ဥပက္ခာပြုသင့်တာကို ပြုလိုက်ပါ

မြွေတစ်ကောင်ဟာ လက်သမားအလုပ်ရုံတစ်ခုထဲက ချောင်လေးတစ်နေရာထဲဝင်သွားမိတဲ့အခိုက် လွှတစ်ခုကို ဖြတ်ပြေးသွားမိပြီး ဒဏ်ရာလေးနည်းနည်းရသွားတယ် အဲ့အခိုက်အတန့်မှာပဲ မြွေလေးဟာ ဒေါသနဲ့ လွှကို ကိုက်ပြစ်လိုက်တော့ သူ့ပါးစပ်မှာ ဒဏ်ရာရသွားပြန်တယ် ဘာဖြစ်နေမှန်းမသိတော့တဲ့ မြွေလေးဟာ လွှက သူ့ကို တိုက်ခိုက်နေတယ် အထင်နဲ့ လွှကို သူ့ကိုယ်နဲ့ အစွမ်းကုန်ညှစ်သတ်ပစ်မယ်အကြံနဲ့ လွှကို သူပတ်ပြီးလှိမ့်ပြစ်လိုက်တယ် နောက်ဆုံးမှာ လွှက မြွေကို သတ်သလို ဖြစ်ပြီး မြွေလေးသေသွားပါလေရော

တစ်ခါတစ်လေ ဘဝမှာ လူတွေဟာ ကိုယ့်ကို နာကျင်စေတဲ့ လူတွေကို ပြန်နာကျင်စေလိုတဲ့ ဒေါသဆန္ဒနဲ့ ပြန်ပြီး နာကျင်အောင် ပြန်လုပ်ချင်တတ်ကြတယ် ဒါပေမဲ့ အဲ့လိုလုပ်ခြင်းဖြင့် နောက်ဆုံးမှာ ကိုယ်ပဲစိတ်ဒါဏ်ရာတွေရပြီးကျန်ခဲ့ကြတယ်

ဘဝမှာ တစ်ချို့အရာတွေ လူတွေ နဲ့ စိတ်ရှုပ်စရာတွေကို ဥပေက္ခာပြုလိုက်တာက ပိုကောင်းပါတယ် နို့မို့ရင် တန်ပြန်သက်ရောက်မှုတွေက ပြန်ပြင်ဖို့ခက်တယ် အဆုံးအရှုံးတွေလည်းများစေတယ်

အဲ့ဒါကြောင့် အမုန်းနဲ့ ခါးသီးတဲ့ ဆက်ဆံမှုတွေကို အခြေအနေအတော်များများမှာ ချစ်ခြင်းမေတ္တာနဲ့ ကျော်လွားကြဖို့လိုမယ် ကိုယ့်သစ္စာမှန်ရင်တော့ နောက်ဆုံးမှာ ကိုယ့်ရန်သူ ကိုယ့်ကို မလိုလားသူတွေဟာ သူတို့ရဲ့ အမုန်းစကားတွေကို သူတို့ ပြန်မျိုချသလို ဖြစ်သွားပါလိမ့်မယ်
Credit. to

Read More →

တံတားဦးမြို့ရဲ့ အင်းဝခေတ် သမိုင်းဝင်နေရာများအကြောင်း

#အင်းဝ

တချိန်က မြန်မာ့မင်းနေပြည်တော် အင်းဝမြို့ ခေတ်သုံးခေတ် အကြောင်းနှင့် လည်ပတ်စရာနေရာများ
------------
#အင်းဝ
ပထမအင်းဝ

အင်းဝမြို့ကို စတင်တည်ထောင်သူမှာ အင်းဝမင်းဆက်ကို စတင်တည်ထောင်သူ တကောင်းမင်းဆက် သတိုးမင်းဖျား ဖြစ်သည်။ သတိုးမင်းဖျားသည် ပင်းယမြို့နှင့် စစ်ကိုင်းမြို့များကို အောင်နိုင်သိမ်းပိုက်ပြီးနောက် ပင်းယမြို့တွင် ခေတ္တစံနေတော်မူစဉ် မြန်မာသက္ကရာဇ် ၇၂၆-ခုနှစ်၊ တပေါင်းလဆန်း(၆)ရက်၊ အင်္ဂါနေ့ (အေဒီ-၁၃၆၄)တွင် အင်းဝမြို့ကို စတင်တည်ဆောက်ခဲ့သည်။ မြို့တည်သက္ကရာဇ်ကို ထုတ်ခွန်သ အင်းဝတည် ဟူ၍ အမှတ်သညာ ပြုခဲ့ကြသည်။ ကျောက်မျက်ရတနာတို့၏ မြို့တော်အဖြစ် တင်စားကာ ရတနာပူရ အင်းဝရွှေမြို့တော် ဟူ၍ ခေါ်ဝေါ်သမုတ်သည်။

ဧရာဝတီ၊ ဒုဌဝတီ၊ စမုံ၊ ဇော်ဂျီ၊ ပန်းလောင် မြစ်ငါးခုဆုံရာအရပ်တွင် အင်းလေးခုကိုဖို့ပြီး ၁၃၆၅တွင် မြို့တော်ကို ရတနာပူရ ဟု၎င်း၊ နန်းတော်အား ရွှေဘုံသာ ဟု၎င်း သမုတ်သည်။ ထိုအချိန်မှအစပြုသည့် အင်းဝမင်းဆက် တစ်လျှောက်လုံးတွင် အင်းဝမှာ မြန်မာ မင်းနေပြည်တော်အဖြစ် အောက်ပြည်အရပ် ရာမညမှ မဂဒူး မင်းဆက်နှင့် စစ်ပြိုင်ပြုခဲ့ကြသည်။ မင်းဆက်များမှာ ရှမ်းမင်းများ (သို့) ရှမ်းသွေးနွယ်သောမင်းများဖြစ်ကြသည်။ ထို့ကြောင့်အင်းဝခေတ်ကို ပထမရှမ်းခေတ်ဟု ခေါ်ကြသည်။ အင်းဝမင်းဆက်မှ ဒုတိယမင်းဆက်ဖြစ်သူ မင်းကြီးစွာစော်ကဲမှသည် စတုတ္ထမြောက် မင်းဆက်ဖြစ်သူ ဘုရင်မင်းခေါင် လက်ထက်များအထိ ဟံသာဝတီ မွန်ဘုရင် ရာဇာဓိရာဇ် နှင့် အင်းဝ-ဟံသာဝတီ အနှစ်လေးဆယ်စစ် ကို တိုက်ခိုက်ခဲ့ကြသည်။

နောက်ဆုံးမင်းဖြစ်သည့် ရွှေနန်းကျော့ရှင်နရပတိ လက်ထက် အင်းဝ၏ အင်အားဩဇာ ယုတ်လျော့ ကျဆင်းချိန်တွင် အင်အားကြီးမားလာသည့် မိုးညှင်းစလုံ နှင့် ၎င်း၏သား သိုဟန်ဘွားတို့က အင်းဝကို သိမ်းပိုက်လိုက်ပြီး ရွှေနန်းကျော့ရှင်လည်း ကျဆုံးလေသည်။ ထို့နောက် သိုဟန်ဘွားမင်းပြုရာ ရက်စက်လွန်းလှသဖြင့် မြန်မာအမတ် မင်းကြီးရန်နောင်က ဦးဆောင်လုပ်ကြံလိုက်သည်။ မင်းကြီး ရန်နောင်အား မှုးမတ်တို့က နန်းအပ်သော်လည်း အခြား ရှမ်းစော်ဘွား တစ်ဦးဖြစ်သည့် အုန်းဘောင်ခုံမှိုင်းအား နန်းအပ်ရန် မှာကြားခဲ့ပြီး ရဟန်းပြုကာ တောထွက်သွားခဲ့သည်။

ဘုရင့်နောင် ဟံသာဝတီတွင် နန်းတက်ပြီးနောက်တွင် အင်းဝကို သိမ်းပိုက်ကာ ညီတော် မင်းရဲကျော်ထင်အား သတိုးမင်းစောဘွဲ့ဖြင့် အင်းဝဘုရင်ခံအဖြစ် နန်းအပ်ကာ အုပ်ချုပ်စေသည်။ ဘုရင့်နောင်နောက် နန္ဒဘုရင် လက်ထက်တွင် ဖြစ်ပေါ်လာသည့် နိုင်ငံတော်ပြိုကွဲမှု၏ အစမှာလည်း အင်းဝမှပင် ဖြစ်ရသည်။ နန္ဒဘုရင် နှင့် သတိုးမင်းစောတို့ ဆွေမျိုးများ အချင်းချင်း မသင့်မြတ်ရာမှ ဟံသာဝတီနှင့် အင်းဝတို့ စစ်ပြုရာ အင်းဝဘုရင် သတိုးမင်းစော ကျဆုံးပြီးနောက် နန္ဒဘုရင်က မင်းလက်ယာ၊ ၎င်းလွန်လျှင် သားတော် မင်းရဲကျော်စွာ တို့ကို နန်းအပ်သည်။ နောက်ပိုင်းတွင် ပြည်တွင်းရေး မငြိမ်သက်မှုများကြောင့် အင်းဝမှ မင်းရဲကျော်စွာလည်း ဟံသာဝတီသို့ ပြန်လည်ခေါ်ဆောင်ခံရကာ အင်းဝမှာ မင်းလစ်လပ်နေခဲ့ပြီး မြို့ပျက်ကြီးသဖွယ် နှစ်အတန်ကြာနေခဲ့ရသည်။
READ ဆူးလေစေတီတော်ပျောက်မသွားအောင် ကာကွယ်ခဲ့တဲ့သူရဲကောင်း (သို့) ဦးချန်ထွန်း

ဒုတိယအင်းဝ

ထို့နောက် ညောင်ရမ်းမင်းဆက်ကို တည်ထောင်သူ ညောင်ရမ်းမင်းတရားကြီးကလည်း ၁၆၀၀ တွင် အင်းဝကို သိမ်းပိုက်မင်းပြုရာမှ အင်းဝမှာ မင်းနေပြည်တော် ဖြစ်ပြန်သည်။ သို့ရာတွင် ညောင်ရမ်းမင်းဆက်မှ အနောက်ဖက်လွန်မင်း လက်ထက်တွင် အောက်ပြည်အရပ်ကို သိမ်းသွင်းရန် နန်းသက် တစ်လျှောက်လုံးနီးပါးမျှ ဟံသာဝတီတွင် နန်းစိုက်နေခဲ့ရသည်။

သာလွန်မင်း (၁၆၂၈-၁၆၄၈)လက်ထက်ရောက်မှ အင်းဝသည် မင်းနေပြည်တော်အဖြစ် ပြန်လည် ရောက်ရှိလာရသည်။ ညောင်ရမ်းမင်းဆက် နောက်ဆုံးအချိန်များတွင် မင်းများ ညံ့ဖျင်းသည်ကြောင့်၎င်း၊ ရာသီဥတု ဖောက်ပြန်သည်ကြောင့်၎င်း တိုင်းပြည်အနှံ့ မငြိမ်မသက် ဖြစ်လာပြီး

နောက်ဆုံးတွင် ဟံသာဝတီမှ ဆင်ဝန် ဦးအောင်လှက ဗြမိုင်းဓိရာဇာဘွဲ့ဖြင့် မင်းပြု ပုန်ကန်သည်။ ပုန်ကန်မှု အောင်မြင်ပြီး အင်းဝကို သိမ်းပိုက်ကာ အင်းဝဘုရင် မဟာဓမ္မရာဇာဓိပတိ(၁၇၃၃-၁၇၅၂) ကို ဟံသာဝတီသို့ အကျယ်ချုပ်ဖြင့် ခေါ်ဆောင်ထားရှိခဲ့သည်။ (နောက်ပိုင်းတွင် ကွပ်မျက်ခဲ့သည်။)

တတိယအင်းဝ

ညောင်ရမ်းမင်းဆက်ကျဆုံးပြီးနောက် အလောင်းဘုရားက မွန်တို့ကို တွန်းလှန်ကာ မြန်မာတို့ကိုသာမက အယုဒ္ဓယထိပါ တိုက်ခိုက်ခဲ့သည်။ ထိုအချိန်များအတွင် အင်းဝမှာ နန်းမြို့အဖြစ်မှ လျှောကျနေခဲ့ရသည်။ ဆင်ဖြူရှင်လက်ထက်အရောက်တွင် အင်းဝကို နန်းမြို့အဖြစ် ပြန်လည်အသုံးပြုသည်။

သို့သော်ဘိုးတော်ဘုရား လက်ထက်တွင်မူ အမရပူရသို့ပြောင်းရွှေ့နန်းစံပြီး ဘကြီးတော်မင်း ၁၈၂၃တွင် အင်းဝသို့ ပြောင်းရွှေ့စံမြန်းပြန်သည်။ နောက်ဆုံး ၁၈၃၉တွင် အလွန်ပြင်းထန်ပြီး အပျက်အစီးများလှသော၊ လူပေါင်းများစွာ သေကြေခဲ့ရသော အင်းဝငလျင်ကြီး လှုပ်ခတ်ပြီးနောက်တွင် သာယာဝတီမင်းသည် မြို့တော်ကို အမရပူရသို့ ပြန်လည်ရွှေ့ပြောင်းလိုက်ရပြီး အင်းဝမှာလည်း ပျက်စီးမှုကြီးလှသောကြောင့် မင်းနေပြည်တော်အဖြစ်သို့ ပြန်လည်မရောက်ရှိနိုင်တော့ပေ။

လယ်တီ ဦးလှပိုင်၊ ထူပါရုံ ဘုရားသမိုင်း၊
-------------------------------------
မန္တလေးမြို့ရဲ့ အနောက်တောင်ဘက် မိုင်(၂၀)ခန့်သာကွာဝေးသော အင်းဝမြို့သည် ဧရာဝတီမြစ်နှင့်ဒုဌဝတီမြစ်(မြစ်ငယ်မြစ်) ဆုံရာတွင် ရှိပါတယ်။

၁၄ရာစု-၁၉ရာစုအတွင်းရှိခဲ့သော အင်းဝမြို့ကို သတိုးမင်းဖျားမင်းက ၁၃၆၄ခုနှစ်တွင် စတင်တည်ထောင်ခဲ့ပြီး ကုန်းဘောင်မင်းဆက် ဘကြီးတော်မင်းက ၁၈၃၇ခုနှစ်ထိ ထီးနန်းစိုက်ခဲ့သဖြင့် နှစ်ပေါင်း(၄၀၀)ကျော်ကြာ တည်ရှိခဲ့သော မြို့ဟောင်းတစ်ခုလည်းဖြစ်တယ်။ အင်းဝမြို့ဟောင်းတွင် ရှေးဟောင်းအဆောက်အဦး စုစုပေါင်း (၆၂၄)ခုရှိပြီး အများအားဖြင့် ပျက်စီးယိုယွင်းနေကြတယ်။

၁၈၃၈ခုနှစ် (မြန်မာသက္ကရာဇ် ၁၂၀၀ခုနှစ်) မှာ လှုပ်ခတ်ခဲ့သော ငလျင်ကြောင့် အင်းဝမြို့မှ ဘုရားစေတီများ အဆောက်အဦးများ ပြိုကျပျက်စီးခဲ့ရတယ်။

မန္တလေးမြို့ကနေ အင်းဝမြို့ကို သွားမယ်ဆိုရင် ကုန်းလမ်း/ရေလမ်း ၂မျိုးဖြင့် သွားရောက်နိုင်ပါတယ်။ ကုန်းလမ်းကနေသွားရင် မန္တလေးကနေ နာရီဝက်ကျော်သာမောင်းရပြီး မန္တလေး-စစ်ကိုင်းကားလမ်းဟောင်းကနေ သွားလို့ရသလို မန္တလေး-ရန်ကုန်အမြန်လမ်းမကနေလဲ သွားလို့ရတယ်။

ရေလမ်းကသွားမယ်ဆိုရင် မန္တလေးဂေါဝန်ဆိပ်ကနေ စက်လှေစီးခဲ့ရင်ရပါတယ်။
အင်းဝမြို့ထဲကို ဆိုင်ကယ်နဲ့လည်မယ်ဆိုရင် စက်လှေပေါ်မှာ ဆိုင်ကယ်တစ်ခါတည်းတင်ခဲ့လို့ရတယ်။

ခေတ်မီတိုးတက်ဖွံ့ဖြိုးလာတာနှင့်အညီ လူနေထိုင်သွားလာမှုစရိုက်တွေကလည်း ခေတ်နဲ့အညီပြောင်းလဲလာတယ်။ အဲဒီထဲကမှ အင်းဝမြို့ဟာ အများနဲ့မတူ တမူထူးခြားနေတာလေးရှိပါတယ်။ အခုချိန်ထိ အင်းဝမြို့ကို လာရောက်လည်ပတ်တဲ့ ပြည်တွင်းပြည်ပခရီးသွားဧည့်သည်တွေကို မြင်းလှည်းနဲ့လိုက်လံပို့ဆောင်ပေးနေပါတယ်။ အကယ်၍များ အင်းဝမြို့ကို ရောက်ဖြစ်ခဲ့မယ်ဆိုရင် မြင်းလှည်းစီးပြီးလည်ပတ်ရတဲ့ အရသာကလည်း ခံစားမှုအသစ်ပါပဲနော်။ နိုင်ငံခြားသားဧည့်သည်တွေကတော့ မြင်းလှည်းစီးပြီး အများဆုံးလည်တာပဲ

လည်ပတ်စရာနေရာများ
================
💟 လေးထပ်ကျောင်းတော်ကြီး

ကုန်းဘောင်မင်းဆက် ဘကြီးတော်မင်း ကောင်းမှုကုသိုလ်ဖြစ်ပြီး ၁၈၅၃ခုနှစ်မှာ ဂန္ဓကုဋီတိုက်ကြီးပြီးစီးလို့ ရေစက်သွန်းချခဲ့တယ်။ အရင် ညောင်ရမ်းမင်းတရားကြီး ကောင်းမှုတော် လေးထပ်ကျောင်းတော်ကြီးနေရာမှာ တည်ဆောက်ခဲ့တာကြောင့် ဂန္ဓကုဋီတိုက်ကြီးဟာလည်း လေးထပ်ကျောင်းတော်ကြီးလို့ အမည်တွင်နေတယ်။ မြန်မာသက္ကရာဇ် ၁၂၀ဝပြည့်နှစ်မှာ လှုပ်ခတ်ခဲ့တဲ့ငလျင်ကြောင့် ဘကြီးတော်မင်းကောင်းမှု လေးထပ်အုတ်ကျောင်းတော်ကြီးဟာလည်း ပြိုကျပျက်စီးခဲ့ရတယ်။ ၂၀၁၂ခုနှစ်က ငလျင်ထပ်မံလှုပ်ခဲ့ပြန်တော့ မူလပျက်စီးနေတဲ့ အုတ်တိုက်ကြီးရဲ့နံရံတွေမှာ အက်ကွဲကြောင်းကြီးတွေ ပေါ်လာပြီး ကြံ့ခိုင်မှုပိုပိုအားနည်းလာတော့တယ်။

အခုအခါမှာ လေးထပ်ကျောင်းတော်ကြီးကို ၁၀ဧကလောက်ကျယ်တဲ့ ကွင်းပြင်ကြီးထဲမှာ တစ်ဝက်တစ်ပျက် ပြိုကျပျက်စီးပြီး ကျန်နေသေးတာကို တွေ့နိုင်ပါသေးတယ်။ ကျန်ရှိနေသေးတဲ့ လေးထပ်ကျောင်းတော်ကြီး အပိုင်းအစများရဲ့ အုတ်အင်္ဂတေလက်ရာများဟာ အဖိုးမဖြတ်နိုင်တဲ့ သမိုင်းအမွေအနှစ်တွေပါပဲ။

