျှ လူတွေ ကာယအားကစားနည်းပါးလာတယ်။ လူတိုင်း နေ့စဉ် နာရီ ဝက်မှ တစ်နာရီအပြေး၊ လမ်းလျှောက်၊ စက်ဘီးစီး၊ ရေကူးတစ်ခုခုလုပ်ပေးသင့်တယ်။ ပိုလျှံနေတဲ့ ကယ်လိုရီတွေ ချွေးအဖြစ်ထွက်သွားလို့ အဆီအဖြစ် မစုဆောင်းနိုင်တော့လို့ အဝလွန်ခြင်း၊ ဆီးချို၊ နှလုံး၊ သွေးတိုးနဲ့ လေဖြတ်ခြင်း တို့မှကင်းဝေးစေလို့ လူတိုင်းနေ့စဉ် တစ်နာရီလောက် အားကစားလုပ်ပေးသင့်ပါတယ်။
ခန္ဓာကိုယ်တွင်းသွေးလည်ပတ်မှုကောင်းအောင် တက်ကြွလှုပ်ရှားစွာနေထိုင်ခြင်း၊ နေ့စဉ်အားကစားလုပ်ပေးခြင်းကနေ သွေးအတွင်းမှ အမှိုက်ကင်းကာ သွေးအားကောင်းပြီး လေဖြတ်ခြင်းမှကင်းဝေးနိုင် မှာဖြစ်တယ်။ ဆေးလိပ်၊ အရက်၊ ကွမ်းဖြတ်ရမယ်။သွေးတိုးမျိုးရိုးရှိသူတွေ မိသားစုဆရာဝန်နဲ့ ပြသပြီး အမြဲစွဲသောက်သင့်တဲ့ သွေးထိန်းဆေး စသည် ဖြင့်သောက်သင့်ပါတယ်။ စာဖတ်သူများအနေဖြင့် အထက်ဖော်ပြပါ လေဖြတ်နိုင်ခြေရှိတဲ့ ရှေ့ပြေးနိမိတ်တွေကို သတိထားပြီး လိုအပ်တာတွေကို ကြိုတင်ကာကွယ်မယ်ဆိုရင် လေဖြတ်ခြင်းကို အောင်မြင်စွာ ကျော်လွှားနိုင်မှာဖြစ်ကြောင်း စေတနာကောင်း နဲ့ တင်ပြလိုက်ပါတယ်။ ။
ဒေါက်တာ လွင်သန့်
မြဝတီ
" လူ့ဘဝ ဆိုတာ "
တစ်ခါက . . .
ခရီးသွားနေတဲ့ ခရီးသည်တစ်ယောက်
ခရီးသွားနေတုန်း ဗြုန်းဆို ကျားတစ်ကောင် လိုက်တယ်။
ကျားလိုက်တော့ . . .
ပြေးမိပြေးရာ ချောက်ကမ်းပါးရှေ့ရောက်တော့
ရွေးချယ်စရာ မရှိလို့ ခုန်ချရတယ် ။
ခုန်ချတော့ နံရံမှာ ပေါက်နေတဲ့ သစ်ကိုင်းကို
ဆွဲမိလျှက်သား ဖြစ်နေတယ် ။
အောက်ကို ငုံ့ကြည့်တော့လည်း
အဆိပ်ပြင်းတဲ့ မြွေတစ်ကောင်က ကိုက်ဖို့
အသင့် ရှိနေတယ် ။
သစ်ကိုင်းကို ဆွဲထားခိုက်မှာ
ကြွက်ဖြူ , ကြွက်မဲ နှစ်ကောင် တွေ့လိုက်တယ် ။
အဲဒီ ကြွက်ဖြူ , ကြွက်မဲ နှစ်ကောင်ကလည်း
ဆွဲထားတဲ့ သစ်ကိုင်းကို တဖြည်းဖြည်း
ကိုက်ဖြတ်နေတယ် ။ မကြာခင် သစ်ကိုင်း ပြတ်ကျတော့မယ် ။
ဒီလိုအချိန်မှာ . . .
သူဟာ မလှမ်းမကမ်း သစ်ရွက်ပါ်
`တင်ရှိနေတဲ့ ပျားရည်စက်´ ကို လှမ်းပြီး လျှက်လို့
အရသာ ခံလိုက်ပါသေးတယ်။
------------------------
ဒါ ဘာကို ဆိုလိုချင်တာလဲ ?
