ဘဝဆိုတာ တိုက်ပွဲတစ်ခုလို့ သတ်မှတ်ကြမယ်ဆိုရင် ဒီဘဝထဲမှာ အခက်အခဲတွေရှိမယ်၊ ပင်ပန်းဆင်းရဲမှုနဲ့ ကြမ်းတမ်းမှုတွေရှိမယ်။ ဒါ့အပြင် ကိုယ့်ကို တိုက်ခိုက်ကြမယ် အတိုက်အခံဆိုတာတွေရှိမယ်။ ဒါဟာ ထုံးစံတစ်ခုရယ်ပါ..
.
ဒီဘဝထဲမှာ သင့်ကို ချစ်တဲ့သူတွေရှိမယ်၊ သင့်ကို နွေးထွေးစေမယ့်သူတွေရှိမယ်၊ လဲပြိုကျရင် ကမ်းကြိုမယ့် လက်တွေရှိမယ်။ ဒါတွေပဲလားဆိုတော့..
သင့်ကို မုန်းတဲ့သူတွေ၊ နာကျင်စေမယ့်သူတွေ၊ ခြေထိုးခံမယ့်သူတွေလည်း ရှိပါသေးတယ်။ အဖြူရှိရင် အမဲရှိသလို၊ ချစ်သူရှိရင်လည်း မုန်းသူရှိနေနိုင်တယ်ဆိုတာ
ထုံးစံပါ။
.
သင့်ကို မလိုလားတဲ့သူတွေက သင့်ကို အားနည်းအောင် လုပ်လိမ့်မယ်။ နာကျင်ဝမ်းနည်းအောင် လုပ်လိမ့်မယ်။ ပြိုလဲအောင် တိုက်ခိုက်လိမ့်မယ်။ ရည်ရွယ်ပြီးတော့ဖြစ်စေ.. မရည်ရွယ်ဘဲနဲ့ဖြစ်စေ.. သင့်ကို မကောင်းတဲ့အရာတွေကြုံအောင် သူတို့လုပ်ဖြစ်ကြလိမ့်မယ်။ ဒါဆို သင် ဘာလုပ်မလဲ?
သူတို့ကို ပြန်ပြီး မုန်းမှာလား? ပြန်ပြီး တိုက်ခိုက်မှာလား?
.
တစ်ချို့တွေက ကိုယ့်ကိုမုန်းတဲ့သူကို ပြန်မုန်းဖို့ကြိုးစားတယ်။ တစ်ချို့တွေက ကိုယ့်ကို နာကျင်စေတဲ့သူကို ပြန်နာကျင်အောင်လုပ်ဖို့ ကြိုးစားတယ်။ တစ်ချို့တွေက ကိုယ့်ကို တိုက်ခိုက်တဲ့သူတွေကို ပြန်တိုက်ခိုက်ဖို့ ကြိုးစားတယ်။ ဒီလိုနဲ့ပဲ သူတို့ရဲ့အချိန်တွေ ကုန်သွားကြတယ်။
.
တစ်ချို့တွေကတော့ ကိုယ့်ကိုယ်ကို ရင့်ကျက်အောင် ကြိုးစားတယ်။ သူတို့အမုန်းတွေကြောင့် မခါးသီးအောင်..
တစ်ချို့တွေက ကိုယ့်ကိုယ်ကို သန်မာအောင် ကြိုးစားတယ်။ သူတို့ရဲ့လုပ်ရပ်တွေကြောင့် မနာကျင်ရအောင်..
တစ်ချို့တွေကတော့ ကိုယ့်ကိုယ်ကို ပြင်ဆင်နိုင်ဖို့ ကြိုးစားတယ်။ သူတို့ ဘယ်လောက် တိုက်ခိုက်၊တိုက်ခိုက် လဲမကျသွားအောင်..
.
ဘဝဆိုတာ ခက်ခဲကြမ်းတမ်းမှာပါပဲ။ ကိုယ်ဘယ်လို တုံပြန်မလဲဆိုတာပေါ်မူတည်ပြီးတော့ဘဲ ရလဒ်တွေ ကွဲပြားသွားတာပါ။
______________
ကိုယ့်ကိုယ်ကို သန်မာအောင် တည်ဆောက်နိုင်ကြပါစေ..
0 comments:
Post a Comment