💟 မဟာအောင်မြေဘုံစံအုတ်ကျောင်း @ မယ်နုအုတ်ကျောင်း

၁၈၂၂ခုနှစ် (မြန်မာသက္ကရာဇ် ၁၁၈၄ခုနှစ်)တွင် ဘကြီးတော်မင်း၏ မိဖုရားခေါင်ကြီးမယ်နုက အုတ် အင်္ဂတေတို့ဖြင့် တည်ဆောက်လှူဒါန်းခဲ့သောကြောင့် မယ်နုအုတ်ကျောင်းလို့ ခေါ်ကြတာ။ အုတ်ကျောင်းအကျယ်အဝန်းမှာ အလျား၁၉၂ပေ အနံ၁၁၂ပေ အမြင့်၉၄ပေ ရှိသည်။ အေဒီ၁၉ရာစု မြန်မာ့ဗိသုကာ ပန်းရံနှင့်ပန်းတော့ ကုန်းဘောင်ခေတ်အနုလက်ရာများကို တွေ့မြင်နိုင်သည်။
အုတ်ကျောင်း၏ထူးခြားချက်မှာ အောက်ခြေတွင် အမှောင်ခန်း အလင်းခန်းများ ထည့်သွင်းတည်ဆောက်ထားတယ်။

💟 နန်းမြို့ရိုး ဝင်ပေါက်တံခါး

အခုချိန်ထိ ကျန်ရှိနေသေးသော ရှေးဟောင်းလက်ရာများထဲမှ တစ်ခုအပါအဝင်ပါ။ နန်းမြို့ရိုးတံတိုင်းပေါ်တက်ကြည့်လို့ရပါတယ်။

💟 မဟာဗောဓိကျောင်း

ဘုန်းကြီးကျောင်းဝင်းထဲမှာ ရှိနေတဲ့ ကြီးမားလှတဲ့ ဗောဓိညောင်ပင်ကြီးပါ။လေးထပ်ကျောင်းတော်ကြီးရဲ့ဘေးက လမ်းသွယ်ထဲကနေ ဝင်သွားရမှာပါ။ အရင်က နေ့တိုင်းဖွင့်ပေမယ့် ခုတော့ စနေ တနင်္ဂနွေ ဥပုသ်နေ့နဲ့ နေ့ထူးရက်မြက်တွေမှာ မှဖွင့်တော့ပါတယ်
ဗောဓိညောင်ပင်ကြီးက ကြီးမားလွန်းလို့ အင်္ဂတေအုတ်တိုင်များနဲ့ ညောင်ကိုင်းတွေကို အများအပြားထောက်ထားရတာပါ။ အင်္ဂတေအုတ်တိုင်တွေ ကြားထဲမှာလည်း လမ်းလျှောက် ဓာတ်ပုံရိုက်ပေါ့။ ကျောင်းဝင်းထဲမှာ ဓာတ်ပုံရိုက်စရာနေရာတွေ အများကြီးရှိပါတယ်။ ကျောက်နွားလှည်းတို့ ရွှေဇီးကွက် ငွေဇီးကွက်တို့ ..... အများကြီးပဲ။

💟 ရှေးဟောင်းဘုရားစု

ပုဂံဘုရားတွေလို အုတ်နီနီနဲ့စေတီတွေ အစုလိုက်တည်ရှိနေတာပါ။ အေးအေးဆေးဆေး ဓာတ်ပုံရိုက်လို့ကောင်းတဲ့ နေရာလေးပါပဲ။

💟 ရတနာဆီမီးဘုရား

ငလျင်ဒဏ်ကြောင့် အပေါ်အမိုးနဲ့ တခြားအစိတ်အပိုင်းတွေ ပျက်စီးသွားတာကြောင့် ဘုရားနဲ့အင်္ဂတေတိုင်လုံးကြီးတွေပဲ ကျန်ခဲ့တော့တယ်။ ဘေးမှာပေါက်နေတဲ့ 🌴ထန်းပင်တွေရယ် ဘုရားတစ်ဆူရယ် အင်္ဂတေတိုင်လုံးကြီးတွေရယ်က ဓာတ်ပုံရိုက်ဖို့ ဆွဲဆောင်လွန်းလှသလို သဘာဝနဲ့ရှေးဟောင်းရောစပ်နေတဲ့ လှပမှုတစ်ခုပါပဲ။ ဘေးမှာသိပ်ကိုကြီးမားတဲ့ လက်ပံပင်ကြီးလည်းရှိတယ်။ တပိုတွဲ တပေါင်းလ လက်ပံပွင့်တွေ ကြွေချိန်ဆို ရတနာဆီမီးဘုရား ရင်ပြင်တစ်ခုလုံး နီနီရဲပြီး သိပ်ကိုလှပတာပဲ။ 🌺🌺🌺🍀🍀🍀 အင်းဝမှာတော့ ရတနာဆီမီးဘုရားနဲ့ ဗားကရာကျောင်းက ကိုယ်အကြိုက်ဆုံးနေရာတွေပဲ။

💟 နန်းမြင့်မျှော်စင်

၁၈၂၂ခုနှစ် (မြန်မာသက္ကရာဇ် ၁၁၈၄ခုနှစ်) ဘကြီးတော်မင်းလက်ထက်တွင် တည်ဆောက်ခဲ့တယ်။ အလျား၃၀ပေ အနံ၃၀ပေ အမြင့်၆၀ပေ ရှိ၍ အင်္ဂတေနှင့်သစ်သားပေါင်းစပ်တည်ဆောက်ထားပါတယ်။ စတုတ္ထအင်းဝခေတ် ပန်းရံလက်မှုပညာကို လေ့လာနိုင်ပါတယ်။ ၁၈၃၈ခုနှစ် ငလျင်ကြောင့် မျှော်စင်၏အဓိက အုတ်ကိုယ်ထည်များမှာ မြောက်ဘက်သို့ တိမ်းစောင်းသွားသော်လည်း ယခုတိုင် တည်ငြိမ်စွာ ကြံ့ခိုင်လျက်ရှိပါတယ်။ ရှေးဟောင်းသုတေသနဌာနမှ ပြန်လည်ပြုပြင်ထိန်းသိမ်းထားသောကြောင့် အပေါ်သို့ ယခင်ကတက်ရောက်လေ့လာနိုင်ပါတယ်။
ယခု အပေါ်သို့တက်ရောက်လေ့လာခွင့် မရှိတော့ပါ

💟 ဗားကရာကျောင်း

စတုတ္ထအင်းဝမြို့တည် ဘကြီးတော်ဘုရားလက်ထက် မြန်မာသက္ကရာဇ် ၁၁၉၆ခုနှစ်တွင် ဆောက်လုပ်ခဲ့တယ်။ သစ်သားကျွန်းတိုင်များဖြင့် တည်ဆောက်ထားပြီး ကျွန်းတိုင်ပေါင်း (၂၆၇)လုံးပါရှိပါတယ်။ အကြီးဆုံးကျွန်းတိုင်ရဲ့လုံးပတ်ဟာ (၉)ပေရှိပြီး အမြင့် (၆၀)ပေရှိပါတယ်။ ဗားကရာကျောင်းမှာ အကျယ်အဝန်းအားဖြင့် အလျား(၁၈၈)ပေ အနံ(၁၀၃)ပေ ရှိသော သစ်သားကျောင်းကြီးဖြစ်တယ်။ ကျောင်းတော်ကြီး၏ ဘေးပတ်ပတ်လည်တွင် အုတ်လှေကား၅စင်း တပ်ဆင်ထားပါတယ်။ ယခုခေတ်၌ တွေ့မြင်ရန် အလွန်ရှားပါးသွားပြီဖြစ်သော ရှေးဟောင်းမြန်မာ့ဗိသုကာ သစ်ထွင်းပန်းပုလက်ရာ အနုပညာအမွေအနှစ်များစွာကိုလည်း လေ့လာနိုင်တဲ့ သစ်သားကျောင်းတော်ကြီးပါ။ ကိုယ် ခုနောက်ဆုံးတစ်ခေါက်ရောက်ခဲ့တုန်းက အရင်ကနဲ့မတူ ပျက်စီးမှုတွေ ပိုများလာတာကို စိတ်မကောင်းစွာ တွေ့ရပါတယ်။ သတိပေးစာတန်းတွေ ရေးထားရလောက်အောင် ပျက်စီးယိုယွင်းလာနေတယ်။ သဘာဝရာသီဥတုဒဏ်ကြောင့် ပျက်စီးတာတွေလည်း ရှိသလို သွားရောက်လည်ပတ်သူများအနေနဲ့ ခုခေတ်မှာ ရှာပါးလှတဲ့ သစ်သားကျွန်းကျောင်းမို့ ကိုယ့်ကြောင့် ပျက်စီးမှုတွေမရှိအောင် လည်ပတ်ကြပါနော်။ ထိန်းသိမ်းမှုတွေ ပိုမိုလိုအပ်နေတဲ့ ဗားကရာကျောင်းကြီးပါ။ ဗားကရာကျောင်းဟာ ကိုယ်အကြိုက်ဆုံးနေရာတွေထဲက တစ်ခုအပါအဝင်ပဲ။

💟 ဆင်ကျုံးခံတပ်

၁၈၇၄ခုနှစ်တွင် မင်းတုန်းမင်း တည်ဆောက်ခဲ့သော ခံတပ်ဖြစ်ပါတယ်။ ဆင်ကျုံးခံတပ်သည် စတုရန်းပုံဖြစ်ပြီး အုတ်တံတိုင်း၃ထပ်ပါရှိတယ်။ အပြင်ဘက်ဆုံးတံတိုင်းမှာ (၃၅၅)ပေပတ်လည်ရှိပြီး (၃၆)ပေအရှည်ရှိသော ထောင့်ဖြေဖြင့် တည်ဆောက်ထားတယ်။ အလယ်တံတိုင်းမှာ (၂၉၃)ပေပတ်လည်ရှိပြီး တံတိုင်းနှစ်ခုအကြားတွင် (၃၀)ပေ ကျယ်သောကျုံးရှိသည်။ အတွင်းတံတိုင်းမှာ (၂၀၀)ပေပတ်လည်ရှိပြီး ခံတပ်အရှေ့ဘက်တွင် ကျုံးကူးသစ်သားတံတားတစ်စင်းပါရှိပါတယ်။ သစ်သားတံတားရဲ့ အပြင်ဘက်ထိပ်မှာ ဆင်ကျုံးခံတပ်အကြောင်း ရေးထာတဲ့ ကျောက်စာချပ်ကို စိုက်ထူထားပါတယ်နော်။

အတွင်းဘက်နံရံ အပေါ်မှာ ရှေးခေတ်အမြောက်ကြီးတွေကို ဧရာဝတီမြစ်ကြီးထဲက ဆန်တက်လာမယ့် ရန်သူတွေကို ချိန်ရွယ်ထားတဲ့ပုံစံမျိုးနဲ့ ထားရှိထားပါတယ်။ အင်းဝမြို့ဟောင်းဝန်းကျင်မှာရှိတဲ့ လည်ပတ်စရာနေရာတွေထဲက ဆင်ကျုံးခံတပ်ဟာ သဘာဝရှုခင်း ကြည့်လို့အကောင်းဆုံး နေရာတစ်ခုပါ။ ခံတပ်ကြီးအရှေ့မှာ ဧရာဝတီမြစ်ကြီးကတော့ ပုံမှန်အတိုင်း ဆက်လက်စီးဆင်းနေလေရဲ့။

💟 မဟာဇေယျပထတံတား @ ဦးအိုအုတ်တံတား

အင်းဝမြို့တောင်ဘက် ဟံသာဝတီတံခါးမှ တံတားဦးမြို့ မင်္ဂလာစေတီအထိ တာ(၅၀၀) (တစ်မိုင်ခန့်) ရှည်လျားသည်။ တံတားအား စတင်တည်ဆောက်သူမှာ ပထမအင်းဝခေတ် ငယ်နာမည် မင်းဆွေ(ခ)ပထမမင်းခေါင် ဖြစ်သည်။ ပထမမင်းခေါင်ဘုရင်သည် ယက်မလျှိုအမိုးနှင့် သစ်သားတံတားကြီးကို ဆောက်လုပ်တော်မူခဲ့တယ်။ စတုတ္ထအင်းဝခေတ် ဘကြီးတော်(စစ်ကိုင်းမင်း)လက်ထက်တွင် နန်းမတော်မယ်နု၏မောင် စလင်းမြို့စားဦးအိုက ၁၁၈၄ခုနှစ်တွင် ပြုပြင်ဆောက်လုပ်ပြီး ၁၁၈၉ခုနှစ် တပေါင်းလဆန်း(၂)ရက် စနေနေ့တွင် ဖွင့်လှစ်ခဲ့တယ်။ ဒါကြောင့် ဦးအ်ိုအုတ်လမ်းလို့ လူသိများတယ်။ ရှေးဟောင်းအုတ်တံတား အရှည်ကြီးတစ်စင်းဖြစ်ပါတယ်။

အင်းဝမြို့ဟာ ကျေးလက်ဒေသရဲ့သဘာဝအလှ🌴🌾🍀🌻🍃🌱🌼🌺 သမိုင်းအမွေအနှစ်တွေနဲ့ပြည့်နှက်နေတဲ့ ဘုရားစေတီ ကျောင်းကန်အဆောက်အဦးတွေ 🙏🙏🙏 လေ့လာစရာမကုန်နိုင်တဲ့ သစ်ထွင်းပန်းပု ပန်းရံ ပန်းတော့ ပန်းကနုတ်လက်ရာ ဗိသုကာပညာရပ်တွေ တည်ရှိနေတဲ့ ရှေးဟောင်းမြို့မို့ သွားရောက်လည်ပတ်သင့်ပါတယ်လို့နော်။

🔴🔴🔴 ရှေးဟောင်း ယဉ်ကျေးမှု အမွေအနှစ် ဘုရားစေတီတွေ အဆောက်အဦးတွေ သစ်သားကျွန်းကျောင်းတွေ အုတ်ကျောင်းတွေ ဘေးမှာပြိုကျနေတဲ့အပိုင်းအစတွေဟာ တန်ဖိုးထားထိန်းသိမ်းရမယ့် ယဉ်ကျေးမှုအမွေအနှစ်တွေမို့ စည်းကမ်းရှိစွာ လည်ပတ်လေ့လာကြဖို့ တစ်ခုခုနဲ့မရေးခြစ်ခဲ့ဖို့ လူတိုင်းလူတိုင်း တန်ဖိုးထားမြတ်နိုးစေချင်ပါတယ်။

🚮🚮🚮ကိုယ်သွားခဲ့တဲ့ နေရာတိုင်းကို သဘာဝပတ်ဝန်းကျင် ထိန်းသိမ်းတဲ့အနေနဲ့ အမှိုက်တွေကို ပစ်မချခဲ့ဖို့နဲ့ ကိုယ့်နိုင်ငံက အမှိုက်ပုံးတွေ ထားပေးတာ အလွန်နည်းတဲ့ နိုင်ငံမို့ ကိုယ်ပစ်မယ့်အမှိုက်တွေထည့်ဖို့ အမှိုက်အိတ် မဖြစ်မနေယူသွားကြပါလို့ အကြံပေးပါရစေနော်။


မူရင်းစာသားအား
creditပါ

Read More →

ထီးလိုမင်းလို ဘုရားသမိုင်း

သက္ကရာဇ် ၅၅၀ ခုနှစ်တွင် နန်းတက်တော်မူသော နရပတိစည်သူမင်းကြီး၌ ဇေယျသူရ၊ ရာဇသူရ၊ အင်္ဂါသူပျံချီ၊ ဇေယျသိင်္ခဟူသော သားတော်ငါးပါးရှိသတည်း။ အခါတစ်ပါးသော် မင်းကြီး ၏လက်၌ ခူနာပေါက်ခဲ့၏။ ဇေယျသိင်္ခ၏ မယ်တော်၊ မိဖုရားသည် မင်းကြီး၏ ခူနာရှိသောလက်ကို အနာမှသက်သာစေရန် ငုံ၍ထားခိုက် မင်းကြီးအိပ်ပျော်၍သွား၏။ ထိုအခါတွင် အနာမှပြည်သည် ပေါက်ခဲ့၏။ မိဖုရားသည် မင်းကြီးနိုးမည်စိုးသောကြောင့် ပြည်ကိုမျိုချလိုက်၏။ မင်းကြီးနိုးတော်မူ သောအခါ အကြောင်းစုံကို မိဖုရားကလျှောက်၏။ မင်းကြီးလည်း မိဖုရားအား ကျေးဇူးတင်လှသဖြင့် အသင်မိဖုရား အသင်သည် ငါ့အား အလွန်တရာပင် ချစ်ခင်ကြင်နာပေ၏။ အသင်လိုရာဆုကို တောင်းလေ၊ ငါသနားတော်မူမည်ဟု မိန့်တော်မူ၏။ မိဖုရားလည်း အရှင်မင်းကြီး ကျွန်ုပ်မှာ ရွှေ၊ ငွေ၊ စိန် ကျောက်နှင့်တကွ အချွေအရံတို့ ချီးမြှောက်တော်မူပြီးဖြစ်သဖြင့် မလိုတော့ပါ။ သားတော် ဇေယျ သိင်္ခကိုသာ အိမ်တောင်စောင့်ပါစေဟု နားတော်လျှောက်၏။ မင်းကြီးကလည်း ကတိအတိုင်း သား တော်ဇေယျသိင်္ခအား နန်းစောင့်ထားပေ၏။ သားတော်ကြီးလေးပါးကိုမူ မြို့စား၊ ရွာစား ပေးသနား တော်မူ၏၊ မိဖုရားလည်း အခွင့်သာတိုင်း သားတော်ဇေယျသိင်္ခအား အိမ်ရှေ့ပေးရန် ပူဆာ၏။ သို့ မဟုတ် ခဏခဏနန်းကိုတောင်းလေသည်။ သို့ဖြစ်၍ နောက်၌ (နန်းတောင်းများမင်း) ဟု တွင်လေ ၏။ ဇေယျသိင်္ခအား နောင်တော်လေးပါးကလည်း ချစ်ခင်ကြင်နာကြပေ၏။ ဇေယျသိင်္ခကလည်း နေ့စဉ် နောင်တော်များထံ ၀တ်ပြုခစားရန်သွား၏။ ကာလကြာသော် နောင်တော်လေးပါးက = ညီ မောင် ညီမောင်သည် နောင်တော်တို့ထံ ၀တ်ပြုရန်လာလော့ဟု ပြောကြသဖြင့် = ဇေယျသိင်္ခလည်း နောင်တော်တို့၏ သဘောအတိုင်းပြုပေ၏။
မင်းလေးပါး စုရုံးရာဖြစ်သောကြောင့် (ရုံး) ဟူသော အမည်သည် ၎င်း - နောင်တော်တို့ကို ပူဇော်ရာဌာနဖြစ်သောကြောင့် (လွှတ်) ဟူသော အမည်သည် ၎င်း၊ ထိုကာလမှစ၍ ယခုတိုင်တွင် သည်ဟု ပညာရှိတို့ ရေးသားပြောဆိုကြ၏။
အခါတစ်ပါးသော် နရပတိစည်သူမင်းကြီးသည်၊ သားတော် (၅) ပါးတို့ ၀ိုင်းဝန်းနေစေ၍ အလယ်၌ ထီးဖြူတစ်ခုကို စိုက်ကာ လက်ဖြင့်ကိုင်လျှက်ပြောဆိုသည်မှာ - ငါလွှတ်လိုက်သော ထီး ဖြူသည် အကြင်မင်းသားဘက်သို့ညွှတ်၏။ ထိုမင်းသားသည် နန်းလျာဖြစ်စေရမည် ကျန်မင်းသား များကလည်း ကူညီစောင့်ရှောက်ရမည်ဟု မိန့်တော်မူ၏။ မင်းသား (၅) ပါးတို့ ကြိုက်ညီကြ သတည်း။ မင်းကြီးသည် အကြင်သူသည် မင်းဖြစ်ထိုက်၏။ ထိုသူ၏ထံသို့ ထီးဖြူညွှတ်စေသတည်း ဟု သစ္စာအဓိဋ္ဌာန်ပြုကာ လက်မှ ထီးဖြူတော်ကိုလွှတ်တော်မူရာ ဇေယျသိင်္ခ၏ဘက်သို့ ထီးဖြူညွတ် သတည်း၊ နောင်တော်လေးပါးလည်း ညီတော်အား ချစ်ရင်းစွဲရှိသဖြင့် ၀မ်းသာအားရဖြစ်တော်မူကြ ကုန်၏။ မင်းကြီးကလည်း ဇေယျသိင်္ခအား ထီးညွတ်စေလို၏။ ထီးကလည်း ညွှတ်ပြန်၏။ ထိုသို့ သော အကြောင်းကြောင့် (ထီးလိုမင်းလို) ဟု တွင်သတည်း။ ဇေယျသိင်္ခမင်းသားသည် = နရပတိ စည်သူမင်းကြီး နတ်ရွာစံသော် သက္ကရာဇ် ၅၇၅ ခုတွင် မင်းအဖြစ်ကိုရ၍ သက္ကရာဇ် ၅၈၆ ခုတွင် ထီး ဖြူစိုက်၍ လဲရာအရပ်၌ကောင်းမှုတော် ထီးလိုမင်းလိုစေတီကို တည်တော်မူသတည်း။
ထီးလိုမင်းလို ဘုရားဘွဲ့
နရပတိစည်သူ မင်းတစ်ဆူ = သားမူငါးပါးနှင့်။
ရိမဒ်ပြည်ကြီး ဖွင့်စည်တီး မငြီးဆယ်အကျင့်။
မင်းဖြစ်ထိုက်စွ ထီးညွတ်ခ မြွက်ဟ ဆုပန်ဆင့်။
သားတော်များဝယ် ရှေ့အလယ် - စိုက်တယ်ထီးဖြူဖွင့်။
ဇေယျသိင်္ခရှေ့ ထီးဖြူတွေ့ = ညွှတ်ကွေ့အဆင်သင့်။
ထီးကလည်းလို မင်းလည်းလို = ထီးလိုမင်းလိုဘုရင်။
ထီးညွှတ်နေရပ် ဂူထွဋ်မြတ် - မွေဓာတ်စံပါယ်တင့်။
ထီးလိုမင်းလို ဂူဗုဒ္ဓို = ဆည်းခိုများဖြင်ဖြင့်။
(လမ်းညွှန်) ပုဂံမှ ညောင်ဦးသို့အသွား အစိုးရကျောက်လမ်း၏ တောင်ဘက်ဘေးတွင် ရှိသည်။ ပုဂံမှ တစ်မိုင်ခုနစ်ဖာလုံအကွာ ဖြစ်သည်။