လောကလူသားတွေရဲ့ ဘဝကို ညွှန်းတာ ဖြစ်တယ် ။
နောက်က လိုက်လာတဲ့ ကျားက = အိုခြင်း , နာခြင်း ပေါ့။
အဆိပ်ပြင်းတဲ့ မြွေ က = သေခြင်းတရား ။
သစ်ကိုင်း က = သူ မှီခိုနေတဲ့ ဘဝ ။
ကြွက်ဖြူ ကြွက်မဲ က = နေ့ နဲ့ ည ။
ချိုမြိန်တဲ့ပျားရည်စက်က= အာရုံငါးပါး ကာမဂုဏ်တရားတွေ ပဲ ။
ဒီလောက် ဘေးအန္တရာယ်ထဲ ကျနေတာတောင် သစ်ရွက်ပါ်
တင်နေတဲ့ ပျားရည်စက်ကို ` ဘဝရဲ့ သာယာမှု ´ လို့ ထင်ပြီး
မိုက်မှားနေတယ် ။ ` အာသာ အလိုဆန္ဒ ´ ကို မဖြတ်နိုင်ဘူး ။
`လူ့ဘဝ ´ ဆိုတာလည်း
အဲဒီခရီးသည်နဲ့ ဘာမှ မထူးခြားဘူး ။
"ဆရာတော် အရှင်သီရိကဉ္စနာဘိဝံသ"
ကိုယ့်ကိုယ်ကိုယ် ဆုံးမခြင်း (၁၅၇)
~~~~~~~~~~~~~~~~~~~~~~
လ ဆိုတာ ပြည့်ပြီးရင် ကွယ်ရတာပဲ။
ဘဝဆိုတာလည်း တက်ပြီးရင်ကျရတာပဲ။ ဖြစ်ပြီးရင်လည်း ပျက်ရတာပဲ။
ဘာမှတစ်သမတ်တည်း မရှိဘူး။ သေချာပေါက်ရှိနေတာကတော့ မမြဲခြင်းပဲ။
ရှိနေတဲ့အနေအထားကို လက်ခံနိုင်ရမယ်။ ရင်ဆိုင်နိုင်ရမယ်။ ဘဝဆိုတာ လ လိုပဲ။ အမြဲတမ်းပြည့်နေတာ မဟုတ်သလို အမြဲကွယ်နေတာတော့ မဟုတ်ဘူး။ တဖြည်းဆန်း၊ တဖြည်းဖြည်းပြည့်၊ တဖြည်းဖြည်းဆုတ်၊ တဖြည်းဖြည်းကွယ်။ ဒါဟာ သဘာဝရဲ့ အပြောင်းအလဲ၊ ဘဝရဲ့ အပြောင်းအလဲပဲ မဟုတ်လား။
အဆင်ပြေနေလို့လည်း သတိလက်လွတ် မဖြစ်ဖို့ လိုသလို အဆင်မပြေလို့လည်း စိတ်ပျက်လက်ပျက် ဖြစ်နေဖို့ မဟုတ်ဘူး။ ဖြစ်လိုက်ပျက်လိုက်၊ ပြေလိုက်မပြေလိုက်၊ တက်လိုက်ကျလိုက် ဖြစ်နေတာကိုက ဘဝရဲ့ သင်္ကေတပဲ။ အချိန်နဲ့အခြေအနေ အခိုက်အတံ့ကို မယိမ်းယိုင်အောင် ထိမ်းနေနိုင်ရင် ဘဝရဲ့လောကဓံဆိုတာ ကျော်လွှားသွားမှာပါပဲ။
အရေးကြီးဆုံးကတော့ ဘဝအရှိကို ဓမ္မအသိနဲ့ ညှိဖို့ပဲ။ ဘဝထဲမှာ ဓမ္မတွဲထားဖို့ပဲ။ ဓမ္မမပါတဲ့ ဘဝဟာ အလှမဖြာဘူး။ တရားမရှိတဲ့ ဘဝဟာ အားမရှိဘူး။ ရုပ်ဝတ္ထုအားတွေ ဘယ်လောက်ပဲရှိရှိ ဓမ္မအားမရှိရင် ဘဝအမှားတွေကြား အလှတရားတွေ ရှားနေကြမှာ အမှန်ပဲ။
ဒါကြောင့် ဘဝပြည့်နေလို့လည်း ဓမ္မမမေ့နဲ့။ ဘဝကွယ်နေလို့လည်း ဓမ္မမပယ်နဲ့။ ဘဝကယ်ဖို့ဆိုတာ ဓမ္မနဲ့ပဲ ဖြေဆည်ရမှာဖြစ်တဲ့အတွက် အပ္ပမာဒတရားလက်ကိုင်ထား သတိအားတွေ မကျအောင်ပဲ ကြိုးစားကြရမှာပဲပေါ့။
မေတ္တာဖြင့်
မနာပ ဒါယီ အရှင်ဝိစိတ္တ
Copyright © Than Naing Oo | Powered by Blogger Design by PWT | Blogger Theme by NewBloggerThemes.com