ဥပါဠိသိမ်
ဥပါဠိမထေရ် သမုတ်သော (သိမ်) ဖြစ်သောကြောင့် ဥပါဠိသိမ်ဟု တွင်သည်။ ထို မထေရ်သည် နန်းတောင်းများမင်းလက်ထက်မှ ကျစွာမင်းလက်ထက်ထိ မင်းနှစ်ဆက်မှီ သော ဟူ၏။ ထို ဥပါဠိသိမ် တည်နေရာအရပ်ကို ယခုအခါ ဥပါဠိချောက်ဟူ၍ အစဉ်အလာ ခေါ်ကြ၏။
ဒုတိယအင်းဝခေတ် အစလောက်ဖြစ်သော = သက္ကရာဇ် ၁၉၇၇ = ခုနှစ်၊ အင်းဝ မြို့၏ အနောက်ဘက်လွန် မင်းတရား နန်းစံကိုးနှစ်မြောက်တွင် မဟာဝိဇိတာဝီ မည်သော ဘုန်းတော်ကြီးသည် တိသာသနာင်္ကုရဟူ၍၎င်း၊ ခေမင်္ဂ၀ရသီလဟူ၍၎င်း အမည်ဖြင့် ကျော်စောလေသည်။ ထိုဘုန်းတော်ကြီးသည် ပုဂံမြို့ အလောင်းစည်သူမင်းထိုးမှတ်သော - ရွှေဂူကြီးဘုရား ကျောက်စာဂါထာ (၁၀၀) ကို = မြန်မာဘာသာ နိဿယ ပြန်ဆိုသည်။ ကစ္စာယန ၀ဏ္ဏကျမ်းကိုစီရင်ကြောင်းနှင့် ပိဋကတ်သုံးပုံ စာတမ်းမှာ ဆိုသည်။
ထိုသိမ်ထဲတွင် အင်းဝခေတ် ပန်းချီကားများ လှပဆန်းကြယ်စွာ ရေးသားခြယ် လယ်ထားသည်။ ထိုပန်းချီဆေးရေးကို အစိမ်း၊ အနီ၊ အဖြူ ဆေးရောင်တို့ဖြင့် ဖက်စပ်ခြယ် လှယ်ထားသဖြင့် အသွေး၊ အရောင် တောက်ပြောင်လှပေသည်။ နံရံလေးဘက်နှင့် အမိုး မျက်နှာကြက်ပေါ်တွင် အခြားဆေးရေးများကဲ့သို့ ဇာတ်နိပါတ်များမဟုတ်ဘဲ ဘုရား လောင်းများ တောထွက်ခန်း၊ ဘုရားအဆူဆူတို့ ဗောဓိပင်နှင့်တကွ ပွင့်တော်မူပုံနှင့် အနော် ရထာမင်း သိမ်သမုတ်ပုံအခန်းတို့ကို မြန်မာဘာသာ ကမ္ဗည်းစာတမ်းများဖြင့် ရေးသားခြယ် လှယ်ထားလျက် ရှိသည်။ အင်းဝခေတ်ဆေးရေးဖြစ်သဖြင့် ထိုခေတ်ရှိ မင်း၊ မိဖုရား စသော တိုင်းသူပြည်သားတို့ ဆင်ယင်ထုံးဖွဲ့မှုကိုလည်း ယခုခေတ် လူတို့နှင့် မည်မျှလောက်ကွာ ခြားကြသည်ကို မှန်းဆနိုင်လေသည်။
သိမ်၊ အဆောက်အအုံကို ပြင်ဘက်မှနေကြည့်သော် အုတ်ဖြင့်ပြုလုပ်ထားသော ပန်းတောင်၊ ပန်းခက်များသည် အသားဖြင့် ပြုလုပ်ထားသောအသွင်ကို ဆောင်လျက်ရှိ၏။ အတွင်းဘက်နံရံတစ်ဘက်တွင် အုတ်ရိုးဆင်းတုကြီးတစ်ဆူကို ပလ္လင်မြင့်ပေါ်တွင် ဖူးမျှော် နိုင်သော ထင်ရှားကျော်စောလှသော ရှေးဟောင်းသိမ် တသိမ်ဖြစ်ပေသတည်း။
(လမ်းညွှန်) ဥပါဠိသိမ်သည် ပုဂံနှင့် ညောင်ဥိးကြား၊ ထီးလိုမင်းလို ဘုရားကြီး အနောက်မြောက်ဘက်၊ ပေလမ်း၏ မြောက်ပါးကပ်လျက် တည်ရှိသည်

#ပုဂံမြန်မာ မှ ပြန်လည်မျှဝေ ပါသည်။

Read More →

ဓမ္မရံကြီး ဘုရားသမိုင်း

တည်နေရာ
ပုဂံ

ဓမ္မရံကြီးလိုဏ်ဂူတော်ကြီးဟာ ပုဂံရှိထုထည်အကြီးမားဆုံး ဘုရားများတွင် တစ်ခုအပါအ၀င်ဖြစ်သလို အရပ်လေးမျက်နှာမှ ဖူးမျှော်နိုင်သောဘုရားတစ်ဆူလည်းဖြစ်ပါတယ်။ လိုဏ်ဂူ၏ထူးခြားချက်ကတော့ အုတ်၊ အင်္ဂတေပန်းရန် ဗိသုကာလက်ရာဖြစ်ပါတယ်။ အုတ်စီပုံမှာ ဓါးစီခုတ် (ခေါ်) ဓါးဖြင့်ရွှေခုတ်ပြီးမှ သရွတ် အင်္ဂတေညှပ်စီခြင်းဖြစ်သောကြောင့် အပ်ထိုး၍ပင်မရအောင် စေ့စပ်သည်ဟုဆိုကြပါတယ်။ ပေါင်းကူးများနဲ့ အတွင်းနံရံများဟာ အလွန်ခိုင်ခံ့ပါတယ်။ ပန္နက်ပုံစံဟာ အာနန္ဒာလိုဏ်ဂူဘုရားကြီး ပန္နက်ပုံစံနဲ့ ဆင်တူပါတယ်။ စတုရန်းပုံစံဖြစ်ပြီး လေးမျက်နှာမှာ အာရုံခံမုဒ်များရှိပါတယ်။ ဂရိတို့ရဲ့ ကြက်ခြေခတ်ပုံစံသဘောမျိုး တည်ရှိကြပါတယ်။ အာနန္ဒာကဲ့သို့ အမိုးနှစ်ဆင့်နိမ့်လျှောရှိပြီး ပစ္စယာလေးဆင့်တက်ထားပါတယ်။ အဲဒီအထက်မှာတော့ ကွမ်းတောင်နဲ့ အထွတ်တို့ဟာ ပျက်စီးလျက်ရှိနေပါတယ်။

ထိုကဲ့သို့ ထုထည်ကြီးမားသော ဓမ္မရံကြီးအတွင်းမှာ အပြင်လိုဏ်ပတ်စင်္ကြံလမ်းများအထိသာ ၀င်ရောက်နိုင်ပြီးတော့ အတွင်းလိုဏ်ပတ်စင်္ကြံလမ်းများကို ပိတ်ဆို့ထားတာ တွေ့ရပါတယ်။ မည်သည့်အကြောင်းကြောင့် မည်သည့်အခါက ပိတ်ထားကြောင်းကို မသိရပါဘူး။ ဓမ္မရံကြီးတည်သော မင်းလက်ထက်ကပင် ပိတ်ဆို့ထားခဲ့လေသလား။ ထိုမင်းနတ်ရွာစံပြီးနောက်မှ ပိတ်ဆို့ထားခဲ့လေသလား။ အခြားသော လိုဏ်ဂူဘုရားများတွင် အပြင်လိုဏ်ပတ်စင်္ကြံလမ်းမှ အတွင်းလိုဏ်ပတ်စင်္ကြံလမ်းများသို့ ပေါက်ရောက်ပြီး အလယ်မဏ္ဍိုင်ရှိ ဗုဒ္ဓရုပ်ပွားတော်များအထိ သွားရောက်ဖူးမျှော်နိုင်ပါတယ်။ သမိုင်းများမှာတော့ ဒီကိစ္စကို ဖြေရှင်းမထားပါဘူး။
ဓမ္မရံကြီးလိုဏ်ဂူကို နရသူမင်း (၁၁၆၃-၁၁၆၅) က တည်ဆောက်ခဲ့ပါတယ်။ ထိုမင်းဟာ အိန္ဒိယပြည် ပဋိက္ကယားကုလားမင်းကစေလွှတ်တဲ့ ကုလားလူမျိုးရှစ်ယောက်တို့က ပုဏ္ဏားအယောင်ဆောင်ပြီး သတ်သောကြောင့် အနိစ္စရောက်ခဲ့ရပါတယ်။ ပဋိက္ကယားမင်း၏ သမီးတော်ကို နရသူမင်းအမျက်တော်ရှိသောကြောင့် ကွပ်မျက်ခဲ့ပါတယ်။ ထိုရန်ငြိုးကြောင့် နရသူကို ကုလားတို့လုပ်ကြံသောကြောင့် နတ်ရွာစံသဖြင့် “ကုလားကျမင်း” ဟု ခေါ်ဆိုခဲ့ကြပါတယ်။ သမိုင်းသုတေသီ အချို့ကတော့ သီဟိုဋ္ဌ်ပြည် ပထမပရက္ကမဗာဟုမင်း (၁၁၅၃-၁၁၈၆) လက်ထက် သီဟိုဋ္ဌ်ကျွန်းသား ကုန်သည်များကို နရသူက မတန်တဆအခွန်ကောက်ယူပြီး မတရားညှဉ်းဆဲနှိပ်ကွပ် သတ်ဖြတ်သောကြောင့် (၁၁၆၅) ခုနှစ်မှာ ရန်တုံ့ပြန်ကာ စစ်ချီတက်သတ်ဖြတ်ကြသည်ဟု ဆိုခဲ့ကြပါတယ်။
ဓမ္မရံကြီး ဘုရားကိုတော့ ပုဂံမြို့ကနေ မင်းနန်သူရွာဘက် သွားရာလမ်းအတိုင်း သွားရော

က်ရင် လက်ျာဘက်အခြမ်း မလှမ်းမကမ်းမှာ ဖူးတွေ့နိုင်ကြမှာ ဖြစ်ပါတယ်။ ဓမ္မရံကြီးဆိုတဲ့ ဝေါဟာရကတော့ ပုဂံခေတ်ကာလ အနောက်ဘက်မှာ သီတင်းသုံးနေထိုင်တဲ့ အရှင်ဓမ္မရံသီမထေရ်မြတ်ကို အစွဲပြုပြီး ခေါ်ဝေါ်ခဲ့တာလို့ လေ့လာသိရှိရပါတယ်။

Read More →

မနာလိုစိတ်ဆိုတာ

မနာလိုစိတ်ဆိုတာ
ကိုယ့် အတွင်းမှာ လုံးဝ မရှိသင့်တဲ့ အရာတစ်ခု
သူတစ်ပါးကို မနာလိုတယ်ဆိုတာ
ကိုယ်ဟာသူ ရောက်နေတဲ့ အနေအထား တစ်ခု
သူ ဖြစ်နေတဲ့ အခြေအနေ တစ်ခုလို မရောက်နိုင်မဖြစ်နိုင်တာကြောင့် ပေါ်လာတဲ့ အင်မတန် သေးသိမ်တဲ့ စိတ်ထားပဲ ဖြစ်တယ်ပြီးတော့ မနာလိုတယ်ဆိုတာ အသက်အရွယ်အပိုင်းအခြားမရှိဘဲ ကြီးတဲ့သူကနေ ငယ်တဲ့ သူ အပေါ်ငယ်တဲ့ သူကနေ ကြီးတဲ့သူအပေါ်နောက် အရွယ်တူ အချင်းချင်းအပေါ်မှာလည်းဖြစ်တတ်တဲ့အင်မတန်ကြောက်စရာကောင်းတဲ့စိတ်ထားတစ်ခုမနာလိုစိတ်တွေကြီးစိုးလွန်းအားကြီးလာတဲ့အခါအဲဒီ တစ်ဖက်လူအပေါ် ဒေါသစိတ်တွေအကုသိုလ်စိတ်တွေ အရင် ပေါ်လာတယ်အဲဒီနောက်မှာတော့ အဲဒီ တစ်ဖက်လူရဲ့ပျက်စီးရာပျက်စီးကြောင်းကို လိုလားလာတယ်……

သူဟာ ကိုယ့်ထက် တစ်နေရာရာမှာ သာနေတော့ကိုယ့်စိတ်ထဲမှာ အလိုလို အလိုမကျတွေဖြစ်လာတယ်အလိုမကျရာကနေ ဒေါသအဖြစ် ပြောင်းလာပြီး ဒေါသကနေ အမုန်းတရားဆီကိုဦးတည်တော့တာပဲအမုန်းထုက ကြီးလာတော့ အဲဒီ့ လူရဲ့ ပျက်စီးရာပျက်စီးကြောင်းကို တစ်မျိုးမျိုးနဲ့ ကြံလာပြီး နောက်ဆုံး မလုပ်သင့် မလုပ်ထိုက်တဲ့ ချောက်ချခြင်း၊ ကုန်းတိုက်ခြင်း၊ အပုပ်ချခြင်း စတဲ့ သိမ်ငယ်တဲ့ လုပ်ရပ်တွေကို လုပ်ဖြစ်လာတာပဲ ဖြစ်တယ်ဒါပေမယ့် ထိုက်တန်တဲ့ ရလဒ်ကတော့
အမြဲ ကိုယ့်ထံကိုပဲ ပြန်လာတယ်ဆိုတာကိုတော့
သတိမချပ်မိဘူးပေါ့ ပြီးတော့ မနာလိုစိတ်ကြီးမားတဲ့ လူတစ်ယောက်ရဲ့ ရုပ်ရည်ကို ကြည့်လိုက်ရင်
အမြဲ အလိုမကျ ဖြစ်နေတတ်တယ်
သူတို့ကို ကြည့်လိုက်ရင် ကျန်တာတွေထက်
မျက်နှာက အရင် ပုပ်သိုးနေတတ်တယ်.

ပြီးတော့ သူတို့ဟာ အရာရာမှာ လူတော်တော်များများနဲ့လည်း ပြသနာတွေရှိနေတတ်ကြတယ်
အဲဒီလို လူတွေဟာ ဟန်ဆောင်သဘောနဲ့
ရွှန်းရွှန်းဝေအောင် ရယ်နေပေမယ့်လည်း
သူတို့ရဲ့ မျက်နှာကတော့ ဘယ်တော့မှမကြည်လင်ဘူး သဘောထား ကောင်းတဲ့ သူ၊ မကောင်းတဲ့သူဆိုတာ မျက်နှာရဲ့ကြည်လင်ခြင်းကို ကြည့်တာနဲ့ သိနိုင်၊ မြင်နိုင်တယ်။ တကယ်တော့ မနာလိုတယ်ဆိုတာ အရှုံးတစ်ခုပါပဲ
အမှန်က ကိုယ် မနာလိုဖြစ်မိတဲ့လူတစ်ယောက်လို ဖြစ်အောင် ကြိုးစားရမှာက ကိုယ့်တာဝန်ပါ
ကိုမနာလိုတဲ့လူကို အပုပ်ချ၊ ဖိနှိပ် ပြောဆိုပြီးမှ
ကိုနေရာရမယ်လို့ ထင်တာဟာ
ရူးနှမ်းနှမ်း စိတ်ဓာတ် တစ်ခုပဲ ဖြစ်ပါတယ်
ဒါကြောင့် မိမိကိုယ်ကို ပူလောင်ပြီး ရှုံးနိမ့်နေတဲ့
လူရူးတစ်ယောက် မဖြစ်အောင်ကြိုးစားနေထိုင်ဖို့ လိုပါတယ်အတတ်နိုင်ဆုံး ကိုယ့်စိတ်နဲ့ မျက်နှာကိုကြည်လင်အောင်ကြိုးစားပြီးနေထိုင်တတ်မယ်ဆိုရင် ဘ၀မှာကိုယ့်ကို ကြည်လင်အောင် လုပ်ပေးမယ့် အကြောင်းအရာတွေ ပို များလာပါလိမ့်မယ်အမြဲ ကြည်လင်အေးချမ်းကြပါစေ။

credit - Copy

Read More →

ဒေါင်းယောင်ဆောင်နေတဲ့ ကျီးကန်တွေ

လူရှေ့သူရှေ့ဆို သူတော်စင် သူတော်ကောင်း ယောင်ဆောင် ဘုရားတရားသမားယောင်ယောင် စိတ်သဘောထားကောင်းချင်ဟန်ဆောင် လူကောင်းထင်ခံရအောင် အပေါ်ယံကောင်းဟန်

ဆောင် ………

မကောင်းသူက ဦးဆောင်
ကောင်းသူတွေ ဘေးရှောင်

မဟုတ်တဲ့သူက ဦးဆောင်
ဟုတ်တဲ့သူတွေ ဘေးရှောင်
လိမ်ပြောမှ နားထောင်ကောင်းသလို
မှန်တဲ့စကား လူမုန်းများခံရသလို…
ဖြစ်နေကြပြီ…

Read More →

ရက်စက်လွန်းလှတဲ့ ရနောင်မင်းသားရဲ့ တောင်ပြုန်းတရား ဆိုတာ ဒီလိုကြီးတဲ့

မြန်မာပြည်မှာကျင်းပတဲ့နတ်ပွဲတွေထဲမှာ တောင်ပြုန်းပွဲဟာ အကြေ၊ အညာ စုံစုံလင်လင် စည်စည်ကားကား လာရောက်ကြတဲ့ပွဲပါပဲ။ အနယ်နယ်အရပ်ရပ်က မန္တလေးကိုရောက်လာကြပြီး မန္တလေးကနေတောင်ပြုန်းကို ကားနဲ့ မီးရထားနဲ့ သွားလာကြတယ်။ အရင်ခေတ်တုန်းက တောင်ပြုန်းကို လှေတွေနဲ့ သွားကြတယ်။ မန္တလေးဈေးချိုတော်ရဲ့ အနောက်ဘက်က ကပ်စီးတဲ့ ရွှေတချောင်းမြောင်းကနေ တောင်ပြုန်းအထိ လှေတွေနဲ့ သွားကြတယ်။ မန္တလေးဈေးချိုတော်ရဲ့အနောက်ဘက်က ကပ်စီးတဲ့ရွှေတချောင်းမြောင်းကနေ တောင်ပြုန်းအထိ လှေတွေနဲ့သွားကြတယ်ဆိုရင်အတော်အံ့ကြသကြမှာပါပဲ။

ဒီလိုသွားကြတာ ကျွန်တော်တို့တောင်မှ မမီခဲ့ပါဘူး။ ကျွန်တော်တို့မိဘများခေတ် ဖြစ်မှာပေါ့။ “နှဲကုပ်သို” လို့အမည်ရတဲ့ ရွှေတချောင်းမြောင်းဟာ ဘိုးတော်ဘုရားလက်ထက်တည်းက မတ္တရာကနေ အမရပူရနေပြည်တော် တက်သိမ်းအင်းအထိ ဖောက်သွယ်ခဲ့တဲ့ မြောင်းဖြစ်ပါတယ်။ တာပေါင်း ၂၇၀၀ ရှည်သတဲ့။ လယ်တွေကို ရေပေးဝေဖို့အပြင် မတ္တရာနဲ့ အမရပူရနေပြည်တော် ဆက်သွယ်သွားလာရေးအတွက် ရေလမ်းအဖြစ် အသုံးပြုခဲ့တာပေါ့။ ရတနာပုံခေတ်မှာတော့ ရွှေတချောင်းမြောင်း အမည်နဲ့ ရေရှင်ရေကောင်းတွေ စီးဆင်းခဲ့ပြီး မတ္တရာနယ်မှာ လယ်ရေပေးဝေရေးနဲ့ မန္တလေးရွှေမြို့တော်မှာ သုံးရေ ချိုးရေသုံးရေအတွက်သာမက မတ္တရာနယ်က သစ်သီးသစ်နှံတွေကို မန္တလေးဈေးချိုတော်ဆီ လှေများနှင့် ပို့ဆောင်ဖို့ အသုံးဝင်ခဲ့တယ်။

တောင်ပြုန်းပွဲတော်အခါရောက်ရင် လူစည်ကားတဲ့ဈေးချိုတော်ကနေ လှေတွေနဲ့ ဆိုင်းတွေဗုံတွေနဲ့ တောင်ပြုန်းပွဲတော်ဆီ ရွှေတချောင်းမြောင်းအတိုင်းသွားကြတာတဲ့။ သီပေါမင်းခေတ်မှာ တောင်ပြုန်းပွဲတော် ကျင်းပတဲ့အခါ ပွဲတော်အုပ်ချုပ်ရေးအတွက် ရနောင်မောင်မောင်တုတ်ကို လွှဲအပ်ထားတာတဲ့။ သိကြတဲ့အတိုင်းပဲ ရနောင်မောင်မောင်တုတ်ဆိုတာက သီပေါဘုရာင်ရဲ့ “သူ့ဓားနှင့် မသေစေရ”လို့ အပစားပေးခဲထားရသူပါ။

ဒီတော့ တောင်ပြုန်းပွဲကို ရနောင်မောင်မောင်တုတ်လက် ဝကွက်အပ်ထားတဲ့အခါ ပွဲတော်နဲ့ပတ်သက်တဲ့ မှုခင်းမှုရာတွေကိုလည်း နေပြည်တော်ကလွှတ်ရုံးအဆင့်ဆင့်ဆီ တရားနည်းလမ်းကျစွာ ဥပဒေနဲ့အညီ ဓမ္မသတ် ရာဇသတ်များနဲ့အညီ တက်ရောက်စရာမလိုဘူး။ ရနောင်မောင်မောင်တုတ်ရဲ့ တစ်ဦးတည်း အမိန့်အာဏာနဲ့ သဘောကျစီရင်စေရတယ်။

တောင်ပြုန်းပွဲဆိုတာကလည်း အခုမှမဟုတ်ဘူး။ ရတနာပုံခေတ်ကတည်းက မူးယစ်ရမ်းကား အပျော်ကြူးကြတဲ့ပွဲလို့ ဆိုတယ်။ ခိုးကြမယ်၊ ဝှက်ကြမယ်။ တိုက်ကြမယ်၊ သတ်ကြမယ်၊ ရိုက်ကြမယ်။ အဲ… အဲ… မိန်းကလေးတွေကို ကာယိနြေ္ဒိပျက်အောင်စော်ကားကြမယ်။ ဒီလိုကိုး…။ ဒီတော့ ပွဲတော်တွင်း အပြစ်ကျူးလွန်သူ မှန်သမျှ အပြစ်ကျူးလွန်သူလို့ ယူဆသူမှန်သမျှ…။ မျက်မုန်းကျိုးသူ မှန်သမျှ…။ အမိန့်အာဏာဖီဆန်သူမှန်သမျှ…။ ထင်ရင် ထင်သလို…၊ မထင်ရင် မထင်သလို ရနောင်မောင်မောင်တုတ်ရဲ့ တစ်ဦးတည်းသဘောနဲ့ တရားစီရင်သတဲ့…။ ရှင်းပါတယ်။ “ရနောင့်တရားရုံး”ရဲ့ စီရင်ချက်က တစ်မျိုးတည်းပါပဲ။ “သတ်စေ…”ပေါ့။

ဒီတော့ မန္တလေးကနေတောင်ပြုန်းကို ပွဲတော်လာသူတွေ ဖီး၊ လိမ်း၊ ဝတ်စား ပြင်ဆင်ပြီး၊ ဆိုင်းသံ ဗုံသံ တညံညံနဲ့ ပျော်ပျော်ပါးပါး အများဆုံးလာကြတဲ့လမ်းဖြစ်တဲ့ ရွှေတချောင်းမြောင်းဘောင်မှာ မန္တလေးရွှေမြို့တော်က အထွက်၊ တောင်ပြုန်းပွဲခင်းအထိ မြောင်းဘေးတစ်လျှောက်မှာ ကားစင်တွေဆင်ထားသတဲ့…။ အဲဒီကားစင်တွေမှာ ရာဇဝတ်သားလို့ယူဆသူတိုင်း ကားစင်တင်သတ်တယ်။ သတ်ပြီးရင် သုဿန်လုပ်တိုင်းတွေမှာ ချက်ချင်းမြှုပ်နှံတာမဟုတ်ဘူး။ ကားစင်ပေါ်မှာပဲ ရင်ကိုခွဲ၊ အတွင်းက ကလီစာတွေနှုတ်၊ တော်ရာမြှုပ်ပြီး ကျန်လူသေကောင်ကြီးကို ကားစင်ပေါ်မှာပဲ ခြေကားယား လက်ကားယားနဲ့ ရေနံချေးသုတ်ထားတာ ပွဲတော်ပြီးတဲ့အထိ ဒီအတိုင်းထားသတဲ့။

ဒါကြောင့် တောင်ပြုန်းပွဲလာကြတဲ့ ပွဲတော်လာတွေထဲက မိန်းမပျို၊ မိန်းမအိုတွေ၊ အသည်းငယ်တဲ့ ယောက်ျားသားတွေဟာ မန္တလေးရွှေမြို့တော် အိုးဘိုရပ်လွန်တာနဲ့ ရွှေတချောင်းမြောင်းအတိုင်း ခမ်လှမ်းလှမ်းက ကားစင်ကြီးတွေရိုးတိုးရိပ်တိတ်အမြင်မှာတင် လှေဝမ်းမှာမှောက်ပြီး မျက်နှာဝှက်ကြ ဆိုသကိုး…။ ပွဲတော်လာသူတွေ ရနောင်ရဲ့ အမိန့်အာဏာမဖီဆန်ရဲအောင် ကြိုပြီးသတိပေးတဲ့သဘောပေါ့…။

တောင်ပြုန်းပွဲတော်ရက်အတွင်းဖြစ်ပွားတဲ့အမှုအခင်းကို ချုပ်ရင်ချုပ်၊ သတ်ရင်သတ်၊ လွှတ်ရင်လွှတ်၊ ပွဲတော်အတွင်းမှာပဲ အပြီးစီရင်ရတာတဲ့။ အဲဒီအမှုအခင်းကို ဒီ့ပြင်ရုံးအထိ သယ်ယူမလာရဘူးတဲ့။ တောင်ပြုန်းပွဲအတွင်းပဲ အပြတ်စီရင်…၊ ဒီလိုကိုး…။ ဒါကို “တောင်ပြုန်းတရား”လို့ ခေါ်သတဲ့။ ဒီအစဉ်အလာကြောင့် နောက်ပိုင်းမှာ အမှုအခင်းတစ်ခုခုကို တရားနည်းလမ်းအရ သက်သေသက္ကာရနဲ့ ဥပဒေကြောင်းအရ စစ်ဆေး၊ ရှေ့နေ ရှေ့ရပ်နဲ့ လျှောက်လဲ၊ ခုံရုံးအဆင့်ဆင့်နဲ့ ဥပဒေကြောင်းအရ တရားနည်းလမ်းကျစွာဆုံးဖြတ် အပြစ်မပေးဘဲ တစ်ဦးတစ်ယောက် တစ်ဖွဲ့ရဲ့ အာဏာနဲ့၊ လုပ်ပိုင်ခွင့်နဲ့ မျက်စိစုံမှိတ်ပြီး တစ်ချက်လွှတ်အမိန့်ချ အပြစ်ပေးရင် “တောင်ပြုန်းတရားစီရင်တယ်”လို့ ပြောစမှတ်ရှိကြတယ်။

“တောင်ပြုန်းတရား”ဆိုတာ ရေမြေလိုက်တာနေမှာပေါ့…။ တရုတ်ပြည်က အနော်ရထာမင်း ပြန်အလာ၊ တောင်ပြုန်းရပ်မှာ စစ်နားတုန်း ဆုတောင်းပြည့်စေတီတည်တယ်မဟုတ်လား။ ပြည်သူပြည်သား၊ မင်းမှုထမ်းတွေနဲ့ တစ်ဦးချင်းစီလုပ်အားနဲ့ စေတီတည်တော့ အကလေးအရွယ် ရွှေဖျဉ်းကြီး၊ ရွှေဖျဉ်းလေးတို့ အပျော်မက်ပြီး စေတီတော်မှာ လုပ်အားဒါနမပါနိုင်ဘဲ အုတ် ၂ ချပ် လပ်ရောမဟုတ်လား…။ ဒီအပြစ်အတွက် ဘုရင်က မြေးတော် ရွှေဖျဉ်းကြီး၊ ရွှေဖျဉ်းလေးညီနောင်ကို ရွှေကြိမ်လုံးနဲ့ဆုံးမလိုက်ပါဆိုတာကို မင်းအလိုလိုက် မင်းကြိုက်လိုက်ရုံမက သည်းသည်းလှုပ်တွေက လွန်ကြိုးနဲ့တုပ်ပြီး ဝါးရင်းတုတ်နဲ့ရိုက်သတ်လိုက်တာမဟုတ်လား…။ ဒီအစဉ်အလာ ဒီရေခံမြေခံကြောင့်ထင်ပါရဲ့ သီပေါမင်းလက်ထက်၊ ရနောင်မောင်မောင်တုတ်လက်ထက် တောင်ပြုန်းပွဲတော်ကို “ဝ”ကွက်အပ်ထားချိန် ရာဇဝင်တွင်လောက်တဲ့ “တောင်ပြုန်းတရား”ဆိုတာ ပြောစမှတ်ဖြစ်ခဲ့ကြရတာပါပဲ။

ကျွန်တော်တို့လည်း နတ်ဖြစ်သွားတဲ့ မင်းကြီးမင်းလေးရဲ့ အာဏာစက်က တစ်ပြည်လုံး ဖြန့်ကျက်သွားခဲ့ ထင်ပါရဲ့…။ “တောင်ပြုန်းတရား”အစီအရင်တွေ ဆယ်စုနှစ်ပေါင်းများစွာ တစ်ပြည်လုံး ခါးကော့အောင်ခံခဲ့ရပြီပဲ…။ အခုလည်း “တောင်ပြုန်းတရား”အစီအရင်များက လွတ်ပါပြီလားလေ…။ ။

Read More →

မေတ္တာသုတ် ရွတ်ဖတ်ပူဇော်နည်း

ပုံမှန်ဆိုရင် မေတ္တာသုတ် ကို
မနက် (၃)ခေါက် ည (၃)ခေါက် ပူဇော်ပါတယ်...

အခု အဓိဌာန်တခုအနေနဲ့ ရွတ်မယ့် မေတ္တာသုတ်
ရွတ်ပုံရွတ်နည်းအဆင့်ဆင့်ကို အားလုံးနဲ့အတူ ကုသိုလ်ယူ ပူဇော်လို့ရအောင် တင်ပေးလိုက်တာပါ..

🙏🙏🙏"မေတ္တာသုတ်ရွတ်ပုံ နည်းစနစ်"🙏🙏🙏

တနင်္ဂနွေဂြိုလ်သက် ၆

တနင်္လာဂြိုလ်သက် ၁၅

အင်္ဂါဂြိုလ်သက် ၈

ဗုဒ္ဓဟူးဂြိုလ်သက် ၁၇

စနေဂြိုလ်သက် ၁၀

ကြာသပတေးဂြိုလ်သက် ၁၉

ရာဟုဂြိုလ်သက် ၁၂

သောကြာဂြိ်လ်သက် ၂၁

(စုစုပေါင်းဂြိုလ်သက် ၁၀၈)

🙏🙏🙏🙏🙏

၁။ တနင်္ဂနွေနေ့မှာ စရွတ်လျှင် မရွတ်မှီ-

"တနင်္ဂနွေဂြိုလ်မင်းကြီးနှင့်တကွ

တနင်္ဂနွေသားသမီးများအားလုံး

၎င်းတို့၏ ကိုယ်စောင့်နတ်များအားလုံး၊

အရှေ့မြောက်အရပ်၌ ရှိသော အာကာသစိုး၊ ရက္ခစိုး၊ ဘုမ္မစိုး နတ်များအားလုံး၊ ဘေးရန်ခပ်သိမ်းငြိမ်းကြပါစေ၊ ဆင်းရဲခပ်သိမ်းငြိမ်းကြပါစေ၊ ဒေါသခပ်သိမ်းငြိမ်းကြပါစေ၊နှလုံးစိတ်ဝမ်းအေးချမ်းကြပါစေ"......ဟူ၍ စတင် ရွတ်ဆိုပြီးမှ မေတ္တာသုတ်ကို ၆ ခေါက် စပြီးရွတ်ပါ၊

ပြီးလျှင် သာဓု ၃ ကြိမ်ခေါ်ဆိုပါ။

၂။ တနင်္လာနေ့မှာ စရွတ်လျှင် မရွတ်မှီ-

"တနင်္လာဂြိုလ်မင်းကြီးနှင့်တကွ တနင်္လာသားသမီးများအားလုံး ၎င်းတို့၏ ကိုယ်စောင့်နတ်များအားလုံး၊

အရှေ့အရပ်၌ရှိသော အာကာသစိုး၊ ရက္ခစိုး၊ ဘုမ္မစိုး နတ်များအားလုံး၊ ဘေးရန်ခပ်သိမ်း ငြိမ်းကြပါစေ၊ ဆင်းရဲခပ်သိမ်း ငြိမ်းကြပါစေ၊ ဒေါသခပ်သိမ်း ငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ"....ဟူ၍ စတင် ရွတ်ဆိုပြီးမှ မေတ္တာသုတ်ကို ၁၅ ခေါက် စပြီးရွတ်ပါ၊

ပြီးလျှင် သာဓု ၃ ကြိမ်ခေါ်ဆိုပါ။

၃။ အင်္ဂါနေ့မှာ စရွတ်လျှင် မရွတ်မှီ- "အင်္ဂါဂြိုလ်မင်းကြီးနှင့်တကွ အင်္ဂါသားသမီးများအားလုံး ၎င်းတို့၏ ကိုယ်စောင့်နတ်များအားလုံး၊

အရှေ့တောင်အရပ်၌ရှိသော အာကာသစိုး၊ ရက္ခစိုး၊ ဘုမ္မစိုး နတ်များအားလုံး၊ ဘေးရန်ခပ်သိမ်း ငြိမ်းကြပါစေ၊ ဆင်းရဲခပ်သိမ်း ငြိမ်းကြပါစေ၊ ဒေါသခပ်သိမ်း ငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ"....ဟူ၍ စတင် ရွတ်ဆိုပြီးမှ မေတ္တာသုတ်ကို ၈ ခေါက် စပြီးရွတ်ပါ၊

ပြီးလျှင် သာဓု ၃ ကြိမ်ခေါ်ဆိုပါ။

၎။ ဗုဒ္ဓဟူးနေ့ နံနက်အာရုံတက်မှ နေ့လည် ၁၂ နာရီ မထိုးမီ- စရွတ်လျှင် မရွတ်မှီ-

"ဗုဒ္ဓဟူးဂြိုလ်မင်းကြီးနှင့်တကွ ဗုဒ္ဓဟူး သားသမီးများအားလုံး၊ ၎င်းတို့၏ ကိုယ်စောင့်နတ်များအားလုံး၊ တောင်အရပ်၌ရှိသော အာကာသစိုး၊ ရက္ခစိုး၊ ဘုမ္မစိုး နတ်များအားလုံး၊

ဘေးရန်ခပ်သိမ်း ငြိမ်းကြပါစေ၊ ဆင်းရဲခပ်သိမ်း ငြိမ်းကြပါစေ၊ ဒေါသခပ်သိမ်း ငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ"....ဟူ၍ စတင် ရွတ်ဆိုပြီးမှ မေတ္တာသုတ်ကို ၁၇ ခေါက် စပြီးရွတ်ပါ၊

ပြီးလျှင် သာဓု ၃ ကြိမ်ခေါ်ဆိုပါ။

၅။ ရာဟုဂြိုလ်အတွက် ဗုဒ္ဓဟူးနေ့ နေ့လည် ၁၂ နာရီမှ ည ၁၂ နာရီအတွင်း၊ စရွတ်လျှင် မရွတ်မှီ-

"ရာဟုဂြိုလ်မင်းကြီးနှင့်တကွ ရာဟု သားသမီးများအားလုံး၊ ၎င်းတို့၏ ကိုယ်စောင့်နတ်များအားလုံး၊ အနောက်မြောက်အရပ်၌ ရှိသော အာကာသစိုး၊ ရက္ခစိုး၊ ဘုမ္မစိုး နတ်များအားလုံး၊

ဘေးရန်ခပ်သိမ်း ငြိမ်းကြပါစေ၊ ဆင်းရဲခပ်သိမ်း ငြိမ်းကြပါစေ၊ ဒေါသခပ်သိမ်း ငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ"....ဟူ၍ စတင် ရွတ်ဆိုပြီးမှ မေတ္တာသုတ်ကို ၁၂ ခေါက် စပြီးရွတ်ပါ၊

ပြီးလျှင် သာဓု ၃ ကြိမ်ခေါ်ဆိုပါ။

၆။ ကြာသပတေးနေ့မှာ စရွတ်လျှင် မရွတ်မှီ- "ကြာသပတေးဂြိုလ်မင်းကြီးနှင့်တကွ ကြာသပတေး သားသမီးများအားလုံး၊ ၎င်းတို့၏ ကိုယ်စောင့်နတ်များအားလုံး၊

အနောက်အရပ်၌ ရှိသော အာကာသစိုး၊ ရက္ခစိုး၊ ဘုမ္မစိုး နတ်များအားလုံး၊ ဘေးရန်ခပ်သိမ်း ငြိမ်းကြပါစေ၊ ဆင်းရဲခပ်သိမ်း ငြိမ်းကြပါစေ၊ ဒေါသခပ်သိမ်း ငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ"....ဟူ၍ စတင် ရွတ်ဆိုပြီးမှ မေတ္တာသုတ်ကို ၁၉ ခေါက် စပြီးရွတ်ပါ၊

ပြီးလျှင် သာဓု ၃ ကြိမ်ခေါ်ဆိုပါ။

၇။ သောကြာနေ့မှာ စရွတ်လျှင် မရွတ်မှီ- "သောကြာဂြိုလ်မင်းကြီးနှင့်တကွ သောကြာ သားသမီးများအားလုံး၊ ၎င်းတို့၏ ကိုယ်စောင့်နတ်များအားလုံး၊ မြောက်အရပ်၌ရှိသော အာကာသစိုး၊ ရက္ခစိုး၊ ဘုမ္မစိုး နတ်များအားလုံး၊ ဘေးရန်ခပ်သိမ်း ငြိမ်းကြပါစေ၊ ဆင်းရဲခပ်သိမ်း ငြိမ်းကြပါစေ၊ ဒေါသခပ်သိမ်း ငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ"....ဟူ၍ စတင် ရွတ်ဆိုပြီးမှ မေတ္တာသုတ်ကို ၂၁ ခေါက် စပြီးရွတ်ပါ၊

ပြီးလျှင် သာဓု ၃ ကြိမ်ခေါ်ဆိုပါ။

၈။ စနေ့မှာ စရွတ်လျှင် မရွတ်မှီ- "စနေဂြိုလ်မင်းကြီးနှင့်တကွ စနေ သားသမီးများအားလုံး၊ ၎င်းတို့၏ ကိုယ်စောင့်နတ်များအားလုံး၊ အနောက်တောင်အရပ်၌ရှိသော အာကာသစိုး၊ ရက္ခစိုး၊ ဘုမ္မစိုး နတ်များအားလုံး၊ ဘေးရန်ခပ်သိမ်း ငြိမ်းကြပါစေ.. ဆင်းရဲခပ်သိမ်း ငြိမ်းကြပါစေ၊ ဒေါသခပ်သိမ်း ငြိမ်းကြပါစေ၊ နှလုံးစိတ်ဝမ်း အေးချမ်းကြပါစေ"....ဟူ၍ စတင် ရွတ်ဆိုပြီးမှ မေတ္တာသုတ်ကို ၁၀ ခေါက် စပြီးရွတ်ပါ၊

ပြီးလျှင် သာဓု ၃ ကြိမ်ခေါ်ဆိုပါ။

မှတ်ချက်။ ။

၁။ ကြိုက်ရာနေ့မှာ အထက်ပါအတိုင်း သက်ဆိုင်ရာ နေ့၏ ဂြိုလ်သက်အတိုင်း စတင်ရွတ်ဆိုနိူင်ပါသည်။

၂။ တစ်နေ့ခြင်းလည်း ရွတ်နိူင်ပါသည်။

၃။ တစ်နေ့တည်း ဂြိုလ်သက်စုံအောင် ရွတ်ဆိုနိူင်ပါကလည်း စသည့်နေ့၊ စသည့်ဂြိုလ်မှ ဆုံးအောင်၊ ၁၀၈ ခေါက်ပြည့်အောင် ရွတ်ဆိုနိူင်ပါသည်။

၎။ ဗုဒ္ဓဟူးနေ့မှာတော့ နေ့လည် ၁၂ နာရီ မထိုးမီ ဗုဒ္ဓဟူးနေ့အတွက် အပြီးရွတ်၍၊ နေ့လည် ၁၂ နာရီ နောက်ပိုင်းမှာ ရာဟူဂြိုလ်အတွက် ရွတ်ပေးရပါမည်။

၅။ ရန်ဖြစ်စရာကိစ္စများ၊ စကားအခြေအတင် ပြောရခြင်းများ ပေါ်ပေါက်လာပြီး အစမ်းသပ် ခံရပါလိမ့်မည်၊

၆။ မေတ္တာဖြင့် သီးခံပြီး ရှောင်ရှားပေးခြင်း၊ ပြန်မပြောခြင်းဖြင့် ရန်ကိုရှောင်ရပါမည်။

၇။ ပြိုင်လာလျှင် အရှုံးပေးခြင်း နည်းကိုသာ ရွေးချယ်ရပါမည်၊

၈။ ဤမေတ္တာကျင့်စဉ်မှာ အစမ်းသပ် ခံရပြီးမှသာလျှင် အဆင့် တက်မည်ဖြစ်၍ သတိထားပြီး ရန်ကိုရှောင်ပေးပါ။

၉။ ရရှိလာမည့် အကျိုးကျေးဇူးမျာမှာ-

(၁) မေတ္တာသုတ် ရွတ်ဆိုမည့် ရှေ့တည့်တည့်တွင် သောက်ရေထား၍ မောသည့်အခါ ထိုရေကိုသောက်ြခင်းဖြင့် မည်သည့်ဘေး ပယောဂရောဂါဆိုးများ မကျရောက်နိူင်တော့ပါ။

(၁) ၄၅ ရက် အတွင်းမှာပင် အလုပ်အကိုင် အခွင့်အလမ်းများ စတင်ပေါ်ပေါက်တတ်ပါသည်။

(၂) ဆက်လက် ကျင့်ကြံနိူင်ပါက ၃ နှစ်အတွင်း ယခုဘဝ တစ်သက်စာအတွက် စားဝတ်နေရေးကိစ္စများအတွက် မပူမပင် မကြောင့်မကြမတောင့်တရဘဲ အားလုံးပြည့်စုံပြီးဖြစ်ပါလိမ့်မည်။

(၃) ရွတ်ဆဲကာလ တစ်နေ့နေ့ တစ်ချိန်ချိန်တွင် ရွတ်ဆို၍ အလွန်ကောင်းမွန်လာပြီး စိတ်၏ချမ်းသာခြင်း ကိုယ်၏ချမ်းသာခြင်းများဖြစ်ပေါ်လာ၍ စတုတ္တဈာန်အဆင့်ကိုပင်ရရှိနိူင်ပါသည်။

(၄) ထိုမှတစ်ဆင့် ဝိပဿနာကူး၍အားထုတ်ခဲ့ပါက လွယ်ကူလျင်မြန်စွာတရားထူးတရားမြတ်ကို သေချာပေါက် ရရှိနိူင်ပါသည်။

🙏🙏🙏🙏🙏

##Credit

posted from Bloggeroid

Read More →

သည်းခံလိုက်ပါ

- ကိုယ် အားမရှိလို့ သူ တအားဖိလာရင်လည်း
တရားနဲ့ညှိကာ ကိုယ်ကပဲသည်းခံလိုက်ပါ။

- ကိုယ် မှန်နေပေမယ့် သူ ထန်နေရင်လည်း
မူမမှန်တဲ့သူ့ကို ကိုယ်ကပဲ သည်းခံလိုက်ပါ။

- ကိုယ် ကောင်းရဲ့သားနဲ့ သူ ချောင်းဖဲ့တာများရင်လည်း
အကောင်းမရွဲ့ရအောင် ကိုယ်ကပဲ သည်းခံလိုက်ပါ။

- ကိုယ် မေတ္တာရှိသလို သူ သစ္စာမရှိရင်လည်း
မေတ္တာမပျက် ကိုယ်ကပဲ သည်းခံလိုက်ပါ။

- ကိုယ် သိတတ်ပေမယ့် သူ အသိအမှတ်မပြုရင်လည်း
မသိတတ်တဲ့သူ့ကို ကိုယ်ကပဲ သည်းခံလိုက်ပါ။

သည်းမခံနိုင်လို့ အထိမခံ ပြန်တုန့်ပြန်ရင်
ကိုယ့်သံသရာ ရှည်နေဖို့သာ ရှိမှာပေါ့။
သူ့အပိုင်းဟာ သူ့သမိုင်း
ကိုယ်မရိုင်းဖို့က ကိုယ့်တာဝန်
ကိုယ့်အကြောင်းကောင်းဖို့ ကိုယ်ကြိုးစား
အဆိုးမများဖို့အရေး ကိုယ်ကပဲ သည်းခံပေးရုံပေါ့။ ။

posted from Bloggeroid

Read More →

ကားမှန်များ၌ အနက်ရောင်စတေကာအား မည်မျှရာခိုင်နှုန်းထိကပ်ခွင့်ပြုသလဲဆိုလျှင်

ကားမှန်များ၌ အနက်ရောင်စတေကာအား မည်မျှရာခိုင်နှုန်းထိကပ်ခွင့်ပြုသလဲဆိုလျှင်
ကားတွေရဲ့ ဘေးမှန်နဲ့နောက်မှန်တွေမှာ အနက်ရောင်စတေကာတွေကပ်လို့မောင်းနှင်တဲ့နေရာမှာ ထိုအနက်ရောင်စတေကာကိုအသုံးပြုလို့ မှုခင်းတစ်စုံတစ်ရာ ကျူးလွန်နိုင်တဲ့အန္တရယ် ကြိုတင်ကာကွယ်ကြိုတင်ကာကွယ်ခြင်းအနေဖြင့်
အနက်ရောင်ပါဝင်မှုကို အနက်ရောင်မြင်နိုင်စွမ်း
၆၀ ရာခိုင်နှုန်းသာခွင့်ပြုထားပါတယ်

၄၀ လိုလို ၈၀ လိုလို သို့လောသို့လောဖြစ်နေတဲ့
တစ်ခါတည်းမှတ်သားပေးပါခင်ဗျာ
ရှေ့နောက် ဘေး အားလုံးဟာ အနက်ရောင်ပါဝင်မှုကို အနက်ရောင်မြင်နိုင်စွမ်း ၆၀ ရာခိုင်းနှုန်းပါဗျာ.
(သတင်းစာတွင်ပါရှိပြီးဖြစ်)

posted from Bloggeroid

Read More →

AA BB ရာသက်ပန်အငှားယာဉ်များ စတေကာကပ်သည်ကို စစ်ဆေးတွေ့ရှိပါက အိမ်စီးကားအဖြစ်ပြောင်းလဲသတ်မှတ်မည်

AA BB ရာသက်ပန်အငှားယာဉ်များ
စတေကာကပ်သည်ကို စစ်ဆေးတွေ့ရှိပါက
အိမ်စီးကားအဖြစ်ပြောင်းလဲသတ်မှတ်မည်

AA BB CC DD ရာသက်ပန်အငှားယာဉ်များ
စတေကာကပ်သည်ကို စစ်ဆေးတွေ့ရှိပါက စင်လုံးငှားခရီးသည်တင်လိုင်စင်"ဂ"လိုင်စင်ဖျက်သိမ်းပြီး
အိမ်စီးကားအဖြစ်ပြောင်းလဲသတ်မှတ်မည်ဖြစ်ကြောင်း
၁၇.၇.၂၀၁၈ ရက်နေ့ထုတ်
မြဝတီသတင်းစာစာမျက်နှာ(၃)တွင်ဖတ်ရှုရပါသည်
ထိုပြင် ရန်ကုန်မြို့အတွင်းပြေးဆွဲနေသည့်အငှားယာဉ်များအနေဖြင့် ကားမှန်များတွင် စတေကာအမည်း၊ လေစုပ်ခွက်၊ ကြော်ငြာကပ်ခြင်းနှင့် လိုက်ကာများကာရံ၍မောင်းနှင်ပါက လုပ်ငန်းလိုင်စင်ပိတ်သိမ်းသည်အထိ အရေးယူမည်ဖြစ်ကြောင်းပါရှိပါသည်.

ကျွန်တော့်ယာဉ်မောင်းများ မသိသေးသည်ဖြစ်စေ
နားမလည်သေးသည်ဖြစ်စေ သိရှိစေလိုသောဆန္ဒဖြင့် ထွက်ရှိသောသတင်းစာအပိုင်းလေးပါ အသေးစိတ်လေ့လာနိုင်ပါရန် တင်ပြလိုက်ပါသည်။

posted from Bloggeroid

Read More →

အာဇာနည်နေ့ သမိုင်းကြောင်းအစုံ

၁၉၄၇ ခုနှစ် ဇူလိုင်လ ၁၉ ရက်နေ့ စနေနေ့ နံနက် ၁၀ နာရီ ၃၇ မိနစ်တွင် အတွင်းဝန်များရုံးမှာ တိုင်းပြည်ကျွန်ဘ၀က လုံးဝ လွတ်မြောက်ရေးနဲ့ စစ်ပြီးခေတ် မြန်မာနိုင်ငံ ပြန်လည်ထူထောင်ရေး အတွက် အစည်းအဝေး ထိုင်နေကြတဲ့ အမျိုးသား ခေါင်းဆောင် ဗိုလ်ချုပ် အောင်ဆန်း ဦးဆောင်တဲ့ ဖဆပလ ကြားဖြတ်အစိုးရ ၀န်ကြီးတွေ လုပ်ကြံခံရတဲ့ နိုင်ငံတော် လုပ်ကြံမှုကြီး ဖြစ်ပွားခဲ့တယ်။

အဲဒီနေ့က ရန်ကုန်မြို့ရဲ့ ရာသီဥတုဟာ “မိုးလင်း ကတည်းကပင် ကောင်းကင်သည် အုံ့မှိုင်းညိုမှိုင်းလျက်ရှိသည် ။

တိမ်တိုက်ဟူ၍ ဘာမျှ ကြည်လင်စွာ မမြင်ရ။ မိုးကို ကြည့်ရသည်မှာ မြူသန်းနေသော ပင်လယ်ပြင်ကြီး လို ၀ိုးဝိုးဝါးဝါး နေသည်။ မိုးသည် ကင်းကင်းလွတ်လွတ် စဲသည်ဟူ၍မရှိဘဲ တဖွဲဖွဲ နေလိုက်၊ တဖြိုင်ဖြိုင် ရွာချလိုက်နှင့်၊ နောက်စွေ၍ နေလေသည်” လို့ဆရာ ဒဂုန်တာရာက ရေးသား မှတ်တမ်းတင်ခဲ့တယ်။

နံနက် ၁၀ နာရီ ခန့်မှာ တာဝါလိမ်း နေအိမ်ကနေ အတွင်းဝန်များရုံးမှာ ပြုလုပ်မဲ့ ၀န်ကြီးများ အစည်းအဝေး ကိုတက်ရန် ဗိုလ်ချုပ်အောင်ဆန်းဟာ သူရဲ့ အပါးတော်မြဲ(ပီအေ) ဗိုလ်ထွန်းလှနဲ့ အတူ ကားနက်ကလေး အာရ်အေ/၂၈၇၄ နဲ့ ထွက်လာခဲ့တယ်။

၁၀ နာရီ ၁၀ မိနစ်လောက်မှာ အတွင်းဝန်များရုံးရဲ့ အလယ် ဗဟို လှေကားခြေရင်းကို ဗိုလ်ချုပ်ကားဆိုက်လာပြီး အစည်းအဝေးလုပ်မဲ့ အပေါ်ထပ် သူ့ရုံးခန်းကို အပါးတော်မြဲ ဗိုလ်ထွန်းလှနဲ့အတူ တက်လာတယ်။ အဲဒီနေ့ကျမှ ဗိုလ်ချုပ်ဟာ ခါတိုင်းလို ယူနီဖောင်းဝတ်နဲ့ မဟုတ်ဘဲ ရွှေဖလားရောင် ဗန်ကောင်လုံချည်၊ သနပ်ခါးရောင် မန္တလေး ပိုးတိုက်ပုံနှင့် အဖြူရောင် သဲကြိုး တပ်ထားတဲ့ လေယာဉ်ပျံဖိနပ် စတာတွေနဲ့ မြန်မာဆန်ဆန် ၀တ်စားဆင်ယင်ထားတာကို ထူးထူးခြားခြား တွေ့ရလို့၊ “ ဗိုလ်ချုပ်က ဒီလိုတော့ အချောကြီးပဲ “ ဟု ဦးဘဂျမ်းက လှမ်းနောက်လိုက်တယ်။

ကာကွယ်ရေး ၀န်ကြီးရဲ့ ရုံးခန်းထဲမှာ အစည်းအဝေးပြုလုပ်ရန် အတွက် ဧရာဝတီ မြစ်ဝကျွန်းပေါ်ဒေသကို တိုင်းခန်း လှည့်လည်နေတဲ့ သယ်ယူပို့ဆောင်ရေး ဌာန ၀န်ကြီး စောစံဘိုးသင်း ၊ အင်္ဂလန်မှ အပြန် လမ်းခရီးမှာပဲ ရှိနေသေးတဲ့ ပြည်ထဲရေးဝန်ကြီး ဦးကျော်ငြိမ်းနဲ့ ဌာန လက်ကိုင်မရှိ ၀န်ကြီး ဦးတင်ထဋ် တို့မှအပ ကျန်တဲ့ အစိုးရ အဖွဲ့ ၀န်ကြီးတွေ စုံစုံညီညီ ရောက်ရှိ နေကြပြီ ဖြစ်တယ်။

ရုံးအုပ်ကြီး ဦးခ၊ လက်ထောက်အတွင်းဝန် ဦးတင်အုံးနဲ့ ၀န်ကြီးများအဖွဲ့ အတွင်းဝန် ဦးရွှေဘော် တို့လည်း အစည်းအဝေး အတွက် လိုအပ်မဲ့ စာရွက်စာတမ်းတွေနဲ့ ဖိုင်တွေရှာဖွေ စုဆောင်းကာ အစည်းအဝေးကျင်းပမဲ့ အခန်းထဲကို တခုပြီး တခုပို့ဆောင်ရင်း ၀င်ချေ ထွက်ချေ အလုပ်များနေကြတယ်။

ဒီနောက် အစည်းအဝေး ကျင်းပရာ အခန်းထဲကို ဗိုလ်ချုပ်နှင့် အပါးတော်မြဲ ဗိုလ်လှထွန်တို့ ၀င်လာပြီး ၊ ဗိုလ်လှထွန်းက ဗိုလ်ချုပ်အတွက် လိုအပ်တဲ့ဖိုင်တွေ၊ မှတ်တမ်းမှတ်ရာ တွေကို ဗိုလ်ချုပ်စားပွဲထိပ်မှာ ချပေးလိုက်တယ်။

ဗိုလ်ချုပ်က သူ့ထိုင်ခုံမှာ ၀င်ထိုင်လိုက်တော့ ဗိုလ်ထွန်းလှလည်း အစည်းအဝေး ခန်းမကနေ သူရဲ့ရုံးခန်း ရှိရာကို ထွက်လာခဲ့ပြီး သူ့ရုံးခန်းထဲမှာ စိတ်အေးလက်လေး ရှိနေခဲ့တယ်။

အဲဒီနေ့က အစည်းအဝေးတက်ရောက်သူတွေကတော့
၁။ ဗိုလ်ချုပ်အောင်ဆန်း- ဒုဥက္ကဌ၊ ကာကွယ်ရေး နှင့် နိုင်ငံခြားရေး ဌာန

၂။ သခင်မြ- ဘဏ္ဍရေးနှင့် အခွန်တော်ဌာန

၃။ ဦးဘ၀င်း-ကူးသန်းရောင်းဝယ်ရေးနှင့် ထောက်ပံရေး ဌာန၊

၎။ ဒီးဒုတ်ဦးဘချို-ပြန်ကြားရေးဌာန

၅။ အဗ္ဗဒူရာဇတ်- ပညာရေးနှင့် အမျိုးသား စီမံကိန်း ဌာန၊

၆။ မန်းဘခိုင် - စက်မှုလက်မှုနှင့် အလုပ်သမား ဌာန၊

၇။ မွန်းပွန်စော်ဘွားကြီး စပ်စံထွန်း-တောင်တန်းရေးရာဌာန၊

၈။ ဦးဘဂျမ်း-ပြန်လည်ထူထောင်ရေး ဌာန၊

၉။ ပျော်ဘွယ် ဦးမြ- လယ်ယာနှင့် စိုက်ပျိုးရေး ဌာန၊

၁၀။ ဥိးအောင်ဇံဝေ-ပြည်သူ့ဝန်ထမ်း ဌာန၊

၁၁။ ဦးအုံးမောင် -ဒုတိယ အတွင်းဝန် လမ်းပန်းဆက်သွယ်ရေး ဌာန တို့ဖြစ်တယ်။

ကျဆုံး အာဇာနည်များ

ဦးအုံးမောင်ဟာ သူ့ ၀န်ကြီး စောစံဖိုးသင်း ခရီးထွက်နေပြီး အစည်းအဝေး မတက်နိုင်လုိ့၊ လမ်းပန်း ဆက်သွယ်ရေး ဌာနနဲ့ ပက်သက်ပြီး အစည်းအဝေးမှာ လိုအပ်တာတွေ တင်ပြနိုင်ဖို့နဲ့ ပြည်လည်ဖြေကြားနိုင်ဖို့ ရောက်ရှိနေတာဖြစ်တယ်။

အရင်ကတော့ ၀န်ကြီးများ (ဘု၇င် အမှု့ဆောင် ကောင်စီအဖွဲ့များ) အစည်းအဝေးကို ဘုရင်ခံ့ သဘာပတိအဖြစ် ဆောင်ရွက်ကာ ဘုရင်ခံ ကိုယ်တိုင် ဦးစီး ကျင်းပလေ့ ရှိပါတယ်။

အောင်ဆန်း-အက်တလီ စာချုပ် ချုပ်ဆိုပြီး နောက်ပိုင်းမှာတော့ ၊မြန်မာပြည်ကို လွတ်လပ်ရေး သေချာပေါက် ပေးရတော့မဲ့ အခြေအနေနဲ့ ဖဆပလ ဘုရင် အမှု့ဆောင် ကောင်စီကို ကြားဖြတ်အစိုးရ အဆင့်မျိုးနဲ့ လွတ်လပ်စွာ စီမံဆောင်ရွက်ခွင့် ပေးထားတာဖြစ်လို့ ၁၉၄၇ ဇန်န၀ါရီ လောက်ကစပြီး ဘုရင်ခံ ကိုယ်တိုင် တက်ရောက်ခြင်းမရှိတော့ဘဲ ၊ ဘုရင်အမှုဆောင် ကောင်စီ ဒဥက္ကဌ ဗိုလ်ချုပ်အောင်ဆန်း ကပဲ သဘာပတိ အဖြစ် ဦးစီး ကျင်းပနေတာဖြစ်တယ်။

အစည်းအဝေးကျင်းပရာ ဗိုလ်ချုပ်အောင်ဆန်းရဲ့ရုံးခန်းဟာ အထဲကို ၀င်ရန် တံခါး ၃ ပေါက်ရှိတဲ့ခန်းမကျယ်ကြီးဖြစ်ပြီး၊ လက်ဝဲဘက်မှာ အတွင်းဝန် ဦးရွှေဘော်ရဲ့ အခန်း၊ လက်ယာဘက်မှာ ဗိုလ်ချုပ် အပါးတော်မြဲ ဗိုလ်ထွန်းလှရဲ့ အခန်းတွေ ရှိပါတယ်။

ဒီအခန်းကြီးရဲ့ အရှေ့မြောက်ထောင့်မှာ ဗိုလ်ချုပ် အလုပ်လုပ်တဲ့ စားပွဲရှိပြီး ၊ တောင်ဘက် နံရံမှာတော့ ၀န်ကြီး တွေ အစည်းဝေးပွဲ ကျင်းပတဲ့ စားပွဲကြီးတွေ ရှိပါတယ်။

ဝန်ကြီးတွေ အစည်းအဝေး ကျင်းပရာ နေရာမှာစားပွဲရှည်ကြီး ၃ ခုကို “ဂ” ပုံစံ အတိုင်းမှာ ထိပ်မှာတခု၊ ဘေးထဖက် တချက်မှာ တစ်လုံးစီ ချထားတယ်။ ထိပ်က စားပွဲက အလျား ၁၀ ပေ၊ အနံ ၃ ပေ လောက် ကျယ်ပြီး ၊ ကျန်တဲ့ဘေးတဖက် တချက်က စားပွဲ ၂ ခု ကတော့အလျား ၁၈ ပေ၊ အနံ ၃ ပေ ခန့်စီ ရှိကြတယ်။

အဲဒီနေ့ အစည်းအဝေးမှာ ဗိုလ်ချုပ်က ထိပ်စားပွဲ အလည်တည့်တည့် မှာထိုင်နေပြီး လက်ယာဘက် စားပွဲမှာ သခင်မြ၊ ဒီးဒုတ် ဦးဘချို၊ ဥိးရာဇတ်၊ ဦးဘ၀င်း၊ မန်းဘခိုင် တို့ အစဉ်အတိုင်း ထိုင်နေကြကာ၊ လက်ဝဲဘက် စားပွဲမှာတော့ ဦးဘဂျမ်း၊ ဦးအောင်ဇံဝေ ၊ ပျော်ဘွယ် ဦးမြနဲ့မိုင်းပွန်စော်ဘွားကြီး စပ်စံထွန်း တို့ ထိုင်နေကြတယ်။

ဝန်ကြီးများအဖွဲ့ အတွင်းဝန် ဦးရွှေဘော်က အစည်းအဝေးမှာ ဗိုလ်ချုပ်လိုအပ်တဲ့ စာရွက်စာတမ်းတွေ၊ ဖိုင်တွဲရှာပေးနိုင်ဖို့ ထပ်စားပွဲ ဗိုလ်ချုပ်ရဲ့ လက်ဝဲဘက်မှာ ရှိနေတယ်။

အစည်းအဝေးကို အစီအစဉ် အတိုင်း ၁၀ နာရီ ၁၅ မိနစ်မှာ စတင်ကျင်းပပြီး ၀န်ကြီး ဌာနအလိုက် အရေးကြီးတဲ့ သက်ဆိုင်ရာ ကိစ္စရပ်တွေကို ဆွေးနွေးကြတယ်။

ဒီလိုနဲ့ ဌာနဆိုင်ရာ ကိစ္စရပ်တွေကို အစီအစဉ်အတိုင်း ဆွေးနွေးလာခဲ့ရာ ၁၀ နာရီခွဲခန့်မှာ လမ်းပန်းဆက်သွယ်ရေး ဌာန ကိစ္စရပ်တွေကို တွေးနွေးဖို့ အလှည့်ရောက်လာတာနဲ့ ဒုတိယ အတွင်းဝန် အိုက်စီအက်စ် ဦးအုန်းမောင်လည်း အစည်းအဝေး ခန်းမထဲကို ရောက်လာပြီး လက်ယာဘက်စားပွဲထိပ်က သခင်မြ အနားမှာ ၀င်ထိုင်လိုက်တယ်။

နံနက် ၁၀ နာရီ ၁၀ မိနစ်ခန့်မှာ " ငါ့တပည့်များ အောင်ပါစေကွာ" ဆိုတဲ့ စကားသံအဆိုံးမှာ အင်းလျှားကန် ဘေးရှိ ဦးစောအိမ်ဝင်းထဲကနေ ဂျစ်ကားအစိမ်းလေး တစင်းဝူးခနဲ ထွက်လာပြီး အတွင်းဝင်ရုံးဘက်ကို ဦးတည်မောင်းနှင်သွားတယ် ဒီဂျစ်ကားလေးကိုဦးစောရဲ့ တပည့် တစ်ဦးဖြစ်တဲ့ သုခက မောင်နှင်ပြီးကားပေါ်မှာ တခြားတပည်တွေဖြစ်တဲ့ စိန်ကြီး မောင်စိုး ရန်ကြီးအောင်သက်နှင်းတို့က တော်မီဂန်းနဲ့ စတင်းဂန်းတွေ အသင့်ကိုဆောင်ကာ လိုက်ပါလာကြတယ်။

မိုးတဖွဲဖွဲနဲ့ စွေနေတဲ့ လမ်းမကြီးပေါ်မှာ အာစီ/၁၈၁၄ နံပါတ်ဂျစ်ကား အစိမ်းလေးကဟာ စ်မိုးကာတွေခြုံထားပြီးစစ်ယူနီဖောင်းဝတ် နံပါတ် ၁၂ တပ်မ ခြင်္သေ့တံဆိပ် တပ်ထားတဲ့ လူ ၄ဦးကို တင်ဆောင်ကာ အပြေးမောင်နှင်လာတယ်။

ဒီဂျစ်ကားလေးဟာ မောင်ဂိုမာရီလမ်း(ယခု ဗိုလ်ချုပ်အောင်ဆန်းလမ်း) အတိုင်းပန်းဆိုးတန်းထိပ် နာရီစင်ကိုဖြတ်ပြီးအနောက်မှ အရှေ့သို့ မောင်းနှင်လာတယ်။ နောက် စပတ်လမ်း(ယခု ဗိုလ်အောင်ကျော်လမ်း) ကိုရောက်တဲ့အခါ ညာဘက်ကို ချိုးလိုက်တယ် ဒီကမှ တဆင့် ဖရေဇာလမ်း(ယခုအနော်ရထာလမ်း)ကို ဖြတ်ကျော်လာပြီး အတွင်းဝန်ရုံးရဲ့တောင်ဘက် ဂိတ်ဝကို ရောက်တဲ့အခါ စက်ရှိန် လျှော့ပြီးအတွင်းဝန်များရုံးဝင်းအတွင်း ၀င်ရန် ကားခေါင်းကိုဘယ်ဘက်သို့ဦးတည်လိုက်တယ်။

ဒီအချိန်ဟာ ရုံးတက်စ ၁၀နာရီခွဲခန့်ဖြစ်လို့ အရာရှိကြီးငယ်တွေရဲ့ ကားကြီးကားငယ်တွေ ၀င်နေကြလို့ ဂိတ်ဝမှာ ခဏရပ်စောင့်နေရသေးတယ်။

နောက်မှ ကားဘီးကို ခပ်ဖြည်းဖြည်းလိမ့်ကာ အနောက်ဘက်ဆင်ဝင်ကြီးအောက်က တဆင့် ကာကွယ်ရေးဌာနဘက်သို့ ကွေ့ဝင်ကာ အနောက်တောင် ထောင့်မှာ ထိုးရပ်လိုက်တယ်။

ချက်ချင်းဆိုသလိုပဲ ကင်းပတ်ဖိနပ်ရှည်(Canva Shoes)စီးထားပြီး စတင်းဂန်းတလက်၊တော်မီဂန်း၃လက် တို့ကို အသင့် ကိုင်ထားတဲ့ စိန်ကြီး၊မောင်စိုး ရန်ကြီးအောင်နဲ့ သက်နှင်းတို့လည်း ကားပေါ်က ခုန်ဆင်းကာ အတွင်းဝန် များရုံးထဲကို အပြေးဝင်ရောက်လာကြတယ်။

သုခက ကားကိုစက်မရပ်ဘဲ နှိုးထားကာ အသင့်စောင့်ဆိုင်းကျန်ရစ်ခဲ့တယ်၊သေနတ်ကိုယ်စီ ကိုင်ဆောင်ထားတဲ့ စိန်ကြီး ၊မောင်စိုး၊ရန်ကြီးအောင်နဲ့ သက်နှင်းတို့ဟာ အတွင်းဝန်ရုံးတောင်ဘက်မှ မြောက်ဘက်အတိုင်းဗိုလ်ချုပ်ရုံးခန်းရှိရာ ကို လျှောက်လာကြပြီး အခန်းဝမှာ စောင့်နေတဲ့ မင်းစေကိုတွန်းဖယ်ကာ မြောက်ဘက်ဆုံးတံခါးပေါက်ကနေ ၀န်ကြီးများစည်းဝေးနေတဲ့ အခန်းတွင်းသို့ဝင်လိုက်ကြတယ်။

နံနက် ၁၀နာရီ ၃၇ မိနစ်၊ရှေ့ဆုံးမှ ၀င်လာတဲ့ သက်နှင်းက " ဟိတ်" လို့ ခပ်ကျယ်ကျယ်အော်သံနဲ့ အတူ လက်ထဲက တော်မီဂန်းနဲ့ ဗိုလ်ချုပ်ကို သဲသဲမဲမဲ စတင် ပစ်ခတ်တော့တယ် တချိန်တည်းမှာပဲ စားပွဲထိပ်မှာ ထိုင်နေတဲ့ ဗိုလ်ချုပ်ဟာ ထိုင်ရာက လက်ကာပြရင်း ၀င်လာသူတွေကို တစုံတခု လှမ်းပြောဖို့ ကျိုးစားခဲ့သော်လည်း အချိန် မမှီတော့ပေ။

လူသတ်သမားရဲ့ ပစ်ခတ်လိုက်တဲ့ ကျည်ဆံတွေကြောင့် ဗိုလ်ချုပ် နောက်သို့ လန်ကျကာ လူရော ကုလားထိုင်ပါ လုံးထွေး လဲပြိုသွားတော့တယ်။ဒီနောက်မှ ဗိုလ်ချုပ်ညာဘက်မှာ ထိုင်နေတဲ့ ၀န်ကြီးတွေကိုလည်း တဆက်တည်း ပစ်ခတ်လိုက်တယ်။ပြီးတော့မှ ဘယ်ဘက်ကို မွေ့ယမ်းလိုက်တယ်။

ဝန်ကြီး ပျော်ဘွယ်ဦးမြနဲ့ အတွင်းဝန် ဦးရွှေဘော်တို့ဟာ ရှေ့ဆုံးက လူသတ်သမားက ဗိုလ်ချုပ်ကို စတင်ပစ်ပစ်ခြင်း နောက်ကျောဘက်က ပြတင်းပေါက် ကနေ အချိန်မှီ ခန်ချပြေးကြလို့ ဒဏ်ရာ မရရှိဘဲ လွတ်မြောက်ခဲ့ရတယ်။

ဝန်ကြီးဦးဘဂျမ်းကလည်း ပစ်ပစ်ခြင်း သူ့ဘေးမှာ ရှိတဲ့ ဦးအောင်ဇံဝေရဲ့ လက်ကို ဆောင့်ဆွဲကာ နှစ်ယောက်သား ကြမ်းပြင်ပေါ်လှဲချလိုက်လို့ အသက်ဘေးက လွတ်ခဲ့ရတယ်။

ကျန်တဲ့ ၀န်ကြီးတွေ ကတော့ တစ်ယောက်ပြီးတစ်ယောက် သေနတ်ထိမှန်ကာ အတုံးအရုံးလဲကျ ကုန်တယ်။နောက်တော့ မတ်တပ်ရပ်ပစ်ခတ်နေတဲ့ လူသတ်သမားတွေဟာ ဒူးထောက်ထိုင်လိုက်ကာ အားရပါးရ စိတ်တိုင်းကျ ဆက်လက်ပစ်ခတ်ကြပြန်တယ်။

စိတ်တိုင်းကျပစ်ခတ်ပြီးတဲ့ နောက်မှ လူသတ်သမားတွေဟာ အပစ်ရပ်ကာလှေကားရှိရာဘက်ကို ပြေးထွက်လာကြတယ်။ ဒီအချိန်မှာ လှေကားထိပ်ရှိ အခန်းထဲက ၀န်ကြီးဦးရာဇတ်ရဲ့ သက်တော်စောင့် ကိုထွေးထွက်လာရာ လူသတ်သမားတွေက
ကိုထွေးကို စတင်းနဲ့ တချက်မွှေလိုက်ပြီး"ဟေ့ မဆိုင်သူဖယ်နေ အောက်က ဆင်းကြ" လို့အော်ဟစ်ရင်း လှေကားအတိုင်း တဟုန်ထိုးပြေးဆင်းသွားကြတယ်

။ဆင်ဝင် အပေါက်ကြီး အောက်မှာ ကားစက်နှိုးပြီးအသင့်စောင့်နေတဲ့ သုခ ကားပေါ်တက်ကာ စပတ်လမ်း(ယခုဗိုလ်အောင်ကျော်လမ်း)ထွက်ပေါက်ကြီးက ထွက်ပြီး လက်ဝဲဘက်ကို ကွေ့ကာ ဒါဟိုစီ(ယခုဗန္ဓုလလမ်း) လမ်းအတိုင်း အနောက်ဘက်ကို အတားအဆီးမရှိ ထွက်ပြေးမောင်းနှင်လွတ်မြောက်သွားကြတယ်။

ဦးစောဟာ ဖဆပလ ခေါင်းဆောင်ပိုင်းအားလုံးကို လုပ်ကြံသတ်ဖြတ်နိုင်မှ ဖဆပလ အစိုးရပြုတ်ကျမယ်လို့ တွက်ပြီး ဖဆပလအဖွဲ့ချုပ် ဒုဥက္ကဌနဲ့ တိုင်းပြုပြည်ပြု လွှတ်တော် ဥက္ကဌ သခင်နုကိုပါ လုပ်ကြံဖို့ တပည်တစ်ဦး ဖြစ်တဲ့ ဘညွန့်ကို စေလွှတ်ခဲ့ပေမဲ့၊အဲဒီနေ့က သခင်နု ရုံးမတက်လို့ လုပ်ကြံခံရမဲ့ ဘေးက လွတ်သွားခဲ့တာဖြစ်တယ်။

ဗိုလ်ချုပ်အောင်ဆန်းနဲ့ ခေါင်းဆောင်ကြီး တွေကို လူသတ်သမားတွေက လုပ်ကြံသတ်ဖြတ်ခြဲ့ပြီးနောက် အခန်းထဲသို့ ပထမဆုံးေ၇ာက်ရှိလာတဲ့ ဗိုလ်ထွန်းလှက ဗိုလ်ချုပ်ကိုလဲကျနေရာမှ ထူကြည့်ခဲ့ရာ ရင်ဘတ်မှာ ဒဏ်ရာနှစ်ချက် သုံးချက်ခန့် ရတယ်လို့ ထင်ခဲ့တယ်။

ဒါပေမယ့် ရန်ကုန်ဆေးရုံကြီးကို ပို့ဆောင် ပြီးနောက် ဆရာဝန်ကြီးတွေက အသေအချာ စစ်ဆေးကြည့်ရှု့တဲ့အခါမှာတော့ ဗိုလ်ချုပ် ကိုယ်မှာ သေနတ်ဒဏ်ရာ ၁၃ တိတိကိုတွေ့ခဲ့ကြရတယ်။

ပျော်ဘွယ် ဦးမြနဲ့အတူ ပြတင်းပေါက်မှ ခုန်ချခဲ့တဲ့ အတွင်းဝန်ဦးရွှေဘော်မှာ လုံးဝထိခိုက်ခြင်းမရှိခဲ့ပေ၊ ကြမ်းပြင်ပေါ်ကို မှောက်လဲ ချခဲ့တဲ့ ဦးအောင်ဇံဝေလည်း ထိခိုက် ဒဏ်ရာ မရခဲ့ပေမဲ့၊ဦးဘဂျမ်းကတော့ လက်ဝဲဘက် နံပါးမှာ တချက်၊ လက်ယာဘက် လက်သူကြွယ်မှာ တချက်အပေါ်ယံရှပ်ထိမှန်ခဲ့တယ်။

တကယ်တော့ ဦးဘဂျမ်းဟာ အဲဒီနေ့က အည်းအဝေးကို တက်ဖို့ မရည်ရွယ်ခဲ့ပါဘူး။ ဘာဖြစ်လို့လဲဆိုတော့ သူဟာ ဟင်္သာတ ခရိုင်ကို ခရီးထွက်ရာကနေ ပြန်ရောက်ခါစ ဖြစ်ပြီး အအေးမိကာ အနည်းငယ် မကျန်းမမာဖြစ်နေတာကြောင့် ဖြစ်တယ်။

ဒါပေမယ့် သူကဟာ အဲဒီအချိန်က အရေးကြီးသတင်းထူး တခုကိုအမြန်ဆုံးတင်ပြ အစီရင်ခံဖို့ လိုအပ်နေတယ်လို့ ယူဆပြီး အစည်းအဝေးကို ကြိုးစားလာတက်ခြင်းဖြစ်တယ်။
ဦးဘဂျမ်းရရှိခဲ့တဲ့ သတင်းထူး တစ်ခုကတော့ လွန်ခဲ့တဲ့ ဇွန်လ နောက်ဆုံးအပတ်အတွင်းက ဗိုလ်တထောင် ဘီအိုစီ(Base Ordnance Depot) ခေါ် ပစ္စည်းသိုလှောင်ရေး တပ်ဖွဲ့ကနေ ဘရင်းဂန်း အလက် ၂၀၀ ကျော် ပျောက်ဆုံးခဲ့မှုရဲ့ တရားခံဟာ ဂဠုန်ဦးစော ဖြစ်တယ်ဆိုတာ တင်ပြဖို့ပဲဖြစ်တယ်။

ဂဠုန်ဦးစောရဲ့ လှုပ်ရှားမှုတွေကို ပုလိပ်ဘက်က သတိပြုမိနေတာတော့ ကြာပါပြီ။နောက်ပြီးဦးစောအိမ်နဲ့ မျက်နှာချင်းဆိုင် အိမ်မှာ နေနေတဲ့ စစ်ရုံးချုပ်က လုံခြုံရေးအရာရှိ လက်ဖတင်နင် ကာနယ် ဂေါ်ဒွန်ဟန့်ဟာ ဦးစောရဲ့လူသတ်မှုတွေကို သင်္ကာ မကင်းဖြစ်ကာ၊ မိမိနေအိမ်ကနေ စစ်သုံးမှန်ပြောင်းဖြင့် ညအချိန် စောင့်ကြည့်နေခဲ့ရာ ဦးစောဟာ တပည့် လေးငါးယောက်နဲ့ အတူ အင်းလျှားရေပြင်မှာ လှေတစင်းနဲ့ အလုပ်ရှုပ်နေတာကို ကြိမ်ဖန်များစွာ တွေ့မြင်ခဲ့ပြီး ဒီသတင်းကိုလည်း ဘုရင်ခံရဲ့ အတွင်းဝန် ဖိလစ်နက်ရ်ှထဲမှ တဆင့် ဘုရင်ခံက ဇူလိုင်က ၁၈ရက်နေ့မှာ သိထားပြီးဖြစ်တယ်

။နောက်ပြီး အဲဒီလုပ်ကြံမှု့ဖြစ်ပွားတဲ့နေ့က လူ၅ဦးကို တင်ဆောင်ကာအပြေးမောင်းနှင်လာတဲ့ ဂျစ်ကားလေးတစ်စီး ဦးစောအိမ်ထဲကို ချိုးဝင်သွားတယ်၊အ၀င်မှာ ဦးစောနဲ့ဆုံမိကြတော့ "အောင်ပြီ၊အောင်ပြီ" လို့လက်သီးလက်မောင်းတန်း ကြွေးကြော် နှတ်ဆက်ကြတာကို လက်ဖတင်နင် ကာနယ်ဂေါ်ဒွန်ဟန့် ကိုယ်တိုင်မြင်တွေ့ပြီး စီအိုင်ဒီ(မှုခင်းတပ်ဖွဲ့)ကို သတင်းပို့ခဲ့တယ်။ ဒါကြောင့် မွန်းလွဲပိုင်းမှာ ပုလိပ် စုံထောက်ဘက်နဲ့ သောင်းကျန်းသူ နှိမ်နှင်းရေး တပ်တို့ပူးပေါင်းပြီး အင်းလျှားကန်စောင်းရှိ ဦးစော နေအိမ်ကို ၀င်ရောက်ရှာဖွေခဲ့ပါတယ်။

ဦးစောရဲ့တပည့်တစ်ဦးဖြစ်သူ မိုက်ရူးရဲ မှုံကြီးက သေနက်ကို ကိုင်စွဲကာ ခုခံပစ်ခတ် ခဲသေးသော်လည်း အင်အားချင်း မမျှသည်ကို ရိပ်မိတဲ့ဦးစောက အချိန်မီ တားဆီးခဲ့တဲ့အတွက် ဦးစောတို့ လူသိုက် အားလုံးကို ဖမ်းဆီးရမိခဲ့တယ်။

ဦးစော အိမ်ထဲကနေ စာရွက်စာတမ်းတွေ မကြာခင်ကမှ ပြုလုပ်ထားတဲ့ "ဦးစော Prime Minister"ဆိုတဲ့ ရာဘာတံဆိပ်ဆုံးတွေနဲ့အတူ အင်္ဂလိပ် စစ်တပ်က ပျေက်ဆုံးသွားတဲ့ လက်နက်ခဲယမ်းမီးကျောက်တွေထဲက တချို့ကို အိမ်ထဲကရော အိမ်အနီးက အင်းလျှားကန်ကရော ရှာဖွေသိမ်းဆည်းရမိခဲ့တယ်။

ဒီမြန်မာပြည်ရဲ့ကံဆိုးမိုးမှောင်ကျခဲ့ရတဲ့ လုပ်ကြံမှုကြီးနဲ့ ပတ်သက်လို့ နောက်ပိုင်းမှာ ဗိုလ်ချုပ်ရဲ့ အပါးတော်မြဲ ဗိုလ်ထွန်းလှရဲ့ ထုတ်ဖော်ရေးသားချက်အရ၊စက်တင်းဂန်း ၂၀၀ ပျောက်ဆုံးမှု့နဲ့ ပတ်သက်ပြီး သတင်းတွေ အမျိုးမျိုးထက်လာပြီးလုံခြုံရေး အခြေအနေစိုးရိမ်ရတဲ့အထိ ပြောဆိုမှုတွေရှိလာတဲ့ အခါ ပြည်ထဲရေးဝန်ကြီး ဦးကျော်ငြိမ်း လန်ဒန်သွားနေခိုက်ပြည်ထဲရေးဌာန တာဝန်တွေကိုပါ ပူးတွဲယူထားတဲ့ ပျော်ဘွယ်ဦးမြက ဗမာ့ တပ်မတော်က တပ်စိတ် တစိတ်ကို ထုတ်နှတ်ပြီး ဗိုလ်ချုပ်မသိအောင် အတွင်းဝန်များရုံး အ၀င်လမ်းမှာ ကင်းပုန်းချထားလိုက်တယ်။

ဒီမြန်မာပြည်ရဲ့ကံဆိုးမိုးမှောင်ကျခဲ့ရတဲ့ လုပ်ကြံမှုကြီးနဲ့ ပတ်သက်လို့ နောက်ပိုင်းမှာ ဗိုလ်ချုပ်ရဲ့ အပါးတော်မြဲ ဗိုလ်ထွန်းလှရဲ့ ထုတ်ဖော်ရေးသားချက်အရ၊စက်တင်းဂန်း ၂၀၀ ပျောက်ဆုံးမှု့နဲ့ ပတ်သက်ပြီး သတင်းတွေ အမျိုးမျိုးထက်လာပြီးလုံခြုံရေး အခြေအနေစိုးရိမ်ရတဲ့အထိ ပြောဆိုမှုတွေရှိလာတဲ့ အခါ ပြည်ထဲရေးဝန်ကြီး ဦးကျော်ငြိမ်း လန်ဒန်သွားနေခိုက်ပြည်ထဲရေးဌာန တာဝန်တွေကိုပါ ပူးတွဲယူထားတဲ့ ပျော်ဘွယ်ဦးမြက ဗမာ့ တပ်မတော်က တပ်စိတ် တစိတ်ကို ထုတ်နှတ်ပြီး ဗိုလ်ချုပ်မသိအောင် အတွင်းဝန်များရုံး အ၀င်လမ်းမှာ ကင်းပုန်းချထားလိုက်တယ်။

မြန်မာပြည်ရဲ့ ကံဆိုးမိုးမှောင်ကျမှု အစလို့ ပြောရမဲ့ ကိစ္စကတော့ ၊အဲဒီတပ်စိတ်ထဲကရဲဘော်တစ်ယောက် ကိစ္စတစ်ခုနဲ့ အပြင်ထွက်လာချိန်မှာ ရုံးတက်ဖို့လာနေတဲ့ဗိုလ်ချုပ်က တွေ့ပြီး ဦးမြကိုဒီတပ်စိတ်ကိုရုပ်သိမ်းဖို့ အမိန့်ပေးခဲ့တာကြောင့် လုပ်ကြံမှု့ မဖြစ်ပွားခင် ရက်ကမှ ဒီလုံခြုံရေးကင်းပုန်းဝပ်နေတဲ့ တပ်စိတ် ရုပ်သိမ်းသွားခဲ့တာဖြစ်တယ်။

ဗိုလ်ချုပ် အောင်ဆန်းရဲ့ “သူ့ကို လုပ်ကြံမဲ့လူ မရှိနိုင်ပါဘူး” ဆိုတဲ့ ယုံကြည်ချက်နဲ့ အဆောင်အယောင် ပကာသန တွေကို ရွံ့ ရှာ စက်ဆုပ်ပြီး လွတ်လွတ်လပ်လပ် ရိုးရိုးသားသား နေထိုင်ချင်တဲ့ဗိုလ်ချုပ်ရဲ့ စိက်ရင်း စေတနာ ဖြူစင်ရိုးသားမူကို မချင့်မရဲဖြစ်ကာ မြန်မာပြည်နဲ့ လူထု ရဲ့ဆိုးဝါးလှတဲ့ ကံကြမ္မာလို့ ပဲပြောရမလား မသိတဲ့ အဖြစ်အပျက်ကိုသိမြင်ခွင့်ရခဲ့တော့ အံကြိတ် “တောက်” ခေါက်မိရင်း ” “ရန်သူမရှိဘူး” ဆိုတဲ့ ဗိုလ်ချုပ်ရေ ဘယ့်နှယ့်လဲ ကွဲ့။ ” လို့သာ ဟစ်အော်လိုက်ချင်တော့တယ်။

ဦးစေ ဒီလို နိုင်ငံ့ခေါင်းဆောင်ကြီးတွေကို လုပ်ကြံ သတ်ဖြတ်ရတဲ့ အကြောင်းအရင်းက လန်ဒန်ဆွေးနွေးပွဲမသွားမီ လအနည်းငယ်အလိုက ကာကီရောင်ဝတ်ထားတဲ့ လူ နှစ်ယောက်က ဦးစောကို သေနတ်နဲ့ ပစ်လုပ်ကြံခဲ့ရာမှာ အသက်မသေခဲ့သော်လည်း မျက်ခုံးကိုရှပ်မှန်ကာ ဒဏ်ရာရခဲ့တယ်။

ဒီလုပ်ကြံမူကို ဗိုလ်နေဝင်း နဲ့ ဗိုလ်အောင်ကြီးတို့ရဲ့ အစီအမံနဲ့ ဦးမြလိူင်(ပေဖူးလွှာ မဂ္ဂဇင်း အယ်ဒီတာဟောင်း) က ကားမောင်းကာ၊ ကားပေါ်မှာပါလာတဲ့ ရန်ကုန်ဘဆွေက ပစ်ခတ်ခဲ့ခြင်းဖြစ်တယ်။ ရန်ကုန်ဘဆွေ ကိုပေးကိုင်ပြီါ်ပစ်ခတ်စေခဲ့တဲ့သေနတ်ဟာ တပ်ရင်းမူးဗိုလ် နေဝင်း(အဲဒီအချိန်က ဗိုလ်နေဝင်းဟာတပ်ရင်းမူးသာရှိ သေးတယ်)ကိုင်ဆောင်တဲ့သေနတ်ဖြစ်တယ်။

ဒီကိစ္စ ဟာ ဗိုလ်ချုပ်အောင်ဆန်း နဲ့ပြည်သူ့ရဲဘော် လက်ချက်ဖြစ်တယ်လို့ယူဆကာ ဦးစော က ဗိုလ်ချုပ်နဲ့ ခေါင်းဆောင်ကြီးတွေကို လုပ်ကြံသတ်ဖြတ် လက်စားချေ တာလို့ပြောကြတယ် အမှန်တော့ ဒီလုပ်ကြံမူ ကြီးဟာ ဒီထက်ပိုမိုလေးနက်တဲ့ရည်ရွယ်ချက်တွေရှိပါတယ်။

ဦးစောဟာ ဗိုလ်ချုပ်တို့ကို ညှီးသူရန်ဘက် အနေနဲ့ လုပ်ကြံသတ်ဖြတ်တာမဟုက်၊ ဦးစော တချိန်က “ကောင်လေးတစ်ယောက်” လို့ယူဆခဲ့တဲ့ ဗိုလ်ချုပ်အောင်ဆန်းက နိုင်ငံအမျိုးသားခေါင်းဆောင်ဖြစ်လာပြီး သူလို နိုင် ငံရေးသမား စားဖားအိုကြီးတွေအတွက် မြန်မာ့ နိုင်ငံရေးဇာတ်ခုံမှာ နေရာမရှိဖြစ်နေရတဲ့အဖြစ်ကို ကြိတ်မနိုင် ခဲမရ ဖြစ်နေရတယ်။

ဒါ့ကြောင့် ဦးစောအနေနဲ့ ဖဆပလ ခေါင်းဆောင်အားလုံးကု ဖယ်ရှားနိုင်မှသာသူ့အနေနဲ့အာ ဏာရနိုင်မှာဖြစ်တယ်လို့ ယူဆကာ ရန်ကုန်ရှိ ဖဆပဘ ခေါင်းဆောင်အားလုံးကိုသာမက နယ်ရှိဖဆပလ ခေါင်းဆောင်တွေကို ပါ လုပ်ကြံသတ်ဖြတ်ဖို့ စီစဉ်ခဲ့တယ်။ ဒါ့ကြောင့်လဲ အင်္ဂလိပ်အာဏာပိုင်တွေနဲ့ပူးပေါင်း ခိုးယူထားတဲ့ လက်နက်ခဲယမ်းတွေ ကိုအိမ်အနီး အင်းလျားကန်ထဲမှာ ဝှက်ထားသလိုလက် နက်တချို့တဝက်ကို လဲမျိုးချစ်ပါတီဝင်တွေဆီ ကိုဖြန့်ဝေထားပြီးဖြစ်တယ်။

ဒီလိုဦးစောက အကြံအစည် ကြီးကြီးမားမားကြံစည်နိုင်မူ ဟာ နယ်ချဲ့ဗြိတိသျှတွေ ရဲ့မြှောက်ပင့်အားပေး မူကြောင့်သာဖြစ်တယ်။ဗြိတိသျှ ကွန်ဆာဗေးတစ် နိုင်ငံရေးသမားတွေ၊စစ်ဘက်နဲ့အရပ်ဘက်က ပုဂ္ဂိုလ်တွေဟာ သူတို့ရဲ့ ရန်သူတော်ဟောင်းဗိုလ်ချုပ်အောင်ဆန်းနဲ့ ဖဆပလ ပါဘူး။

ဒါကြောင့် မြန်မာနိုင် လွတ်လပ်ရေး မယူမီမှာ ဖဆအဖွဲ့အစည်းအာဏာရနေတာကိုမရူစိမ့်မနာလိုကြပလ အစိုးရအဖွဲ့ ကိုဖြုတ်ချပြီး၊ မြန်မာနိုင်ငံကို ဒိုမီနီယံ အတွင်းမှာဆက်ရှိနေအောင် ဂဠုန်ဦးစော လိုပုဂ္ဂိုလ်တွေနဲ့ ပူးပေါင်းကြံစည်ခဲ့ကြတာဖြစ်ပါတယ်။

ပြီးပါပြီ။


မောင်ကျောက်ခဲ မှ ကူးယူဖော်ပြသည်....
Credit
ထိပ်ထား
Via-Phyo Pyae Sohn
ပြန်လည်မျှဝေပါသည်
လေးစားစွာဖြင့်
Suu SandiWinn

posted from Bloggeroid

Read More →

အခိုက်အတန့်ဆိုတာ မမေ့ပါနဲ့

ဘဝမှာ အခက်အခဲတွေ ဘယ်လောက်ပဲကြုံကြုံ အခိုက်အတန့်ပဲဆိုတဲ့အချက်ကို မမေ့ပါနဲ့။ အခက်အခဲဆိုတာ တစ်သက်တွဲနေတာမှ မဟုတ်တာ။ မတုန်မလှုပ် ရင်ဆိုင်နိုင်ဖို့က အဓိကပဲ။ သေချင်လောက်အောင် ဖြစ်နေတဲ့အခက်အခဲဆိုလည်း ရင်ဆိုင်ရမှာပဲ။ သေလိုက်လို့လည်း ပြီးသွားမှာမှ မဟုတ်တာ။ သေရင်ပြတ်ပြီလို့ ထင်ရပေမယ့် သံသရာကတော့ ပြတ်မှာမဟုတ်ဘူး။

အခက်အခဲကို ကျော်လွှားနိုင်ဖို့ဆိုရင် စိတ်ဓာတ်ခိုင်မာဖို့လိုတယ်။ တုန်လှုပ်ခံစားနေတဲ့စိတ်ဟာ အသေးအဖွဲ အခက်အခဲလေးကိုတောင် ရင်ဆိုင်နိုင်ဖို့မလွယ်ဘူး။ ရင်မဆိုင်နိုင်ရင် ကျော်လွှားဖို့လည်း မဖြစ်နိုင်ဘူး။ မကျော်လွှားနိုင်ရင် အခက်အခဲက ကိုယ့်ကိုအနိုင်ယူသွားမှာပဲ။ အခက်အခဲက အခက်အခဲကိုပိုပြီး တိုးစေမှာပဲ။ အဲဒါဆိုရင် ကိုယ့်စိတ်ကပိုပြီး အကျပိုင်းကို ရောက်သွားစေတော့တာပဲပေါ့။

ဘယ်အလုပ်မဆို ဘယ်ကိစ္စမဆို စကာစကတော့ အခက်အခဲဆိုတာ ရှိနေမှာပဲ။ လုပ်နေရင်းနဲ့လည်း အခက်အခဲဆိုတာ ကြုံနေရမှာပဲ။ ဘဝဆိုတာ မွေးလာကတည်းက အခက်အခဲနဲ့ မွေးလာရတာပါ။ လူ့လောကရောက်တော့လည်း ကလေးဘဝကတည်းက အခက်အခဲတွေနဲ့ချည်း စခဲ့ရတာပါ။ မွေးကင်းစ ကလေးဘဝ ထိုင်ဖို့လည်းခက်ခဲ၊ ရပ်ဖို့လည်းခက်ခဲ၊ စားဖို့လည်း ခက်ခဲ၊ လမ်းလျှောက်ဖို့လည်း ခက်ခဲနေတာပဲလေ။ တဖြည်းဖြည်းလေ့ကျင့်ရင်းနဲ့ပဲ ဒီ အခက်အခဲတွေကို ကျော်လွှားလာကြတာပဲ မဟုတ်လား။

အရေးကြီးဆုံးက အလေ့အကျင့်တွေ မကျဖို့ပါပဲ။ လဲသွားရင်ပြန်ထ၊ ကျသွားရင်ပြန်တက်၊ ရှုံးသွားရင်ပြန်ရုန်း၊ အပြုံးမပျက် ရှေ့ဆက်ဖို့ပါပဲ။ ဘယ်လောက်ခက်ခဲတဲ့ ကိစ္စဖြစ်ပါစေ အဖြေကတော့ ရှိနေတာပါပဲ။ အချိန်တန်တော့လည်း ပြီးသွားတာပါပဲ။ အခက်အခဲကြားမှာ ပြာယာခက်ပြီး မမှားဖို့ပဲ လိုပါတယ်။ ကိစ္စတိုင်းမှာ အကြောင်းအကျိုးဆိုတာ ရှိနေတာပါပဲ။ အခက်အခဲဆိုတာ အကျိုးသက်ရောက်မှု တစ်ခုပဲ။ သူ့ရဲ့အကြောင်းတရားကို ဆင်ခြင်၊ ပြင်ဆင်သင့်တာ ပြင်ဆင်နိုင်ရင် နောက်ထပ်ဖြစ်လာမယ့် အကျိုးသက်ရောက်မှုက အကောင်းဘက်ကို ရောက်လာမှာပဲပေါ့။

ဗုဒ္ဓအဆုံးအမ သီလ၊ သမာဓိ၊ ပညာ ဒီသုံးပါး ဟန်ချက်ညှိအောင်သာ ကြိုးစားပွား၊ အခက်အခဲဆိုတာ အေးဆေးလေးကျော်လွှားသွားမှာ အမှန်ပါပဲပေါ့။

https://www.facebook.com/U-Lay-409043739493867/

posted from Bloggeroid

Read More →

ပငးယ ဂူသုံးလုံးအကြောင်း

တည်နေရာ
တံတားဦးမြို့ မန္တလေးတိုင်းဒေသကြီး ကျောက်ဆည်ခရိုင်…




တောင်မြောက်တန်းလျက်ရှိနေသော လိုဏ်ခံစေတီကြီး သုံးဆူကို ဂူသုံးလုံးဟု ဒေသခံတို့က ခေါ်နေကြပါသည်။ ဂူကြီးသုံးလုံးမှာ ပင်းယမြို့တွင်း၌ရှိပြီး တံတားဦး-ကျောက်ဆည်ကားလမ်း၏ အနောက်ဘက်တွင် တည်ရှိပါသည်။ တစ်ဂူနှင့် တစ်ဂူမှာ ပေ ၁၂၀ ခန့်သာ ကွာဝေးမည်ဟု မှန်းဆရပါသည်။ ဂူကြီးသုံးလုံးမှာ ထုထည်ကြီးမားလှပါသည်။ ပုံစံများမှာလည်း တစ်ပုံစံတည်းဟု ဆိုနိုင်ပါသည်။ ဂူကြီးသုံးလုံးတွင် အလယ်ဂူမှာ ထုထည်အကြီးဆုံးဖြစ်ပါသည်။ တောင်ဘက်ဆုံးဂူနှင့် မြောက်ဘက်ဆုံးဂူမှာ လိုဏ် ပတ်လမ်းများပါရှိပြီး ဂူပေါ်သို့တက်ရန် လှေကားများပါရှိပါသည်။ ယခုအချိန်ထိပင် ထိုလှေကားတစ်ချို့မှ အတက်အဆင်း ပြုလုပ်နိုင်ပါသည်။
ဂူသုံးလုံးတွင် လေးမျက်နှာမုခ်များ ပါရှိပြီး မုခ်များအတွင်း၌ ရုပ်ပွားတော်အသီးသီး ကိန်းဝပ်လျက်ရှိပါသည်။ ထိုဂူ ၃ ဂူစလုံးမှာ ပုဂံယဉ်ကျေးမှု အငွေ့အသက်များစွာ ပါဝင်သော လက်ရာများ ဖြစ်ပါသည်။ ရာမလက်ညှိုး| ငှက်ပျောဖူး| စိုင်ပေါင်| ပန်းတော့လက်ရာများသည် ပုဂံယဉ်ကျေးမှုဟန်ကို များစွာ အတုယူပြုလုပ်ထားသည်ကို တွေ့ရသည်။ တစ်နည်းအားဖြင့်ဆိုရလျှင် ပုဂံခေတ်လွန် လက်ရာများဟု ဆိုနိုင်ပါသည်။ ဂူသုံးလုံးတွင် တောင်ဘက်ဆုံးဂူတွင် ပန်းတော့လက်ရာ အများဆုံးကျန်ရှိသည်ကို တွေ့ရပါသည်။ ဘီလူးပန်းကိုက်| ဘီလူးပန်းဆွဲများမှာ လက်ယာမြောက်လှပါသည်။ မြောက်ဘက်နှစ်ဂူတွင် ပန်းတော့လက်ရာ အနုတန်ဆာများ မတွေ့ရတော့ပါ။ ဂူတိုင်းတွင် စဥ့်ခွက်ရာများ ပါရှိသည်ကို တွေ့ရသော်လည်း စဥ့်ခွက်များမှာ ပျက်စီးခဲ့ပြီ ဖြစ်ပါသည်။ အကျွင်းအကျန်ဟူ၍ မြောက်ဘက်ဆုံးဂူ အနောက်တောင်ထောင့်၌ အနည်းငယ်မျှသာ တွေ့ရပါသည်။ တောင်ဘက်ဆုံးဂူတွင် နံရံဆေးရေးပန်းချီများ ရှိခဲ့ပါသည်။ ဗုဒ္ဓရုပ်ပွားတော်ပုံများ ဖြစ်ပါသည်။ သို့သော် ယခုအခါ၌ ဆေးရေးပန်းချီများမှာ မှေးမှိန်ပျောက်ကွယ်ခဲ့ပြီ ဖြစ်ပါသည်။
ဂူသုံးလုံးတည်ခဲ့သူကို အတည့်အကျ မသိရပေ။ တစ်စီးရှင်သီဟသူမင်းကြီးသည် သက္ကရာဇ် ၆၇၄ ခုနှစ်၌ ဂူတစ်ခုကို တည်သည်ဟူသော ရာဇဝင်လာ စကားကို အထောက်အထားပြုပြီး အချို့ကလည်း တောင်ဘက်ဆုံးဂူကို တစ်စီးရှင် သီဟသူတည်သည်ဟု ဆိုကြသည်။ တိကျခိုင်လုံသော အထောက်အထားကား မဟုတ်ပေ။ ဂူသုံးလုံးတွင် အလယ်ဂူနှင့် မြောက်ဆုံးဂူတို့ကြားတွင် ကျောက်စာဂူဖြင့် ကျောက်စာနှစ်ချပ် တွေ့ရှိရသည်။ ကျောက်စာနှစ်ချပ်တွင် တစ်ချပ်မှာ ပင်းယမြို့ ဒုတိယနန်းစံ ဥဇနာမင်းကြီးသည် ဂူသုံးခုကို မြေလှူသော ကျောက်စာဖြစ်သည်။ ကျောက်စာတွင် ဂူကြီး| ဂူပြောက်| လက်ထဂူတို့ကို တည်ပြီး မြေလှူကြောင်း ရေးထိုးထားပါသည်။ ယခုမြင်တွေ့နေရသော ဂူသုံးလုံးမှာ ကျောက်စာ၌ပါရှိသော ဂူကြီး| ဂူပြောက်| လက်ထဂူတို့ဖြစ်ပြီး ဥဇနာမင်းတည်ခဲ့ကြောင်း| ထိုကျောက်စာတို့ကို ကိုးကား၍ ဆိုကြပါသည်။ သို့သော် စဉ်းစားစရာတစ်ခုရှိသည်မှာ ကျောက်စာကြောင်းရေ ၁ နှင့် ၂ ၌ ပါရှိသော အိမ်နိမ့်အရပ်၌ ဟူသော စကားပင်ဖြစ်ပါသည်။ ထိုကျောက်စာအတိုင်း ဖော်ပြရလျှင် "သက္ကရာဇ် ၇၀၂ ခု အာသတ်နှစ်မြွယ်တာ လပြည့်တနင်္ဂနွေနေ့ ဥစ္စနာမင်းကြီးသည် အိမ်နိမ့်အရပ်၌ ကြီး(စွာသ)ဂူပြု၍" ဟူ၍ ရေးထိုးထားသည်။ ကျောက်စာလာစကားအရ ဥစ္စနာမင်းကြီးသည် ဂူကြီးကို အိမ်နိမ့်အရပ်၌ တည်ခဲ့ကြောင်းဆိုထားပါသည်။ ကျောက်စာ၌ပါသော အိမ်နိမ့်အရပ်ဆိုသည်မှာ မည်သည့်အရပ်ကိုဆိုကြောင်း စဉ်းစားမိပါသည်။ ပင်းယမြို့ဟောင်း၏ အရှေ့တောင်ဘက် သုံးမိုင်ကျော်အကွာတွင် အိမ်နိမ့်ကန်ဟူ၍ ရွာတစ်ရွာ ရှိပါသည်။ ထိုရွာသည် မင်းညီမင်းသားများ အိမ်နိမ့်စံစဉ်က နေထိုင်ခဲ့သော နေရာဖြစ်သည်ဟုလည်း ဒေသခံတို့က ဆိုကြပါသည်။ ကျောက်စာပါ အိမ်နိမ့်အရပ်ဟူသည် ထိုရွာကိုပင် ဆိုသလော။ ဂူကြီးသုံးလုံးရှိရာ အရပ်ကိုပင် ဆိုသလော တွေးတောမိခြင်း ဖြစ်ပါသည်။ ယခုကျောက်စာမှာလည်း ဂူကြီးသုံးလုံးနား၌ နဂိုကပင် ရှိခဲ့သော ကျောက်စာလား နောက်မှ ရွှေ့ပြောင်းသယ်ဆောင်ခဲ့သော ကျောက်စာလား ကွဲပြားစွာ မသိရတော့ပါ။ ကျောက်စာဂူမှာ မျက်မှောက်ခေတ် ပြုလုပ်ထားသောဂူ ဖြစ်ပါသည်။ ကျောက်စာမှာ မူလကတည်းက ဂူသုံးလုံး၌ တည်ရှိခဲ့သော ကျောက်စာဟုဆိုလျှင် ဂူသုံးလုံးမှာ ဥဇနာမင်းကြီး တည်ထားခဲ့သည်ဟု ယူဆရမည် ဖြစ်ပါသည်။ ပင်းယမြို့စစ်တမ်းတွင် ဂူသုံးဂူဘုရားရှင် ဝတ်တော်မြေမှာ ပန်းလောင်းမြစ်အရှေ့ဘက် တဘက်ဆွဲရွာ မြေစပ်အထိ ကျယ်ဝန်းကြောင်း ဖော်ပြထားသည်ကို တွေ့ရပါသည်။

ကိုးကား
-အင်းဝနန်းစံမင်းများနှင့် သမိုင်းဝင်နေရားများ[ဗိုလ်ရှတ်(ရတနာပူရ)] စာအုပ်မှ ကိုးကား၍ ကျွန်တော် Yelay TDU မှ ပြန်လည်ဖော်ပြပါသည်။
Photo- Yelay tdu (Ye Yint Htun @ Photography)
https://www.facebook.com/yelay.tdu.7

posted from Bloggeroid

Read More →

စိတ်၏ နားခိုရာ

လောဘပူးတော့ စိတ်ကရူးတယ်။
ဒေါသများတော့ စိတ်ကခါးတယ်။
မောဟမွှေတော့ စိတ်ကတွေတယ်။
မာနခံတော့ စိတ်ကထန်တယ်။
ဣဿာထားတော့ အိပ်စရာရှားတယ်။
မစ္ဆရိယရှိတော့ ရှိသမျှငြိတယ်။

အရင်းစစ်တော့ ကိုယ့်စိတ်ကို ဒုက္ခပေးတာ ကိလေသာတရားတွေပါပဲ။
~ လောဘတွေ အားကြီးလာရင် ရူးတောင်သွားနိုင်တယ်။ လိုချင်မှုနဲ့ တပ်မက်မှု လောဘက လူကို အရူးအမူးဖြစ်စေတယ်။ လူရူးတာထက်၊ စိတ်ရူးတာပေါ့။

~ ဒေါသတရားများလာတဲ့အခါ စိတ်တွေပါ ခါးလာတော့တာပါ။ ဒေါသစိတ်က အချိုမပါဘူး။ အခါးတွေနဲ့ အမှားတွေပဲ ဖြစ်စေတယ်ပေါ့။
~ မောဟကလည်း အမွှေပါပဲ။ အပြစ်အားလုံးမှာ မောဟကမွှေနေတာပါ။ မောဟမွှေတော့ စိတ်ကတွေဝေတာပေါ့။ စိတ်ကတွေဝေလာရင် ကုသိုလ်အကုသိုလ်လည်း မကွဲတော့ဘူးပေါ့။
~ မာနအခံက လူကိုထန်စေတယ်။ စိတ်ကိုထောင်လွှားစေတယ်။ အရိုအသေမပေးချင်ဘူး။ နှိမ့်ချရမှာဝန်လေးတယ်။ သိသိချည်းနဲ့ ဝန်မခံနိုင်ဘူး။ ထန်ပါများတော့ မညွှတ်ဖြစ်တော့ဘူးပေါ့။
~ ဣဿာက ကိုယ့်စိတ်ကိုနှိပ်တာ များတယ်။ မနာလိုတဲ့ စိတ်က ဟန်တောင်မဆောင်နိုင်ဘူး။ ကိုယ့်ထက်သာတဲ့ သူတွေအပေါ်မှာ မုဒိတာ မပွားနိုင်လို့ ဖြစ်တဲ့ စိတ်က သူများမခံစားခင် ကိုယ်ကအရင် ပူတော့တာပဲ။ ဣဿာများတော့ အိပ်ရာထဲရောက်နေတာတောင် အိပ်စရာက ရှားနေတော့တာပေါ့။
~ မစ္ဆရိယက ရှိသမျှကို ငြိစေတယ်။ ကိုယ့်ရဲ့မရှိမဲ့ ရှိမဲ့အရာတွေမှာ ငြိနေတဲ့သဘောပဲ။ ဝန်တိုနေတဲ့စိတ်က သူများရသွားမှာ၊ သူများတွေ့သွားမှာ၊ သူများသာသွားမှာ မလိုချင်ဘူး။ မရစေချင်ဘူး။ ဒီစိတ်ကလည်း ကိုယ့်ဟာနဲ့ကိုယ် စိတ်မချနိုင်အောင် ပူလောင်စေတာပဲပေါ့။

ဒီတော့ အဖြေကရှင်းပါတယ်။ စိတ်မညစ်ချင်ရင် ကိုယ့်စိတ်ကို ကိလေသာတွေနဲ့ ဒုက္ခမဖြစ်စေနဲ့ပေါ့။ ဖြစ်လာရင်လည်း အကြာကြီး မဖြစ်စေနဲ့ပေါ့။ အကြာကြီး မဖြစ်ဖို့ကတော့ သတိနဲ့ညှိပေါ့။ သတိလေးထားပြီး ဖယ်ပေါ့။ သတိလေးကပ်နိုင်ဖို့ကတော့ တရားများများမှတ်ရမှာပေါ့။ တရားမှတ်တယ်ဆိုတာ သိအောင်လုပ်တာပဲလေ။ အသက်ရှုလည်။ သိပြီးရှု၊ လမ်းလျှောက်လည်း သိပြီးလျှောက်၊ စကားပြောလည်း သိပြီးပြော စသဖြင့် လှုပ်ရှားမှုတိုင်းမှာ သိနေရင် အဲဒါတရားပါပဲ။ မသိရင်တော့ မတရားပေါ့။ မတရားတာများရင် မှားတာတွေလည်း များနေမှာပဲပေါ့။

အပ္ပမာဒေန သမ္ပာဒေထ - သတိမလွတ်ကြစေနဲ့ပေါ့။

မေတ္တာဖြင့်
မနာပ ဒါယီ အရှင်ဝိစိတ္တ

posted from Bloggeroid

Read More →

သတိပြုပါ ရွှေမြန်မာတို့

သတိပြုပါ ရွှေမြန်မာတို့
----------------
# မြန်မာတွေက ပျော်ကောင်းနေချိန်မှာ
သူတို့တွေက အော်ရောင်းနေကြတယ်။ (ဈေးကွက်)

# မြန်မာတွေက ကျောင်းပြေးနေချိန်မှာ
သူတို့တွေက စောင်းပေးသင်နေကြတယ်။ (ပညာ)

# မြန်မာတွေက အသုံးပြုနေချိန်မှာ
သူတို့တွေက ပုန်းစုနေကြတယ်။ (ဥစ္စာ)

# မြန်မာတွေက စည်းမဲ့ကမ်းမဲ့ ဖြစ်နေချိန်မှာ
သူတို့တွေက စည်းနဲ့ကမ်းနဲ့ စနစ်ပြင်နေကြတယ်။ (စနစ်)

# မြန်မာအချင်းချင်း ရန်ဖြစ်နေချိန်မှာ
သူတို့အချင်းချင်း ခံစစ်ပြင်နေကြတယ်။ (ညီညွတ်မှု)

# မြန်မာအချင်းချင်း နေရာလုနေချိန်မှာ
သူတို့အချင်းချင်း နေရာစုနေကြတယ်။ (နေရာ)

# မြန်မာအချင်းချင်း ခေါင်းပုံဖြတ်နေချိန်မှာ
သူတို့အချင်းချင်း ရောင်းကုန်မြတ်ငွေ အပ်နေကြတယ်။ (စုငွေ)

# သတိပြုပါ ရွှေမြန်မာတို့
ကိုယ်တွေ မမာတာနဲ့
စီးပွားရေးလည်း သူတို့က အခရာ
ပညာရေးလည်း သူတို့က နေရာတကာ
လူမျိုးရေးလည်း သူတို့က ခပ်မာမာ
ဘာသာရေးလည်း သူတို့က အခိုင်အမာ။

# ဒီလိုသာ ကြာသွားရင်တော့
လူမျိုးရေးလည်းပျောက်
စီးပွားရေးလည်းနောက်
ပညာရေးလည်းအောက်
ဘာသာရေးလည်းကောက်
အားလုံးဟာ မှောက်သွားတော့မှာပါပဲ။

# သတိပြုပါ ရွှေမြန်မာတို့
တို့တတွေ မေ့နေရင်တော့
တို့တတွေ ရန်ဖြစ်နေရင်တော့
တို့တတွေ စည်းကမ်းမဲ့နေရင်တော့
တို့တတွေ စနစ်မဲ့နေရင်တော့
အပြစ်မဲ့တဲ့ မြန်မာပြည်
အနှစ်ရှိတဲ့ ဘာသာတရား
မကြာခင် ပါသွားလိမ့်မယ်
ကြပ်ကြပ်သတိထား။ ။

စိတ်မအေးစွာဖြင့်
မနာပ ဒါယီ အရှင်ဝိစိတ္တ

မှတ်ချက်။ တင်ပြီးသား အဟောင်းလေး အကောင်းလေးမို့ ပြန်တင်သည်။

posted from Bloggeroid

Read More →